يوم جديد
بالجامعه
اليوم اجتماع للمتدربات الي بيتدربون
واقفه وماسكه اوراقها بيدها تنتظر سمو رفعت جوالها تتصل : مو منجدك وينننككك
سمو : اصبري شسوي بالسواق الحمارر ذا
اثمار : كم باقي لك ؟
سمو : شويات بس
اثمار: انتظرك مابي ادخل لوحدي
سمو: الله يعين اليوم اوف وجايه معك
اثمار: الله حطك صديقه لوحده ضايعه
سمو : اتفق معك
—
اول ماوصلت للجامعه انصدمت ان الدكتوره معتذره بالليل
الجادل: الله ياخذك يالمصروعه
اتصلت على صقر ومايرد
اتصلت على السواق بعد دقايق رد : وررا ماتررردد اتصللل ليه ماترددد
السواق : انا مشقول
الجادل: ارجع لي
السواق : كيف هاد سورعه
الجادل : تعال وانت ساكتتتتتتت
سكر السواق
نزلت الجوال : وجع توجعك يالمصروع
لفت لدوره المياه ولبست نقابها وطلعت برا تنتظر
استغربت وجود صقر : غريبه صقر وش جايبه؟ تذكرت انها اتصلت عليه: ياحبيبي جيت لمي اول ماتصلت
قربت فتحت الباب وركبت : ياخي انا كم عندي صقر بذا الدنيا لف لها مصدوم وكملت تسكر الباب : قسم ماتوقعت بتجيني لفت له ناظرت فيه بصدمه انخرشت بقت تناظر مصدومه ماتعرف وش تسوي لفت للباب وفتحته بقوه ونزلت تركض للجامعه تركض بدون تنتبه لأي شي قدامها ماحست الا وهي صادمه وحده طاحت اغراض البنت بالارض : اوهه اسفه والله اسفه
مهره : لا عادي ياروحي ماحصل شي وبدت تلم اغراضها
والجادل شالتهم وركضت لداخل الجامعه وقفت تشوف جوالها بشنطتها مو موجود بالشنطه وقفت لاقرب طاوله ونزلت الاغراض وبدت تحوس بالشنطه مالقته مسكت راسها تبكي من التوتر ١٠ دقايق كفيله تخليها تعيش بتوتر قوي ضربت راسها بيدها: غبيه غبيه تركبين بسياره حتى لو تشببهه يعني لو هو بيتصل عليكك نزلت راسها على الطاوله
ركبت مهره السياره ومشى ماهر متوجهه للبيت
مهره : شفيها سياره السواق
ماهر: مدري خربت اليوم وراح صلحها يوم نزلك وطولت
مهره: الله يعين
ناظرت بالجوال الي يتصل عند رجلها ناظر ماهر بالجوال
اخذته مهره: حقك ؟
ماهر : لا يمكن احد ناسيه من العيال
ناظرت مهره بالجوال: هذا جوال بنت
لف ماهر بقوه لها: منجدك ؟
مهره هزت راسها بالايجاب وبدت تقلب الجوال
ماهر بهدوء : قبل شوي ركبت وحده غلطانه معي يمكن هي
مهره بصدمه لفت له : كيف !
ماهر: ركبت بلغلططط
مهره : كيف اوصله ياحمار
ناظر فيها ماهر: وشدراني بطقطاق فيها
—-
وقفت قريب البوابه تناظر بالسيارات تحاول تلمح سياره سواقها طلعت برا ومشت باتجاه المواقف وناظرت بسواق واقف عند السياره واضح عليه معصب
تقدمت الجادل له : بدررري عليك
السواق : انا فيه ٢٠ دقيقه هنا
ركبت الجادل : خلاص اركب
السواق : انا فيه يتصل ليه مايرد انتي؟
الجادل سوت نفسها مصدومه: جوالي خلص شحنه
هز راسه باسف
—
نزلو بالبيت دخل الصاله وشاف امه جالسه تتقهوى تنتظرهم : السلام عليكم
رفعت راسها امه: وعليكم السلام ياهلا يامي
جلس قدامها اردفت امه: وينه ابوي ؟
ماهر: راح للغرفه وبينزل شوي يتغدا
ام ماهر: زين
لفت لدخول ابو ماهر : السلام عليكم
ردو السلام
ابو ماهر: وينك اليوم ماشفتك الظهر؟
ماهر : رحت اجيب مهره السواق خربت سيارته
ابو ماهر: ورا ماقلت لي !
ماهر: مايحتاج يبه اساسا مخلص شغلي
ابو ماهر: المره الثانيه ماتطلع الا قايل لي
هز راسه ماهر ساكت
هذا هو طبع ابوه انسان يخاف على عياله خوف بقوه من ناحيه خروجهم ورجعاتهم والاوقات ومتعبهم بشكل
—
دخلت البيت ورقت فوق مقهوره بعد عشرين دقيقه نزلت تحت واخذت جوال سيرا ودخلت غررفتها اتصلت على جوالها مايرد انقهرت اخذت الجوال ورجعته لسيرا ورقت لغرفتها وقفت عند سريرها: لا انا الي تغديت ولا انا الي لقيت جوالي
-
بعد الغداء
رقا فوق وشاف غرفه مهره مفتوحه وهي تحت باقي
دخل فيها وناظر باغراضها فوق سريرها اخذ شنطتها ودور الجوال مالقاه تأفف ولف بيطلع وشافه فوق التسريحه قرب وسحبه لجيبه وطلع لغرفته دخل وسكر الباب بالقفل اخذ الجوال وشاف الشحن احمر : لا مو وقتك قرب لشاحنه وشحنه وبقى جاالس عنده استغرب قبل خمس دقايق جاي اتصال رفع الجوال يحاول يفتحه وكتب رمز من راسه ومافتح كتب ثاني وبرضو مافتح تأفف: مسوي بتقلد المسلسلات يعني بتصيد الرمز سخيف
نزل راسه على المخده وناظر بسقف حط يده بجبهته وبدا يفرك الين ماحس بنفسه غفى
أنت تقرأ
"خذني على قد الوله واشتياقي ترا الكرم بالحب حاجة عظيمة"
Short Storyمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"
