✔️KATUPITAPATHA| කටුපිටපත

53

"අඩෝ අන්න ධනුර්ව මල්ලිගේ යාලුවා නේද ඕයි කඩාගෙන මේ පැත්තට එන්නේ?? අඩෝ වැඩේ මීටර් වගේ දුවමු!! වරෙං!!" තනි කළු ඇඳන් දවස් කිහිපයක් ධනුර්වගේ ක්ලාස් ළඟ ඉඳලා එයාව බලලා ගියපු තෙධාෂ, රවිධාර, තෙධාෂ තුන්දෙනා තව දවසක් එද්දි ධනුර්වගේ කොළඹ ඉස්කෝලේ යාලුවා ධනුර්ව ව ගෙදර යවලා ධනුර්වට හොරෙන් තෙධාෂලා ඉන්න පැත්තට අතත් මිට මොළවගෙන එනවා දැකලා කට්ටියට හීන් දාඩියත් දැම්මා. ඒ පොඩි එකා ගහයි කියලා නම් නෙවෙයි හදිසියේ හරි ධනුර්වට කිව්වොත් සේරම ඉවර වෙන නිසා. තෙධාෂයි සනූෂයේ පැනලා දිව්වට රවිධාරට පැන ගන්න වෙලාවක් හම්බවුණේ නෑ පැන්න ගමන් ඒ කොල්ලා බෙල්ලෙන් ම අල්ලගෙන ඒ ළඟ තිබ්බ බිත්තියට තද කරලා රවිධාර දාගෙන හිටපු මාස්ක් එක ගලවලා දැම්මා.

"තමුසේ කවුද කියනවා!!! ඇයි අපේ පස්සේ පන්නන්නේ ආ?? අසහනේද??" පුංචි වුණත් හරිම සැරයි ගම්මිරිස් ඇටේ කිව්වලු!

"ඕයි තෙධාෂ!! කැහ්..වරෙං යකෝ!! මල්ලි අතෑරපන් බෙල්ල!! කැහ්.." රවිධාර ඒ කොල්ලගේ බූවලු අඬුවලට අහුවෙලා ගැලවෙන්න දඟලන ගමන් කෑගැහුවා. තෙධාෂගේ නම ඇහුන ගමන් ඒ කොල්ලා ග්‍රහණය පොඩ්ඩක් බුරුල් කලාම රවිධාර ඒ කොල්ලාගෙන් බේරිලා බෙල්ලත් අල්ලගෙන බිත්තියට හේත්තු වුණා. තෙධාෂයි සනූෂයි දෙන්නම ආයේම දුවගෙන රවිධාර ගාවට ගියාම ඒ කොල්ලා ඇස් ලොකු කරන් සනූෂයි තෙධාෂයි දිහා බලන් හිටියේ මෙච්චර රටක් දන්න රචකයා මැර සීන් එකට බැස්සේ කවදා ඉඳන් ද කියලා වගේ... ඉස්කෝලේ ධනුර්ව තෙධාෂ ගැනම කියලා කන පුරවලා තිබ්බත් මෙහෙම මැරයෙක් කියලා කියලා තිබුණේ නෑ නේද කියල ඒ කොල්ලා දහ අතේ කල්පනා කළා.....

"මේ අර පොත් ලියන නිලමේ අයියද? තෙධාෂ අස්නිරු බණ්ඩාර?"

"ඔව් මල්ලි..." තෙධාෂ මාස්ක් එක ගැලෙව්වම සනූෂත් මාස්ක් එක ගැලෙව්වා.

"මේ මල්ලි අපේ එකාගේ ෆෑන් කෙනෙක්ද?? එච්චර ඉක්මනට අඳුරගත්තේ?" සනූෂ ඇහුවම ඒ කොල්ලා ලාවට හිනාවෙලා ගලවලා අතට ගත්තු රවිධාරගේ මාස්ක් එක ආයෙම රවිධාරට දුන්නේ රවිධාර ඒ කොල්ලා දිහා බලාගෙන ඉද්දි.

"මම නෙවෙයි..මගේ මෝඩ යාලුවා තමා..ළඟදී ආවේ අපේ ඉස්කෝලෙට. නුවර ඉඳන් ආව දවසේ ඉඳන් කටේ තියෙන්නෙම තෙධාෂ අයියගේ නම..නැත්තන් අයියගේ පොතක් තමා..ඒ නිසයි දන්නේ." තෙධාෂගේ මැලවිලා ගියපු මූණට ලාවට හිනාවක් ආවේ ධනුර්වගේ කටේම තියෙන්නේ තෙධාෂගේ නම කියන එක අහලා.