"خذني على قد الوله واشتياقي ترا الكرم بالحب حاجة عظيمة"

74

جلس عبدالرحمن على طرف السرير وقفت بسرعه منار
عبدالرحمن : شوي شوي يابنت
منار : لا كذا ماتحمممل بجهز اغراضي توديني
عبدالرحمن: انتي مجنونه!
منار: اسكتتتت
فتحت الدولاب تطلع شنطه كبيره نزلتها وفتحتها
لفت لدولاب تاخذ الملابس وتحط بدون حتى ترتب
عبدالرحمن : احس تبينها من الله مو وحام
منار : الحمدلله انك فهمت الحين ابعد
عبدالرحمن حط ظهره على السرير : بالله شبيقول ابوك لك؟
منار: شيقول يعني؟
عبدالرحمن : بيشوفك طولتي عنده بيسالك شتقولين
منار : بقوله علطول انك انسان ماينعاش معاك وباخر فتره صاير ماتهتم بنفسك الين قرفتني
عبدالرحمن همس : حسبي الله
-
حنين: لي فتره بنات مشتهيه ارقص مصري
روان : جوووووي
الجادل : ماش ماحبه
وقفت حنين وسحبت روان تقومها
روان : مستحيل ارقص
حنين : لو اصارحك اني جايبه حزام الرقص
اثمار: بدون تلبسه خليها تهز
احلام همست لسمو واثمار : محتاجه اشوف رقص
سمو ضحكت
اثمار: كلنا ههههههه
شغلت الاغنيه حنين وحطت الحزام على خصرها وروان بجنبها تلبس الحزام ناظرت حنين فيها وشافتها وقفت تعدل شعرها
بدا دق الاغنيه قربت حنين بين جلسه البنات وبدت تهز بتفنن لفت لروان الي مشت لها تهز ميلت بضهرها على رفيف وتهز والبنات يناظرون فيهم باعجاب برقصهم قربت حنين لاحلام وبدت تنحني عليها تهز واحلام تضحك منها قربت روان لسمو تهز وقفت قدامها تذكرت سمو التصوير ابتسمت لروان ناظرت روان ابتسامها حسبتها مبسوطه ماتوقعت بتصورها لفت روان بظهرها للسمو واثمار وهي تتمايل برقصها انتبهت حنين لتصوير سمو ناظرت فيها مركزه على روان فهمت وابتعدت اما روان فما كانت تدري عن حركه سمو وبدت تتمايل يسار ويمين وتتفن برقصها وتلعب بشعرها لهم وقفت بعد ماانتهت الاغنيه تناظر باثمار
ابتسمت لها اثمار
روان نزلت الحزام : حر بنات
ابتسمت سمو وهمست : توك ماشفتي الحر صدق
لفت لاثمار همست : شوفي قربت الجوال لها : برسلها لفيصل
اثمار همست : لا قربت بتاخذ الجوال كتفت الجوال سمو : مستحيللل هذا جوووي
اثمار: ياحيوانه سمو
لفت روان : شفيكم
سمو : مافينا شي
اثمار: روان ترا سم،، قرصتها سمو : سدي حلقك
اثمار: خلاص مافيه شي ناظرت بسمو بقهر
واقف برا يناظر بالظلام : معقوله حنين؟ اكيد هي ولا كيف بتفتح ! اوووف وقف عند سيارته فتح الباب وركب ناظر بالدركسون : يالليل بالله كيف اعرف الحين لف لدق الشباك ناظر بسيف ناظر بعيونه وفمه وخشمه همس : تشبه له ! يعع نسخه اخوها : توني اعرف انه مزيون دق الشباك بقوه سيف فتح الباب نياف ونزل : اكسر شباكي بعد
سيف : ماهي عوايدي عوايد خويك
نياف : وش جابك؟
سيف : طول الوقت باخذ اختي
نياف : الساعه ٩ تونا
سيف : لا تاخرت باخذها فتح الباب ولف سيف للباب ومعه نياف ناظر فيها نازله ناظر بعباتها من تحت يبي يلمح فستانها بيتاكد قربت حنين لسياره سيف فتحت الباب ورفعت عباتها بتركب لمح نياف ثوبها ابتسم همس: هي
