دخل فيصل ووراه صقر من باب المطبخ
فيصل : ارقى فوق مع الدرج وتلقا غرفتها على جنب
مشى صقر مع الدرج بهدوء طق الباب وفتحه بدون لاترد
دخل ناظر فيها جالسه وماسكه شعرها بعصبيه
ناظرت فيه اخذت اقرب شي المشط تقدمت تركض تبي تذبحه فيه كتفها صقر ولف ظهرها على صدره : صدقيني ماكانت كذا نيتي
سمو : انت عارف وش سويت انت فرقتهم لفت وجهها له : دعت علينا ودعت على مندوبكم الغبي الي يبلكها
ناظرت فيه بعصبيه : فكني صدقني بقتلك الليله
صقر : استهدي بالله
سمو : غبي وش ذا الفكره خاتممم
صقر : شنسوي قلنا هو غني يمكن تنتبه انه منه
سمو : فكني صقر
فكها لفت له : صقر
صقر ناظر فيها كملت: قالت له كلام مستحيل بيرضى شخص يتقبلها نهائي
صقر : طيب ندور فكره ثانيه؟
سمو عصبت عليه رفعت المشط بتضربه مسكها ولفها بقوه
سمو : باقي تبي فكره تبيها تقتله
صقر : نيتي زينه قسم بالله ابي اجمعهم يوم قلتي لي قلت حرام
سمو : لاعاد تفكر تجمع راسين ابد من يوم قلت انك جمعت ماهر والجادل قلت هذا شيخ والحين
صقرر نفذ صبره: طيب هذي من ضمن الخطه انها تهاوشه
سمو : شقاعد تقول انت
صقر فكها ولفت له : اسمعي خلينا نتفاهم
سمو : بكرا الصباح الحين خلني افكر
صقر : طيب بطلع
وقف فيصل عند بيت ماهر ركب ماهر لفو لسهم الي جاي لهم وقف بجنبهم وركبو بسيااره فيصل
سهم : سلام عليكم
ماهر ناظر فيه ولف عنه
مشو للبر
-
بالبر
صقر : شفيك سهم فيك شي ؟
سهم بهدوء : لاوالله
نياف طلع البلوت : ياعيال جونا
لف فيصل لهم : وصخين يوم قمت اسوي عشاكم طلعتوها
سهم ووقف : بجي اساعدك
سكت فيصل بتوتر
جاء سهم شال اكمامه وبدا يساعد فيصل
سهم ناظر بالعيال الي يلعبون وصوتهم عالي
ناظر بفيصل نزل نظره فيصل بتوتر من سهم يحس انه كاشفه
سهم : فيصل ابي اقولك شي
فيصل نزل الرز بالقدر : سم
سهم قال له كل شي
بقى فيصل نفس ماهو
سهم : ليه ماستغربت او عطيتني ردة فعل ضحك سهم كانك انت الي ورا هالحركه
فيصل : اي حركه مادري والله حركه غريبه يمكن احد بيضرك
سهم : يضرني كيف ؟
فيصل : بسالك
سهم : ايش
فيصل : انت تبيها؟
سهم : ليه تسألوني ذا السوال
فيصل : نبي نتاكد
سهم : موضوعي غير يافيصل ولا له دخل ابيها ولا مابيها
فيصل اخذ نفس :مدري شقول لك
سهم : انت متواصل مع اختها؟
فيصل : ليش
سهم : ابي تقولها كلام تقوله لاختها
فيصل : والله هم ماعندهم الولد يراسل البنت بالملكه يعني تقدر تقول حريصين
فيصل: بس انت قولي اوصله لبنت عمي تصير صاحبتها
وقف سهم : لا خلاص
قرب بيجلس ناداه فيصل لف له
فيصل : بالله اشحن جوالي بسيارتي
سهم : ابشر
قرب سهم لسياره فتحها وركب يشحن الجوال نزله بمكان الاكواب ناظر بفاتوره منزله
جلست اثمار تناظر بسمو : انتي وشفيك معصبه
سمو : اول ماطلعو قلت لجدي يوصلني ماني قادره اصبر
اثمار : ليه عادي طيب بالعكس انا مبسوطه اني عرفت انه انسان وقح وحطت يدها سمو على فم اثمار
سمو : ارجوك لاتتكلمين
اثمار :ليش
سمو غمضت عينها متوتره ناظرت باثمار لفت تناظر بجوالها الي يدق
ناظرت بصقر وقفت ناظرت باثمار : برد
