✔️KATUPITAPATHA| කටුපිටපත

32

"ලොකු අයියේ එක පාරටම ඇයි කොළඹට මාරුවක් හදා ගත්තේ?" තෙධාෂ ෆෝන් එක කනේ ගහගෙන අනික් අතෙන් කැම්පස් එකේ පොත් ටික බෑග් එක ඇතුලට දාගත්තා.

"මට කොළඹට මාරුවක් හම්බුණා මල්ලි ඒකයි"

"මන් දන්නවා ඒක නිකන් හම්බවුණ මාරුවක් නෙවෙයි කියල. එහෙම පිස්සු නෑනේ එක පාරට ඔයාව නුවර ඔෆිස් එකේ ඉඳන් හෙඩ් ඔෆිස් එකට මාරු කරන්න. ඇත්ත කියන්න අයියේ මොකක්ද ඔයාගෙයි යුවිෂා අක්කා අතරෙයි වෙන්නේ?"

"අ..ඒක..මේ...මන් ඔයාට වෙලාව ආවම කියන්නම් මල්ලි..මේ ඒකට වෙලාව නෙවෙයි."

"හරි එහෙනම්, ඒත් අයියේ මන් හිතනවා ඔයා මෙතන අවුලක් කරගෙන නැතුව ඇති කියල..." තෙධාෂ බෑග් එක හදල එක කරේ එල්ලගෙන කාමරෙන් එලියට ඇවිත් දොර වහගත්තා. ධනුර්වත් ඉස්කෝලේ යන්න ලෑස්ති වෙලා පඩිපෙළෙන් පහළට බැහැල තෙධාෂට අත වනාගෙන යන්න හදද්දී තෙධාෂ ධනුර්වගේ වැලමිටෙන් අල්ලලා නතර කරගත්තා.

"ම්ම්..මන් තියනව. ලබන සතියේ මන් එනවා රෙන්ට් එකට ගත්තු ගෙදරත් රෙඩි ලු. ආ තව එකක් යුවී ට මන් එනව කියල දැනගන්න තියන්න එපා.." කියල තෙධාස්වර ෆෝන් එක කට් කළා. තෙධාෂ ෆෝන් එක බෑග් එකට ඔබාගෙන ධනුර්ව දිහා බැලුවමයි එයාට මතක් වූණේ තවම එයා ධනුර්වගේ වැලමිට අත ඇරලා නැති විත්තිය.

තෙධාෂ ඉක්මනට ධනුර්වගේ වැලමිට අත ඇරල උගුර පොඩ්ඩක් පෑදුවා ඇති වුණ awkward ගතිය පොඩ්ඩක් අඩු කරන්න.

"නෙත්සර්ජ, ඉන්න මන් ඉස්කෝලෙන් දාන්නම්"

"ඕනේ නැහැ අයියේ මට යන්න පුළුවන්.."

"උඹ පණ්ඩිතයා නොවී කාලා වාහනේට නැගපන්" තෙධාෂ එහෙම කියාගෙන කෑම මේසේ දිහාවට ගියා.

'යකෝ මේක බලපන්කො..බලෙන් වාහන වල දාන් යන්නේ..මූ සුදු වෑන් කාරයෙක්ද කොහෙද කලින්! වන වන යන හැටි විතරක් මූකලන් හිවල් කුමාරයා! අඩෝ මෙහෙම සුදු වෑන්කාරයො ගේ අස්සේ තියන් ඉන්නත් බයයි..මුන් දැන් උස්සන්නේ BMW වලින්ද!! යකෝ සුදු වෑන්කාරයන්ටත් හරි ගියා එහෙනං ආ...ඒ වුණාට මේ හිවලා ඕන ඕන වෙලාවට මාව මෙහෙම බලහත්කාරයෙන් වාහනත දාන් යන එක වැරදියි මන් කියන්නේ..හිවල්ලු එක්ක කවද්ද කොල්ලො වාහන වල ගියේ?? මූගේ මේ පුපට තමා කෙල්ලොන්ටත් නගින්නේ...කෙල්ලොන්ට නගින්නේ නෑනේ අමතක වුණා...යකෝ හිවලා රවන කැත!! නොදකින් මේ නිලමේ හිවලා!!'