سيف : فيك شي ؟
نياف : سلامتك لف بيدخل : انتبه بالسواقه ولا تسرع
سيف ناظر فيه : غريب
-
راحو البنات كلهم تبقى سمو اثمار وروان
اثمار: مايرد غريبه
روان بداخلها خافت ليكون صار لهم شي
سمو : طيب اخذكم معي ؟
اثمار :لا صعبه
سمو : بقول لفيصل يتصل على ابوكم
اثمار: شوفي يمكن يرد عليه شي
اتصلت سمو ورد فيصل : سمي
سمو : فيصل خلصت انا وبنات عقا،. قاطعها : بيروحون معنا
سمو وقفت عند المرايا : سلامات فيهم شي ؟
فيصل : لا بس عقاب قال انه بيسافر يومين ضروريه حصلت له فجاءه
سمو : شوف الحين بسكت لكن اذا قعدنا لحالنا بتعلمني
فيصل : طيب بس ترا قلت لابوي بنبقى عند عقاب انا وانتي
سمو : ماراح يروحون لبيتنا؟
فيصل : صعبه ماراح يرتاحون ناخذهم لبيتهم احسن مفتاحهم معي
سمو : الله يستر بس بديت اخاف على والديهم
قفلت سمو دخلت الغرفه
جلست جنب اثمار : امك وابوك مسكو خط سفر ليومين
اثمار بصدمه: كيف ؟
روان انصدمت لكلامها كيف يسافرون ويخلونهم استحاله !
اثمار وقفت : مستحيل اكيد فيهم شي
سمو : والله مافيهم الا العافيه لكن مسافرين
اثمار مسكت دموعها : كيف كذا
وقفت احلام تطلع برا الغرفه تبي يقعدون لحالهم
وقفت سمو تمسك اثمار : قسم ماعرف شي حتى انا فيصل قال يروحون معي وبنقعد بيتهم كم يوم !
اثمار مسكت راسها: كم يوم ماعرف عنهم شي
وقفت روان مصدومه والدموع بعينها
سمو اخذت عباياتهم وعطتهم مسكت البرقع اثمار تناظر فيه : اوووف اوووف اخذت عباتها تلبسها ولبست نقابها لبست روان عباتها وطلعو ورا سمو
سمو بضحكه ناظرت بروان: اركبي قدام مع زوجك
روان : مروقه
سكتت سمو تحس بغصه بحلقها تخاف لو صاير لهم شي ويمرون بنفس ماهي تمر فيه دايم سكتت تناظر باثمار وروان فتحت الباب سمو وناظرت بسهم واقف مع فيصل
طلعت اثمار بدون تلتفت تناظر بالارض فتحت الباب بلخلف وركبت خلف سمو وقفت روان عند اثمار تبي تبعد اثمار: اركبي
روان : ابعدي بركب هنا
اثمار: اركبي وراه ماقدر انا اركب وراه فيني ريحه عطر
تاففت روان وركبت ورا فيصل سكرت الباب اخذ فيصل شوي يسولف مع سهم ناظرت روان بفيصل وبوجهه لاول مره تاخذ راحتها تشوفه رفعت عيونها اثمار لسمو : احس فيهم شي مستحيل كذ،، سكتت يوم ركب فيصل
فتح الباب فيصل وركب : سلام عليكم
سمو : وعليكم السلام
اثمار ردت بهمس له اما روان ساكته
فيصل : لاتخافون على اهلكم مسافرين عندهم شغل
اثمار همست : تكفا اذا صاير لهم شي قولنا
فيصل : مافيهم قسم الا العافيه
كتمت صيحتها روان تحس فيهم شي ولا مستحيل ابوها بيروح بدون يقولهم او يعطيهم خبر لفت بعيونها لشباك تكتم صيحتها حرك السياره فيصل متوجهه لبيت عقاب رفع عيونه للمرايا الاماميه يناظر بروان وكيف الدموع غرقانه بعيونها شد على الدركسون
نزلت احلام بعد ماتروشت من العزيمه ناظرت بسهم جالس بصاله وامها معه
احلام: متى جيتي ؟
ام سهم : توني جيت
سهم : صايره تسهرين امي شعندك وغمز
