وقف ومسك كوب الشاهي : يلا تأخرت بطلع لدوام ناظر فيهم لا تتأخرون يابنات
هزت راسها رفيف ووقفت احلام : جاء السواق
نياف ناظر بسهم : طيب انا ؟
سهم ناظر فيه : وشو
نياف : قول لا تتاخر نيافي
سهم : لاتتاخر نيافي
وقف نياف : يلا مشيت
-
ناظر عقاب بروان : يلا الباص ماباقي عنه شي
ناظرت روان بابوها بنظرات البراءه : يبه اروح مع الباص وانا عروس ضربتها امها بقوه : كانك تحمستي ياروان اعقلي
كشرت روان : شسوي مابجيب قلبكم الا كذا
-
ناظرت بالمستشفى من برا سمت بالله ودخلت مع البوابه تقدمت لمكتب مشعل ووقفت طقت الباب وماكان فيه اي رد وقفت بجنبه ناظرت بالي يمشون حولها والدكتورين ناظرت مشعل جاي للمكتب ومعاه اللابكوت بيده ابتسم : صباح الخير
ماردت عليه
دخل ودخلت وراه
اثمار : كيف ابدا ؟
مشعل : اول تعالي بوريك مكتبك
طلع مشعل وطلعت بخلفه تمشي وراه تقدم عند قسم الاداره وناظر فيها هذا قسمك دخلت بمكتب كان معزول تماماً عن الي معاها بحكم انهم اول مرا يوظفون بنت بالاداره
ناظرت بمشعل : وكيف بيكون دوامي ومن وين ابدا ؟
ناظر مشعل بابراهيم : ابي الورقه الي قلت لك
قرب ابراهيم ومعاه ورقه ناظر مشعل باثمار: هذا جدولك كامل والاوقات طبعاً هذا اسبوعي يتغير وكل شي وترا انا اتابعك وتقدرين تقولين مثل المراقبه عشان اي خطا يصير اكون منتبه له من قبل
هزت راسها اثمار وناظرت بمكتبها
مشعل اشر على مكتبها : تفضلي اي شي تبيه تجيني بالمكتب طلع من الاداره
دخلت وقفلت الباب وناظرت بمكتبها يجنن وكلمه يجنن قليله فعلاً فيه ناظرت بالديكورات والمكتب والابتوب وكل شي موجود يجنن قربت وجلست على كرسيها ابتسمت : الشعور يجنننن
مسكت الورقه وناظرت بالجدول: يوم الاربعاء ٤ العصر اطلع يقلعكممم
وقفت قدام مكتبها صورت المكتب وارسلته لابوها
رجعت للكرسي جلست بدت تشتغل على الي قايلين لها
-
بجهه ثانيه دخل سهم مكتبه وبدا يحوس بالاوراق ويتشغل دخل مشعل : صباح الخيرر
سهم : صباح النورر كيف الحال
مشعل : بخير الحمدلله
كمل مشعل: اليوم بدت اثمار عقاب
هز راسه سهم
مشعل : اذا تبي اي شي عنها قولي
هز راسه سهم
-
أنت تقرأ
"خذني على قد الوله واشتياقي ترا الكرم بالحب حاجة عظيمة"
Short Storyمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"