اثمار وقفت : اجل بروح اجيب شي نشربه
طلعت اثمار
ردت سمو: هلا؟
صقر : تخيلي درا سهم
سمو : بذمتك
صقر : يهاوش فيصل شاف الفاتوره حقت الخاتم وقاعد يلعنه شاف صورت الخاتم بالفاتوره ودعي ولد عمك
سمعت سمو صراخهم من وراه قفلت الجوال بصدمه وتوتر
-
بالبر
سهم : وش نيتك يافيصل من ذا الحركه مالقيت الا هالشي
فيصل ساكت ماعنده رد ناظر بماهر وصقر الي ساكتين
سهم : الله ياخذني الي تعرفت عليك توقعت انك رجال لكن صدمتني لف سهم بيركب السياره ناظر انه ماجاء الا بسياره فيصل غمض عينه بقهر لف ناظر بفيصل ومشى على رجله لطريق العام بعد مده مايقارب ١٥ دقيقه مشى بدون يحس بنفسه من القهر وقف يناظر بسيارات المسرعه رفع يده يوقف سياره لكن مااحد وقف ناظر بالي وقف له قدام كبير بالعمر شوي ناظر بالطريق الي بيقطعه عشان يوصل لسياره الشايب الطريق الي بيقطعه طويل شوي يبي له يركض بسرعه اخذ نفس وسمى بالله ومشى يمشي بسرعه لسياره مامداه يقرب لها لف بقوه لصوت البوري الي جاي لمه كان بيلف يبتعد وبيشوف بعدها عنه لكن ماحس بنفسه ابداً الا يوم ضربت السياره فيه وطاح مغمى ومغشي بدمه كانت الصدمه قويه له والسياره مسرعه وعلى طريق سريع خطا كبير انه قطعه
نزل الشايب يناظر فيه غمض عينه من الي قدامه ناظر بالي صدمه : دقيتو على الاسعاف؟ واحد من الي موجودين حوله : اتصلنا جايين
الي صدمه اخذ نفس بقوه برعب
وقفت سياره الاسعاف تبعد الي متجمهرين يناظرون بالحادث ناظرو بسهم الي طايح مغشي عليه والدم مغطيه من قوة الحادث عليه نزف دم كثيرر شالوه بالاسعاف لف لهم : احد يقرب له ؟
الشايب : لا والله ياوليدي شفته واقف يوقفنا هنا
لف المسعف يناظر مكان مااشر له ماشاف سياره لسهم ولا شي ركبو ومشو للمستشفى
-
قعدت سمو بخوف تناظر باثمار: اسمعي بقولك قسم ماني قادره اتحمل
اثمار : وشو بسم الله
حكت لها سمو كل شي وش كان ود صقر وودها لكن ماجابت طاري لفيصل خوف انهم يضايقونه ويصعبونها عليه بروان اخذت نفس من قامت اثمار بصدمه تناظر فيها
اثمار : سمو تكفين لا لا سمو
سمو : وربي اسفه وربي ماتوقعت بتوصل لكذا ماتوقعت انهم اغبياء كذ قاطعتها اثمار
اثمار: تدرين وش قلت له قلت كل شي جاء بلساني سبيته! اخذت نفس اثمار قربت لسمو : متى جيتك قلت اني ابيه؟ متى قلت بصريح اني ابي سهم نايف انا حتى يوم تقولون كنت اقول لاتحطون امال لانه مستحيل
سمو : ياخي واضح عليكم
اثمار بصراخ : واضح الي واضح شفتينا نحب بعض شفيتي مغرقين بعض حب الله لايوفق المدرسه الي خلتني اتدرب بهالممستشفى ماجاب لي الا القلق والهم
سمو غمضت عينها بقهر
اثمار : تدرين لو كبر الموضوع وصل بين اهلينا بقول انه منك ومن صقر وسهم بعلمه بكرا عنكم ولا انه ينظلم
سمو ناظرت فيها لفت للباب الي يطق استغربت مشت اثمار تفتح ناظرت فيها نجلاء
اثمار : يمه اذا على اصواتن،، قاطعتها
نجلاء: مديرك بدوام متصلين على عقاب ماعرف وش علاقته فيه بس يقولون صار عليه حادث وقوي
ابتعدت اثمار عن الباب تناظر بامها : حادث!!