احلام : بسم الله هذا سهم ولا يتهيا لي
ام سهم ناظرت بسهم ولفت عنه : يكبر وينقص عقله شكل
دخل نياف : سلام
ردو السلام
احلام : سهم
سهم ناظر فيها : هلا
احلام : بسالك عن البنت الي موظفها
سهم : شتبين فيها؟
احلام : شاكه بوحده
سهم : اذا قصدك اثمار ف ايه معي بدوام
نياف : من ذي ؟
احلام ناظرت بامها : ترا ولدك متعبها كانت تسبه لي قبل
سكت سهم
ام سهم ناظرت بسهم : صادقه ؟
سهم : بالبدايه لاني ماني متقبل بنت بس الحين عادي عندي
نياف : اخص اخص شعندك شعننننددكك
سهم : ماعندي شي تقلبت الوضع
احلام وقفت : ودي استقعد لك بس احمد ربك ميته نوم
ام سهم : ماقلتي لي عن العزيمه كيف دخلت رفيف اشرت احلام على رفيف : تعطيكم الاخبار
رقت فوق احلام
رفيف جلست جنب سهم
ام سهم: شلوون عزيمتكم؟
رفيف : تجننن تجننن
ام سهم : الحمدلله
سهم : شلغتو اغنيه بصوت عالي ليش ؟
رفيف ضحكت : اخخ ياربي تخيل وعلمته بسالفه
بعدين رقو اثمار واحلام للفوق يدورون السماعه الصغيره
ام سهم : بغرفتي ؟
رفيف : مدري بس اتوقع اي
سهم بدون يحس: اي بغرفتك دخلو انتبه لنفسه عدل جلسته
نياف ورفيف بنفس الوقت : شعرفك؟
سهم : بسم الله سمعت صوتهم
-
وقف عبدالرحمن عند بيت ابو صقر
ناظر بمنار : يالله انزلي
بكت منار : شفتت شفت ماصدقت توديني تبي الفكه مني
ناظر عبدالرحمن معها : منار تحسين بشي فيك شي ؟
منار : ابي اشوفك ترفض بس ماشوف غير انك راضي وودك بعد
عبدالرحمن عصب : تبين اقطع نفسي يعني سويت كل شي لك
منار : اسكتتت عني
عبدالرحمن : لاحول ولا قوه يارب
منار : رجعني بيتنا
عبدالرحمن : هي لعبه
منار بكتت بقوه : شفتتت تبيني انزل يعني حرك عبدالرحمن للبيته وهو الي وده شوي ويخنقها
-
فلاش باك
قبل العصر بشوي بنفس يوم العزيمه
فلاش باك
قبل العصر بشوي بنفس يوم العزيمه
نزلو اثمار وروان حرك عقاب بيتمشى
نجلاء لفت له : ابي احظر
عقاب : منجدك
نجلاء : اي والله مستغربه منهم ليش يجوني بعد كل هالسنين احس عندهم شي
عقاب : طيب ماراح اردك اكيد لكن بكون معك ف كل شي وقف على جنب: احلفي تعلميني بكل شي يقولونه وكل شي يصير يانجلاء
نجلاء: والله اقولك بكل شي
عقاب : يبي نسافر اجل
نجلاء : عادي نمسكه الحين يمدينا نوصل
عقاب : يمدي ان شاءلله
نجلاء : البنات؟
عقاب : اكلم فيصل وبقابله بنزلك للبيت تجهزين اجل
نجلاء: تمام
-
وقف على جنب يناظر بسياره عقاب
قرب عقاب له ونزل فيصل سلم عليه
عقاب : فيصل بطلب منك طلب
فيصل : تبشر
عقاب : بقولك لاني تعبت من الي بداخلي ابي حل
فيصل : سلامات صاير شي
مشى عقاب لسياره فيصل وركب بجنبه
ركب فيصل وناظر بعقاب
بدا عقاب يحكي له عن ماضيهم هو ونجلاء
قبل 27 سنه
كانت نجلاء بنت عايشه عند ابوها وزوجته
جابت زوجه ابوها بنت بكبر نجلاء وجابت بعد البنت عيال
