( لاتلهيكم الروايه عن ذكر الله )
سبحان الله وبحمده سبحان ربي العظيم ✨
-
احلام واقفه بالمطبخ تسمع لكلام رفيف عم صديقاتها
مسكت الحشوه ونزلتها على طاوله اخذت العجيبنه وبدت تحشي الفطاير ناظرت برفيف الي صامله مكمله
احلام : عادي تاخذين بريك ١٥ دقيقه
رفيف : ليش
احلام : مدري قلت يمكن تعبتي
رفيف : لا ماتعبت تخيلي
احلام : ارجوك اسكتي
ناظرت احلام بامها : يمه طلعيها
ام سهم : رفيف يامي سواليفك خليها على القهوه بعد الفطور
كشرت رفيف منهم :واذا ما سولفت قلتو فيها شي
-
قربت الجادل تنزل السفره ناظر صقر فيها : جزاك الله خير على تعبك بالفطور
ناظرت الجادل فيه : وش تبي ؟
صقر : مابي شي والله
الجادل : تكذب على مين
صقر : ماكذب يابنت اشكرك بس
الجادل : الشكر ذا وراه حاجه؟
صقر : لاوالله جاء من قلبي
الجادل : هو عندك قلب
صقر: يالليل بالله روحي جيبي الناقص واعتبري ماشكرت
الجادل : اي هذا صقر الي اعرفه
-
حظرت اثمار باقي الاغراض وجلسو لم السفره ينتظرون الاذان ناظرت روان بابوها الي رافع يديه ويدعي هذي دايم من عاداته قبل الفطور دائماً لفت نظرها لامها تستغفر ولاهيه فيه ناظرت باثمار ناظرت فيها اثمار بهمس : جوعانه
مسكت بطنها روان وهزت راسها : مثلك
ضرب صوت الاصوات بدو يفطرون
-
جلس صقر ومن حسن حظه العصيرات بجنبه
قبل لا يأذن صب لهم كلهم باكوابهم وبدا ينتظر الاذان
بدو يفطرون ناظر بالجادل وسعود الي يشربون بسرعه اكل لقمته بسرعه واخذ الثانيه عشان مايمديهم يقولون له قربت الجادل كوبها وبنفس الوقت ميار : انتظرو
الجادل : الي يصب مايقول انتظرو تعلم
صقر : بالله مد لها الغصير اجل صبيه انتي
رجعت الجادل العصير له : مااحد قالك تجلس بجنبه
اخذ العصير منار : ازعجتونا بدت تصب لهم ناظرت بكوب ابوها اخذته وصبت له
-
كل العائلات يفطرون اليوم بكل سرور وهدوء ماعدا عائلة سيف
وقفت ام سيف : اتصلي مره ثانيه
حنين : يمسك الخط بس مايرد
ام سيف بدت تضيق : اول مره يسوي كذا وين راح
ناظرت حنين برقم الي يتصل عليها بلعت ريقها ناظرت بامها : بروح للحمام واجي
دخلت غرفتها : نعم؟
- السلام عليكم معاك مستشفى ****
حنين : وعليكم السلام تفضل
- نشوف اتصالات كثيره من جواله من اهل المريض سيف **؟
حنين : نعم سلامات ايش فيه؟
- تعرض لحادث اليم نتجيه سرعته ، لازم احد يجي من اهله يعبي اوراقه ويكون يتابعه معانا
حنين سكرت الجوال تبكي بخوف وتوتر من الوضع خافت كيف تصارح امها بولدها وحيدها ناظرت بسقف : يارب هونها مسكت راسها بتوتر وبكاء
قربت ام سيف للغرفه وسمعت صوت بكاء حنين انقبض قلبها : كنت حاسه كنت حاسه رفعت راسها حنين : امي قربت للباب فتحته تشوف امها واقفه تبكي قربت حضنتها : يمه بسيطه بسيطه قالي مافيه شي شي بسيط
ام سيف بكاء : لا لا انا عارفه يما قلت له انتبه شوفي شوفي الحين بين الحياه والموت اخخ ياوليدي اخخ
-
وقف نياف يناظر بسعيد الي يكرر الاتصالات ناظر بسهم : واحد من اخوياي دقايق طلع برا عند السياره
نياف : هلا
سعيد : ياولد تخيل
نياف: ايش؟
سعيد : الرجال الي صدمته اتصل عليه من العصر مايرد وتركته افطر تو واحد من الدكاتره يتصل علي يقول صار عليه حادث
نياف : صاددق !!
سعيد : اي والله الحين شسوات نزوح لهم ولا كيف
نياف : اكيد نروح بأي مستشفى ؟
-
أنت تقرأ
"خذني على قد الوله واشتياقي ترا الكرم بالحب حاجة عظيمة"
Nouvellesمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"
