العصر
بالمطبخ وقفت نجلاء تسوي الفطاير وتحشيهم ناظرت بعقاب واقف عند المطبخ والواضح معصب : اهلاً بزوجي نور بيتي حبيبي روح ارتاح اكيد تعبت
ناظر عقاب فيها بشبه ابتسامه : تغطين على فعلتك اليوم
وقفت نجلاء قدامه : افا ابو اثمار عطيتني الصرافه انت بنفسك ولا؟
مسح على وجههه : انا
نجلاء : ما طلبتها منك بس انت قلت روحي اشري الي ودك شريت الي بخاطري
عقاب : كل السحب الي جاني هذا بخاطرك ؟
نجلاء : اي ماخليت شي بخاطري
لف بيطلع عقاب وانتبه للفرن الي تسوي فيه : جديد ؟
نجلاء : اي يجنن شوف بوريك وش الي اعجبني
قرب عقاب للفرن ناظر فيه كملت نجلاء شغلت نور الفرن : شوف
عقاب : مافيه فرق ف القديم
نجلاء : الا كل هذا وتقول مافيه فرق شوف طفت نور الفرن وشغلته
عقاب : وش الفرق
نجلاء ناظرت تحت برجلها: لون نور الفرن هذاك احمر وهذا ابيض
ناظر عقاب فيها : الفرن بالف وعليها وشاريته عشان لون النور ؟
نجلاء : اي ياخي اعمتني بعيني الفرن هذاك
عقاب : كذابه ماقد سويتي فيه
نجلاء : ياكبرها عند ربي بصوت هادي : عقاب تبي تزعلني يعني؟
عقاب : مايهون علي او بالاصح مايهون اضحي بفلوسي مره ثانيه بروح ارتاح
طلع برا وابتسمت نجلاء : احسننن
-
بالمطبخ
واقفه ام صقر تسوي الشوربه
ناظرت باميار تساعدها والجادل تسوي الاشياء الخفيفه
ترتب السفره وتسوي العصاير ناظرت بصقر الي جاء لم الجادل
صقر : الجادل
ناظرت فيه : نعم ؟
صقر : صايمين انتبهي
الجادل : طيب ياعيني صقر وش تبي
صقر : ابوي يبيك بالمجلس جوك خطاب
اعتدلت الجادل : صادق !
صقر : لا امزح
صفقه بعلبه الجيك : وصخ
ناظرت ميار فيهم : صقر اذا جاي تزعجنا اطلع
صقر جلس مع ميار بطاوله: طفشان ابيكم
الجادل : خلاص اسكت وسكر فمك واجلس بكل هدوء
وقف : اجل وشالفايده مسكر فمي
الجادل ناظرت بميار : شفتي
-
وقفت احلام تناظر بالفطاير الي بالفرن
ناظرت بحنين الي تحشي الاقماع : حنين بروح اتروش بس تخلص فطايرك دخلي حقتي
حنين : طيب
احلام ناظرت برفيف الي مشغولا ولاهيه بالحلا تسويه لهم
طلعت احلام لغرفتها اخذت اغراضها دخلت تتروش
سمعت حنين سهم يناديها من فوق : طيب جايه لفت لحنين : بروح لسهم وبجي دقايق
بعد ثلاث دقايق
وقفت حنين عند الفرن تدخل فطاير احلام اخذت فطايرها ونزلتهم على الطاوله تحطهم بالعلبه حقت الفطاير
سمعت حنين صوت خطوات جايه لمها بلعت ريقها تناظر بالباب حق الحوش الي بالمطبخ ناظرت بالباب بيفتح : فيه احد
سكر الباب نياف بتوتر : او ماعليش اسف
ابتعد عن المطبخ وقف عند مجلس الرجال انصدم : ماشفتها بس بغيت اشوفها
ناظر بسيف الي طلع : شفيك
نياف : مافيني شي
سيف : تعال سولف معي طفشت
نياف : ماقدر سهم رفض الزيارات لك
ناظر سيف بصدمه : ماتوصل عاد
ضحك نياف : امزح امزح جايك الحين
-
ناظر سهم بررفيف
سهم : مرتاحين عادي ؟
رفيف : اي حنين ناخذها تساعدنا يعني معاملينها اختنا
حتى مسويا حلا لنا بنتقهوى عليه
سهم : وحنا مالنا حلا؟
رفيف : سوو لكم ماعليش
ضحك سهم : اوكيه
-
العشاء راحو العيال يصلون التروايح
جلست احلام برا هي وحنين ينتظرون رفيف تجيب الفرشه
طلعت لهم رفيف ومعها الفرشه : بنات الجوو يجنن
حنين : اي والله
احلام : طيب اسمعو انا افكر بشي ناظرت برفيف الي ماسكه الفرشه وتسممعها : رفيف وش تنتظرين ؟
انتبهت رفيف : اوو ماعليش بسمع ياخي
فرشت الفرشه جلسو يتقهوون
حنين : بنات اخاف يجون اخوانكم
احلام : لا ماعليك حنا بعيد عنهم
رفيف : اي وش تفكرين؟
احلام : ودي بما ان حنين عندنا نعزم البنات عندنا
رفيف : فكره حلوههههه والله ننبسط
حنين : قرايبكم؟
احلام : لا هذولا بنات صحبات امي
حنين : اها بس يعني يمكن نمشي مانطول
ضحكت احلام : ياحليلك سهم مستحيل يخليكم
رفيف : مره حتى متفق مع سيف يسون اشياء بينهم
حنين : يالله ودي ارجع اكمل الجامعه واخلص اشغالي هناك
احلام : احنا عندنا شقه فوق يمديكم تسكنونها اذا بتبنون لان سهم يقول يمكن نبني لسيف واهله
حنين : صادقه بيبنون ؟
رفيف : سيف مايقولك ؟
حنين : ماشفته لسى من يوم طلع
رفيف : اهاا
-
أنت تقرأ
"خذني على قد الوله واشتياقي ترا الكرم بالحب حاجة عظيمة"
Contoمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"