كانت زوجه ابوها تكره نجلاء كره وتعاقبها على اتفه الاسباب ولا تبي نجلاء تكون افضل من بنته وابو نجلاء كان يكره نجلاء ودايم يسبها ويشبهها بامها الي رمتها عليه وهربت ولا يدري عنها شي للان ولا نجلاء تدري عن امها ولا تدري هي من ايش هربت ولا ايش السبب عاشت نجلاء بينهم وبين كرههم لها كانت اختها رانيا تكلم شباب وتراسلهم وتتواصل معهم رغم ان ابوهم ماكان يسمح بالجوال الا امها كان عادي عندها
كانت تنظف المطبخ وتغسل السراميك دخلت ام رانيا : اغسلي الحوش واسقي الزرع
وقفت نجلاء بتعب من الغسيل طلعت برا فتحت المويا وبدت تغسل الحوش وتسقي الزرع وقفت بتعب من ظهرها جلست بين الورد تناظر فيه بهذاك الوقت كانت نجلاء ماتتكلم كثير مع احد ولا تناقش احد بشي تسكت وتكتم الشي الوحيد الي تحس انه ابوها يحبها بسببه انه خلاها تدرس وتتعلم وقفت نجلاء بعد ماخلصت قربت بتدخل البيت دخلت وراحت لغرفتها سكرت عليها ناظرت بفراشها دخلت دوره المياه لبست ملابس مريحه وقربت لفراشها انسدحت ترتاح
اليوم الي بعده
قامت من النوم على صياح غريب وصياح تعرف وش بيكون بعده وقفت فتحت الباب تناظر بابوها ماسك راسه ومقهور
قربت نجلاء له بتردد : يبه فيك شي
وقف زيد لها : فيني شي ياسويدت الوجهه
انخطف وجه نجلاء عرفت انهم مكذبين عليه بشي عنها
سكتت تناظر فيه
زيد : مو يوم رمتك امك علي وانا عارف انك بتسودين وجهي وبتنزلين راسي اصلاً غلط مني خليت الناس يعرفونك قربت منها بيمسك شعرها لكنها ابتعدت نحلاء بخوف منه
زيد : تدرين وش ودي ارميك الحين اقتلك بيدي رفع يده لها
مسكت كتوفها نجلاء بخوف منه الشخص الي مفروض يكون لها امان وسند يصير لها شخص مرعب شخص تخافه وتخاف تحط عينها بعينه الشخص الي مفروض يكون قريب منها وصاحب لها يكون شخص تخاف تناقشه بشي او تطلب شي منه ناظرت نجلاء فيه نزل عقاله زيد وبدا يضربها وقفت ام رانيا تناظر فيه وهي الي ماتحرك فيها ساكن هذا الشي يريحها رغم ماجاء من نجلاء لها شي الا انها تكرهها ضرب برجله على بطنها زيد بقوه ورجع ضرب مره ثانيه حس فيها ماتتحرك عرف انه اغمى عليها
دفها برجله بعيد عنه
دخل ولده الكبيره : يبه جانا ابو عقاب وولده
زيد ناظر فيه : ماشاءلله جاي جاي
طلع زيد وولده الكبير برا البيت
دخل رائد ناظر بنجلاء الي طايحه مغمى عليها مسكها يرفعها مسك كتفها واخذها للغرفه
نزلت راسها نجلاء : راح
رائد : اي اشوا فكك
مسكت بطنها نجلاء : وده يضرب الين يشوفني مغمى علي يرتاح
رائد : تحملي بس لين اتوظف واوريك فيهم
مسكت بطنها نجلاء بألم : روح لابوي
رفع يدها رائد وناظر بطنها : عادي ارفعه اشوف ؟
نجلاء : مافيني شي بس روح لابوي لايدورك
وقف رائد : طيب بطلع مسكت بطنها بقوه بألم
صارخت بقوه لرائد : رائد مسكت بطنها بقوه والم قرب رائد لها بخوف رفعت راسها نجلاء : بستفرغ
حاول يجلسها رائد استفرغتت دم ناظرت بصدمه بالدم الي يطلع وبدون مايوقف ناظر رائد فيها وكيف تستفرغ باستمرار : نجلاء نزلت دموعه بخوف وقف يمسك راسه
ناظر فيها طاحت بجنب دمها مغمى عليها قرب رائد لها : يارب تكذبين علي مثله مسك يدها يقيس نبضها انخرش من ضعفه طلع برا الغرفه يركض ماحس بنفسه واقف بوسط المجلس : يبه قرب لابوه : نجلاء يبه نجلاء