وقفت سمو بصدمه تناظر
اثمار جلست على رجولها تبكي يمر بباله ظلمها له اليوم وكيف انه سكت وماقال لها شي بكت بكل مافي داخلها صارخت بقوه قربت سمو تمسكها ناظرت نجلاء فيها بصدمه نزلت تحت لاثمار مسكتها رفعت راسها اثمار ببكاء : يمه ظلمته ظلمته يمه
نجلاء : بايش ظلمتيه
اثمار بدت تون بصوت قوي : اههه يمه اههه
-
اتصلت ام سهم على سهم ولا يرد عليها خافت من يوم جلست مع الحريم والضيقه مافارقتها
وصلو المستشفى الاسعاف ركضو بسهم لقسم الحوادث
مشى صقر مع ماهر ورا سهم وضيعوه
صقر : الحين فيه طريقين شوف طريق العام وطريق للبر
ماهر : اكيد ماراح للبر امش لطريق العام بعد مده وقف صقر عند مكان السياره الي موقفه والدم عليها وعلى الطريق بلع ريقه يوقف يناظر بماهر : ماهر
ماهر : نروح نتاكد نشوف اي شي يخص سهم
صقر : لا ياربي
ماهر : خلنا نروح نتاكد
صقر ناظر بالسيارات الي تمشي من يمين ويسار
صقر : ماتوقع يقطع هو كبير وفاهم
ماهر : بنقول للعيال
مشو للعيال وبعد مده وصلو لهم
وقف صقر ونزل يركض لجلستهم : عيال
وقف نياف : علامك
بلع ريقه ينتبه لنياف
ماهر اخذ نفس : اتصلو على سهم مالقيناه
نياف : كيف مالقيتوه رفع جواله يتصل ومايرد جواله مقفل بلع ريقه
ناظر برقم يتصل عليه بلع ريقه رد : هلا والله
مدير المستشفى : نياف نايف؟
نياف : سم معك
المدير : اخبارك عساك طيب بشرني عن الوالده
بلع ريقه نياف يغمض عينه : بخير ابشرك
المدير : قبل شوي جاني بالمستشفى اخوك سهم مسوي حادث هو بخير ولا عليه طيب
نياف : كيف
جلس على المركى يحس رجله ماتشيله شعور انه يفقد اخوه اوجعه كيف لو عرف انه حادث سياره
بعد ساعتين
وقف نياف بالسيب يناظر بالدكتور يطلع يبشره لكنهم طولو من قبل لايجون وهم مدخلينه غرفه العمليه
-
بالصاله
مسكت راسها اثمار بخوف وتوتر من انه يموت وهو ماسامحها على ظلمها له بلعت ريقها بخوف من شعور انه يموت
ناظرت سمو باثمار بخوف عليها
نجلاء عرفت من سمو ايش مسوين لكنها سكتت ولاودها تتناقش الحين وهذا مو وقته
لفت اثمار بقوه من اتصال جوال سمو
ناظرت سمو باثمار وردت : هلا
صقر : تو جينا ولا طلعو الدكاتره يبشرونا الواضح انها خطيره اصاباته سمو خايف
بكت سمو من كلمته وكيف انه خايف تحس هذا ذنب عليهم كلهم شي بسيط مسوينه لكنه يمكن يأدي على موته
ناظرت اثمار فيها ووقفت : وش فيه قولي وش صار
سمو سكرت الجوال : يقول احتمال انه خطيره اصابته
قربت اثمار لسمو : والله مااسامحك والله لو مات ماسامحك قربت زياده ووقفت نجلاء بينهم اعطت ظهرها لسمو : اثمار هدي
ابتعدت اثمار ترقى فوق
بعد ساعه وربع
طلع الدكتور ناظرو العيال بووجهه مايبشر ابد بالخير
قرب نياف له: وش صار بخير هو ؟
الدكتور : احنا سوينا الي علينا ،دخل بغيبوبه ولا نعرف مدتها حط كف يده على كتف نياف : مالك الا الدعاء لربك
غمض عينه نياف بخوف من انه يفقده لف لدكتور: ابي تودونه لمستشفانا ابي يعالجونه هناك
الدكتور لف لنياف وقرب له : خطر اننا ناخذه وهو توه طالع من العمليه
نياف : ابي الحين تاخذونه على مسؤوليتي
-
بعد مده ناظر نياف بسهم الي يشيلونه تحت مسؤولية نياف رغم انه خطر عليه الحين
غمض عينه نياف مشو العيال للمستشفى
أنت تقرأ
"خذني على قد الوله واشتياقي ترا الكرم بالحب حاجة عظيمة"
Short Storyمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"
