فارشين فرشه صغيره ويسولفون
الجوهره: خالتي قسم غثتني الا وتقنع امي تزوجني ولدها يابنت ماينبلع
روان: لاتقولين هذاك الي من الديره
الجوهره : اخخخ هو هو فاتك يوم جا وشاف اخوي يلبس شورت راح ولبس مثله قسمم تقززز
روان: وعع
الجوهره : ناشبه خالتي الا اخذه بس الحمدلله امي مو مقتنعه انه ياخذني
روان : الحمدلله صدق
الجوهره : اي والله هذا الي مطمني
اخذت الشبس روان: بس ليش مو مقتنعه تاخذينه وهو ولد اختها
الجوهره : لان يعني هو عاش بالديره وانا بمدينه غير عني تفكيره عرفتي
روان :اهاا من يوم قلتي لبس شورت ياقلبي احسه عشانك
الجوهره بققت عيونها ف روان: وش عشاني بنت انتي بعقلك ترا من اليوم احس فيك شي
بلعت ريقها روان : وش فيني والله مافيني شي
ناظرت الجوهره فيها : يجي الوقت الي اعرف فيه ورفعت فنجالها لروان تقهوي
روان : مابي
الجوهره : مديت فنجالي لك يعني صبي لي
ضحكت روان بقوهه: احسبك تساليني
الجوهره : انا قايله فيك شي
-
يوم جديد على الابطال
الظهر بالمركز
كانو جالسين ينتظرون يوصل فيصل لهم
كانت هاديه واقوى من الهاديه ماتعرف هو من دعائها هالايام او من وقوف اخوانها حولينها ؟ الله اخذ ابوها صح بس عطاها سهم ونياف عوض وسند لها بهالدنيا ماحست بفقدان ابوها بسبب حب واهتمام نياف لها ماحست بالخوف يوم من الايام بوجود سهم عندها قاطع تفكيرها دخول السكيورتي : تفضلو فتح الباب لهم
توجهو لمكتب فيصل وكان عقاب موجود وجنب المكتب بشوي شخص يكتب تقرير التحقيق
دخل سهم بالاول وهم وراه
سهم : السلام عليكم ورحمه الله
فيصل : وعليكم السلام تفضل واشر للكراسي
جلس سهم امام عقاب وناظر فيه هز راسه عقاب كانه يقول بسيطه
رفيف بجنب سهم امام عقاب ونياف بكرسي اخر جنب رفيف وسهم وجنبه احلام ماحبت تخلي اختها وحدها واجبرتهم تروح معها على اساس يبون اشياء ناقصه
فيصل : اي وحده اختك؟
لف سهم يأشر على رفيف بجانبه : هذي رفيف
عقاب ناظر برفيف : يابوي انتي بنسالك اسئله وجاوبي لنا وباذن الله بتطلعين من هالباب ومابناديك مره ثانيه احنا نخلص الامر بنفسنا
هزت راسها رفيف
ناظر عقاب بفيصل : ابدا
فيصل ناظر برفيف : اي سنه انتي
رفيف : اول ثانوي
فيصل : البنات معك بالفصل ؟
هزت راسها بأيه
فيصل : تعرفينهم او قد صار بينكم كلام ؟
هزت راسها بنفي
فيصل : كيف شكيتي انهم بيأذونك هل صار بينكم شي عشان تشكين ؟
سهم: اختي ماتح..قاطعه عقاب
ناظر عقاب بسهم الي تكلم : ماعليش ياوليدي بس الي يجاوب اختك
هز راسه سهم ولف لرفيف
فيصل ناظر برفيف : ايوا رفيف
ناظرت رفيف فيه : حسيت فيهم لانهم كانو يتهامسون فيني ويناظرون لي ويأشرون علي وكانهم ناوين علي بشي اذا ناظرت فيهم يوقفون علطول ويشغلون نفسهم بالي قدامهم خفت
فيصل: صار شي بينكم خلاك تشكين ؟
رفيف : لا ماقد تكلمت حتى معهم
أنت تقرأ
"خذني على قد الوله واشتياقي ترا الكرم بالحب حاجة عظيمة"
Short Storyمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"
