باحدى الطاولات
سطام : مدحوك لي وانا والله ما ارتحت الا لك ف قلت اشوف وقت اتعرف عليك وسبحان الله عرفتك قبل شوي من التكريم وقلت وقته ياسطام تتعرف
ابتسم عبدالرحمن ومستغرب من كبر سطام وانه تاجر معروف ويبي مساعده عبدالرحمن
عبدالرحمن : يعني والله ماعرف وش اقول لك المفروض انا الي اجيك واكلمك ولا انت انسان ناجح ومعروف اكثر مني
سكت سطام
عبدالرحمن : وش مشروعك يمكن ما عرف فيه
سطام الي ابتسم انه بدا الي وده: لا ماعليك شي بسيط وتعرفه وقف سطام : بس ان شاءلله نتكلم ف هالامور بعدين المهم اني عرفتك وهذي اطلق التعارف
بعد ١٠ ايام
بالمكتب جالس يتقهوى ويشوف المشااريع والاراضي والبنيان
لف لطق الباب : ادخل
دخل السكيورتي: استاذ موجود ضيف اسمه سطام
وقف عبدالرحمن : دخله دخله
دخل سطام والابتسامه شاقه وجهه
بدا السلام بينهم والسؤال عن الحال
سطام :جيت والله نبدا مشروعنا ودي اخلصه قبل تتنهي هالسنه
عبدالرحمن : بس ماقلت لي ايش المشروع؟
سطام : سلمك الله مشروعي بيكون اني ابيع بالحديد والاسمنت والبلاط وحتى اني بجيبهم من برا الدول الي برا عشان تكون اصليه مره
استغرب عبدالرحمن: فيه طيب هنا اصليه !
سطام وخاف يكنسل: لا لا انا اعرف هناك وقد اشتغلت معه
عبدالرحمن : مدري والله اشوف وارد عليك ان شاءلله
سطام : مايحتاج ياعبدالرحمن تفكير شي بسيط بس
عبدالرحمن : طيب انا وش ودك اسوي يعني وش اساعدك فيه؟
سطام وهو الي ابتسم انه وصل مبتغاه: ابي يصير الشاحنات الي تجيب البلاط وغيره تستلمها انت وابي المشروع كله يكون على باسمك ورأستك انت
ضحك عبدالرحمن انخطف وجه سطام خاف يكنسل!
عبدالرحمن : والله ياسطام ودي لكن صعبه ذي يعني لو بقينا على استلام هالشاحنات صح لكن كل شي بإسمي لا
سطام الي انقهر : خلاص اجل مابي اغثك وترفض المشروع كله اجل موافق
عبدالرحمن : اي كذا حلو
—
نرجع للواقع
منار : من هو سطام ليكون!!
هز راسه عبدالرحمن بالايجاب : هو الله ياخذه مسك راسه
منار قربت له : وش سويت
عبدالرحمن كمل
وقف سطام : اجل ماتشوف شر وبس تجهز الاوراق قول لي
عبدالرحمن : ابشر
طلع سطام ودخل مكتب السكيورتي سكر الباب وقرب منه استغرب السكيورتي من سطام
السكيوررتي : نعمم!!
قرب سطام له وخنقه برقبته وثبته بالجدار : اسمع اسمعني زين وفتح اذاانيك انا شخص مايهمني احد اقتل القتيل وامشي بجنازته اضحك بقولك على اشياء وتسويها
خاف السكورتي وناظر فيه: وش تبي
سطام : ابي ..
بعد شهر
دخل السكيورتي على عبدالرحمن وعطاه الملف يوقع
عبدالرحمن مسك القلم : وش الملف هذا؟
السكيورتي بخوف : هذا الملف تثبت المصروفات الي صرفتها لشركه وغيرها خلال هالشهر
عبدالرحمن تفاجاء: مو بدري عليها !
السكيورتي تلعثم : لا بوقتها
وقع عبدالرحمن ووقف طلع برا المكتب
وقف السكيورتي بخوف
بعد مرور شهرين وبدا مشروعه سطام
جالس بالمكتب متفاجاء من الارباح الي موجوده قدامه : غريب وش االارباح ذي ! مستحيل من المعدات ابد وقف طلع واتصل على سطام رد سطام وهو صوته مو طبيعي
ركب عبدالرحمن السياره
عبدالرحمن : سطام لازم اكلمك بموضوع
سطام وهو صوته مو طبيعي ابد : اي حياك حياك تعال الدار اذا موسعتك توسعك عيوني تعال
تقرف عبدالرحمن منه وهو مستغرب صوته وكلامه: ارسل اللوكيشن وقفل
بعد ٣٠ دقيقه وصل عبدالرحمن ووقف مستغرب المكان الغريب والبيت الشبه مهجور وصخ من برا والبويه طايحه والمخيف انه بمكان فعلاً شبه بمهجور
ناظر بالوكيشن وشاف ان هذا المكان
نزل وقرب عند الباب ودقه طلع له شخص مو بوعيه ويبتسم له ناظر فيه عبدالرحمن بتقزز: بيت سطام ؟
هز راسه الولد ودخل عبدالرحمن وقرب من عند غرفه كان فيها صوت سطام وقف سطام يوم شافه وهو لو يتفل فيه طاح : هلا ابو سعود
انصدم عبدالرحمن كيف عرف انه له ولد اسمه سعود
دخل وهو عاكف حواجبه وناظر بالمكان وبسطام والاكياس الصغيره حوله بس ماجاء باله انها ممنوعات
قرب من سطام ووقف قدامه: الارباح الي جتني من مشروعك ماهي بارباح معدات نهائي صح؟
سطام بابتسامه: صح يابو سعود تو تعرف ؟
عبدالرحمن الي انصدم : كيف
سطام ناظر تحت بالاكياس الي شبه فاضيه : هذا من خيرك
ناظر عبدالرحمن محل مايناظر سطام وركز بالاكياس وانصدم ناظر بسطام وهو الي ابد مو مصدق هالشي ولا مصدق كيف طاح بالامور ذي ابد !
سطام : ابو سعود مر علينا ٣ شهور لازم تعرفني الان
عبدالرحمن: اعرفك !
سطام : لا ياخوك ماتعرفني بس انا اعرفك واعرف زوجتك واعرف ول.. مسكه من ياقة ثوبه عبدالرحمن بعصبيه : وش تقول كيف تعرف زوجتي يانذل جاء بباله يوم رجعت بسياره غريبه منار وشافها
سطام ضحك : زوجتك المفروض تكون زوجتي وسعود المفروض يكون ولدي بس انت الله يهديك دخلت بيننا فجاء واخذتها مني
عقد حواجبه عبدالرحمن وفكه بعد عنه : كيف
أنت تقرأ
"خذني على قد الوله واشتياقي ترا الكرم بالحب حاجة عظيمة"
القصة القصيرةمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"
