وقف عند محل الخطاط ينتظرون مهره
ارسلت الجادل لمهره : تمام اجل بنزل وبقوله على بال ماتجين
مهره : تمام
ناظرت الجادل بصقر : صقر بننزل ونكلمه على ماتجي
صقر : يلا
نزلت الجادل ونزل معها صقر دخلت المحل ناظرت بالشخصين الموجودين وقفت تتنظرهم يخلصون
وقف صقر بجنبها ناظرت فيه : تتوقع بيفهم علي واضح مو سعودي
صقر : يفهم اذا مافهم افهمه ورفع يده مسكت يده تنزلها
الجادل : هد يالطيب واضح ودك تضرب
صقر : من يوم تخرجت ثانوي ماصفقت احد
الجادل : عوذا
ناظرت الجادل للي دخلو وكانت مهره واخوها ما ناظرت الجادل باخو مهره من الحياء وقفت مهره بعيد عن اخوها راحت الجاادل لها وسلمت عليها مصافحه ناظرت الجادل بصقر الي راح لاخو مهره لكنها ماناظرت فيه
صقر :كأني اعرفك ؟
ماهر : اتوقع شفتني مع ابوك بشركه صافحه صقر
صقر : اي تذكرت اخبارك؟
ماهر : الحمدلله
رن جوال بجيب ماهر طلعه ماهر يناظر فيه
انصدم صقر يطالع بالجوال والكفر من ورا ركز فيه بقوه ناظر لجوال الجادل الي بيدها كان هواوي غيرته ولا يدري وش السبب ناظر بالجوال مره ثانيه الي مع ماهر
صقر : هذا لك ؟
ماهر : لا طاح بالغلط عندي عند جامعه اختي وماقدرت اتركه
صقر : وين طاح ؟
ماهر : عند جامعه **
انصدم صقر زياده : كيف طاح عندك ؟
ماهر ابتسم : صقر وش فيك تحقق !!
ابتسم صقر نفس ابتسامته : جوال اختي اخذه من يد ماهر ناظر فيه : جوال اختي هذا وضايع من فتره !
ماهر : كيف اصدقك
صقر : تبي تصدقني عادي اعلمك بطريقتي
ناظر ماهر فيه : احترم نفسك
صقر : انت الي احترم نفسك
ناظرت مهره بصقر الي كل ماله يقترب من اخوها طقت الجادل الي تتكلم مع الخطاط ناظرت الجادل : ايش ؟
مهره : شوفي اخوك
ناظرت الجادل فيه وناظرت بالي بيده بلعت ريقها ناظرت باخو مهره انصدمت
ناظرت مهره فيها : فيك شي ؟
الجادل لفت للخطاط: لا
لف صقر عن ماهر وقرب للجادل ابتعدت مهره عنه ناظر صقر بالجادل : متى تخلصين
تكلمت الجادل بدون تطالع فيه: باقي
صقر : اخلصي اخلصي
بلعت ريقها تكمل تفهم الخطاط:
-
جالسه بالحوش معاها كوب شاهي تطالع بالسماء فوق وتفكر خايفه ومتوتره تحس تو تستوعب كميه الشي الي بتدخله خايفه كثير من فيصل هل بحبني نفس حب ابوي
ناظرت بالكوب حتى اختها خايفه عليها من كلام الناس تعرف الناس بيطلعون مليون عيب باختها لانها تزوجت قبلها تخاف اختها يضيق صدرها
طلعت اثمار برا وشافت روان جالسه لحالها قربت للكرسي وجلست جنبها : هل لي مكان اخت روان ؟
روان : لك مكان بعيوني وقلبي
اثمار : الله ، قولي لي وش مضايقك او وش مخوفك
روان : خايفه من اشياء كثير
اثمار : مثل ايش
روان : شي يخصك خايفه منه
انصدمت اثمار : وشو؟
روان لفت لاثمار : ياخي انا اعرف وش بيصير لو ملكت قبلك اعرف ايش بيقولون الناس عنك بيقولون تزوجت قبل اختها اكيد فيها عيب يبدون يقولون اشياء ماصارت انا خايفه تتأثرين منهم انا اخاف حتى ان انتي تحسين فعلاً ان فيك شي مسكت يد اثمار : ياخي اثمار انا التعبير عندي صفر مثل ماتعرفين لكن ابي افهمك اني اخاف والله اخاف من كلام الناس عنك اخاف يحطون عنك اشياء تنصدمين منها
مسكت اثمار وجه روان تناظر فيها : ياختي ربي لايحرمني منك حضنتها : الحين شايله همي بعد ابتعدت عنها تناظر فيها عدلت جلستها اثمار تطالع بروان : اول حاجه ابي اقولها لك وابي تفهميني زين الزواج قسمه ونصيب وانتي جاء نصيبك لك حتى الوظيفه قسمه ونصيب وانا جتني الوظيفه عندي يعني انتي الحين تبين الزواج وهذا الزواج جاك انا ابي الوظيفه وهذا الوظيفه جتني روان انا مافكر ولا ابي افكر حالياً بزواج انا ابي اركز على نفسي وعلى حياتي بعدين اذا شفت نفسي مستعده تماماً تزوجت يعني اعرفي كل شي قسمه ونصيب وانتي جاك نصيبك عندك اما نصيبي وظيففتي عندي وبالنسبه لكلام الناس
انا اعرف نفسي اعرف اني الحمدلله مافيه شي يعيبني ف ليه اتضايق من كلامهم بالعكس بوقف بوجه كل وحده تفكر تتكلم لان هذي اشياء مكتوبه والله روان لو اقولك قد ايش سعيده اني بكون خاله قبلك اخخ السعاده مسكت قلبها احمر وجه روان : وجع جبتي طاري الصغيرين
اثمار : اجل ليكون ماتفكرين ترا ابي اصير خاله !
روان لعبت بيدها: اشوف فصفص ايش بيكون رايه
اثمار : وجع بعدين وش فصفص سميه فصيل
روان : تم لعيونك فصيل
-
أنت تقرأ
"خذني على قد الوله واشتياقي ترا الكرم بالحب حاجة عظيمة"
Historia Cortaمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"
