✔️KATUPITAPATHA| කටුපිටපත

35

බිග් මැච් දවසේ සුගතදාස ස්ටේඩියම් එක පුරාම මෙරුන් පාට, කහ පාට,දම් පාට, රිදී පාට කොඩි එල්ලලා. ඉස්කෝල දෙකේම මැච් එක බලන්න ආපු අය අතරේ උණුසුම් තත්වයක් තිබුණේ. මැච් එක පටන් අරගන්නත් ඉස්සරින්ම කට්ටිය දැනටම ගහගන්නත් පටන් අරගෙනත් ඉවරයි. සමහරු හිතලම එන්ට්‍රන්ස් එකේදීම අනික් ඉස්කෝලේ වල උන්ගේ ඇඟවල් වල හැප්පීගෙනම එනවා. නමුත් ඔය ගොඩක් තරහ බිග් මැච් සීසන් එකේ විතරයි. පස්සේ ගොඩක් අය කිරි පැණියි වගේ. ධනුර්වයි, මෙව්ලිකයි, සනුදිත අයියලයි තව prefect board එකේ අයියලා කීප දෙනෙකුයි කෑම බීමත් ගමකට හරියන්න උස්සන් පැවිලියන් එකේ ඉඳගත්තා. ඔය මැච් එක බලන්න කලින් පොඩ්ඩක් ඉඳගත්තොත් තමා ආයේ ඊට පස්සේ ඉඳ ගැනිලි නෑ. ධනුර්ව ඉඳගන්නකොටම පිටිපස්සේ පේලියෙන් කීප දෙනෙක් වාඩි වෙන සද්දේ ධනුර්වට ඇහුණත් හැරිලා බලන්න ගියේ නෑ. සද්දේ හැටියට තුන් දෙනෙක් වගේ. තව කෙල්ලො හතර පස් දෙනෙක් ඇවිත් අනික් පැත්තෙන් ඉඳගන්නව ධනුර්ව ඇස් කොනෙන් දැක්කා. මෙව්ලික දඩාං ගාලා පිට මැද්දට ගැහුවම මැද ඇඟිල්ලත් පෙන්නලා 'මොකද බල්ලෝ!' කියලා මෙව්ලික දිහා බැලුවම මෙව්ලික ඇස් වලින් පිටිපස්ස  බලන්න කියලා ඔලුවෙන් පෙන්නුවා. ධනුර්වත් කටේ පොප් කෝන් අහුරකුත් දාන් ඒ පැත්ත බැලුවම දැක්ක ඒ නපුරු මූණ දැකලා තව පොඩ්ඩෙන් කකා හිටපු එකත් හිරවෙනවා.

'තෙධාෂ අයියා මොකද මෙහෙ???' ධනුර්ව කටත් ඇරන් බලන් ඉද්දි මෙව්ලික ධනුර්වගේ පිටට තව තට්ටුවක් දාන ගමන් රවිධාර අයියට එහා පැත්තෙන් ඉඳගත්තා.

'දේශද්‍රෝහි බේසික නැට්ටුවා!!' ධනුර්ව මෙව්ලික දිහාවට මූණ ඇද කරලා ඉස්සරහ බලාගත්තා. තෙධාෂගේ පපුවට අත තියපු වෙලාවේ කඩාගෙන බිදාගෙන කාමරේට ගියපු වෙලාවේ ඉඳන් ඒ වෙනකල්ම ධනුර්ව තෙධාෂව මඟ ඇරියා. ඒ ඇස් ඒ ගැහෙන හදවත පුලුවන් තරම් මඟ ඇරියා. ඇරත් ධනුර්ව තෙධාෂව බිග් මැච් එකේ බලාපොරොත්තු වුණේ නැහැ.

'සේරම ටිකට් සති දෙකකට කලින් ම සෝල්ඩ් අවුට් වුණානේ..මෙයාලා කොහොමද- මට කියන්නෙපා මෙයාලා කලින් ඉඳන්ම ටිකට් අරන් හිටියා කියලා!!!' 

ධනුර්වගේ ඇස් ඒ අනුමාන කරපු දෙයින් පුදුමයෙන් පිරෙද්දි එහා පැත්තේ වාඩි වෙලා භිටපු කෙල්ලත් ධනුර්ව දිහා බලලා හිනා වුණාම ධනුර්ව තවත් ගැස්සුනේ ඒ කෙල්ල කවුද කියලා හරියටම අඳුන ගත්තම.... නිධාරා???