ناظر زيد فيه ببرود : وش فيها
ناظر رائد ببرود ابوه لف لابو عقاب : عمي انتي دكتور يمكن تفهم
ابو عقاب : بوشو
اخذه رائد تحت صراخ ابوه رقى ابو عقاب فوق دخله رائد بالغرفه ناظر ابو عقاب بنجلاء وبوجهها المايل وجهه للاصفر بيدها الي موجود علامات الضرب فيه استغرب مسك نبضها وقاسه ناظر برائد : يبي ناخذها للمسشتفى
رائد : تساعدني اشيلها
ابو عقاب : ماقدر اتحمل طلع برا ونادى عقاب دخل عقاب معه للغرفه ناظر بنجلاء الي طايحه بين دمها
ابو عقاب : عاون رائد وشيلها
عقاب ناظر برائد الي خايف ويرجف : مايحتاج بشيلها شالها معه وطلعو برا لسياره ناظر بوقوف ابوها واخوها الكبير وابوها متكتف يناظر برائد بعصبيه
ركب عقاب نجلاء ورا وناظر بابوها الي ماسال حتى عرف وحس فيها ناظر بنظرات ابوها لرائد
عقاب : رائد تجي معي ضروري
زيد : مايروح صغير مايفهم
عقاب : يفهم اكثر منك باخذه معي ضروري
قرب رائد وركب ورا مع نجلاء بدون مايناظر بابوه
مشى عقاب
بالمستشفى بعد مرور يومين
صحت نجلاء تناظر بالسقف ناظرت بالغرفه لفت راسها للكرسي الي جنبها شافت رائد منسدح غافي بنوم
حاولت تقوم واوجعها بطنها انسدحت نفس ماكانت
بعد مده صحى رائد حست فيه ولفت
رائد ناظر فيها بفرحه : يابنتتتت واخيرراً
ابتسمت نجلاء له
رائد : والله خوفتيني عليك
نجلاء: بتغلى عليك
رائد : ياشيخه حلالك
ابتسمت نجلاء له
رائد : بقوم اقولهم انك صحيتي
بعد مده دخلو الدكاتره على نجلاء يفحصونها
دخل ابو عقاب لها : سلام يابنتي
نجلاء : وعليكم السلام
ابو عقاب : كيف صحتك تحسين بشي ؟
نجلاء: لا بخير
بالغرفه الي جنب واقف عقاب ينتظر خروج ابوه ناظر بخروج ابوه دخل بغرفه جنب بدون ماينته لوجود عقاب وقف عقاب عند الغرفه ناظر برائد الي جاء
وقفه عقاب : رائد
وقف رائد : سم ؟
عقاب : فيه اوراق تحت يبون توقع ومدري ايش مواضيع مافهمتها
رائد: غريب
عقاب : روح بس شوف
راح رائد
فتح الباب عقاب ودخل الغرفه ناظرت نجلاء فيه باستغراب حاولت تقوم بس ماقدرت من الالم : نعم؟
عقاب قرب لها : اجلسي اجلسي جلس على الكرسي بجنبها
نجلاء : من انت
عقاب : انا شبيه لقصتك ولحياتك انا عانيت ولزلت اعاني مثلك
نجلاء : شبيهين كيف رجاء اطلع مابي مشاكل
عقاب : ادري عنك يانجلاء
ناظرت نجلاء فيه كمل عقاب : انا بعد مثلك انا رمتني امي وابعدت عني حطت مليون مليون مسافه بيني وبينها
ساكته نجلاء تناظر كمل عقاب : لو اقولك لك انها تزوجت وعاشت بين عيالها واهتمت فيهم وعطتهم الاهتمام الزايد عكسي انا ماسالت عني حتى تدرين اذا سالتها وش تقول لي لفت نجلاء عنه تمسك دموعها كمل عقاب : تقول اخذت ابوك مجبوره عليه ولا بيوم فكرت اجيبك انفقت مع ولد عمها تتطلق من ابوي وتعيش معاه
عقاب : انتي ماتعرفين شي عن امك هذا افضل لك والله من ان تنقهرين وانتي تشوفينها
نجلاء : ليه جابونا طيب ليه