✔️KATUPITAPATHA| කටුපිටපත

101

"ඕයි මේ කොහෙද යන්නේ බල්ලෝ??" ධනුර්ව මෙව්ලිකගෙන් ඇහුවේ මේ එක පාර එයාවත් රෑ ජාමේ ලෑස්ති කරන් කොහේ යනවද හිතාගන්න බැරුව.

"කටවහන් ඉඳපන් අපි විනෝද වෙන්න යනවා"

"අපේ මිනිහගේ හොටෙල් එකක් තියේ ඒක තනිකර අපි බුක් කලා outdoor venue එකත් එක්කම." මෙව්ලික වාහනේ ඩ්‍රයිව් කරන ගමන් කියද්දි ධනුර්ව ආ හාකෝ කියන මූණක් හදාගෙන පැසෙන්ජර් සීට් එකේ හිටපු සතීර්ශගේ බෙල්ල බදාගත්තා. ධනුර්ව සතීර්ශව බෙල්ල හිර කරලා මරන්න යනවා කියලා බොරුවට ලතෝනි තියපු නිසා ධනුර්ව ඔක්කොටම බැන බැන සීට් එකේ පිටිපස්සට වෙලා අත් දෙක බැඳගෙන පුම්බගෙන හිටියා.

ධනුර්ව ඇඳන් හිටපු සුදු ෂර්ට් එකේ අත් දෙකත් උඩට නවාගෙන අත් බැදන් පුම්බගෙන ඉන්න හැටි දැකලා සතීර්ශටයි මෙව්ලිකයි දෙන්නටත් හිනා...කොහොමහරි රවිධාර අයියාලගේ රෙස්ටුරන්ට් එකට එනකොට රෑ අටත් පහු වෙලා තිබුණා. ධනුර්ව අර දෙන්නටත් පුම්බගෙන රෙස්ටුරන්ට් එකේ outdoor එක ළඟට යද්දි ඒ යන තැන විශාල සෙනඟක් රැස් වෙලා. ඒ මදිවට ඕපන් venue එකම කලුවරයි. ඔක්කොම රැස්ව සිටි පිරිස හොඳට ම දන්න අඳුරන කට්ටිය..ධනුර්ව එද්දි පිරිස දෙපැත්තට වෙලා ධනුර්වට යන්න පාර හදලා දුන්නා...නිධාරා, සනූෂ අයියා, රවිධාර අයියා, අදිර්ශ අයියා, විහස්න අයියා, හැල කිඹුල් කපල් එක, සිහර්න අයියා, සයෝධ්‍ය අයියා, ත්‍රිශාර්ධා කට්ටියම හිටියා. ධනුර්ව මේ මොන මඟුලක් වෙනවද හිතාගන්න බැරුව ඉද්දි මෙව්ලික ධනුර්වගේ ඇස් දෙක බැඳලා ඕපන් ඒරියා එක ළඟටම අරන් ගියා....

මොන හු$#ක් කරනවද අප්පා??? මේ කණා මුට්ටි බිඳිනවද?? කෝ ඉතින් අර මුට්ටියට ගහන්න එකක් නෑනේ?? ගහන්න කිව්වට ඉතින් හට්ටි මුට්ටි වලට ගහලා වැඩක් නෑ...තෙධාෂ අයියටම ගහන්න තිබ්බා නං මරු...ඒත් කෝ මේ තෙධාෂ අයියා??? මුන් මාව කොහෙ අරන් යනවද මන්දා!! මාව කලුවරේ හොල්මනකට බිලි දෙන්නද යන්නේ??? මොන-

ධනුර්වගේ ඇස් වල තිබ්බ පටිය අයින් කරලා මෙව්ලික ධනුර්වව ඕපන් ඒරියා එකේ ගල් පේලිය ඉස්සරහ නැවැත්තුවා. තණකොල ගොඩ උඩ ලස්සනට තියපු ගල් පේලිය ඉස්සරහින් නතර වෙලා ධනුර්ව මොකක් වෙනවද හිතාගන්න බැරුව හිතන් ඉද්දි කට්ටියම දෙපැත්තෙන් ඇවිත් හිට ගත්තේ ධනුර්වට යන්න පාර හදලා දෙන ගමන්...ධනුර්ව මුකුත් හිතාගන්න බැරුව කලුවර තණකොල ගොඩ මැද්දට කට්ටිය අතරින් ඇවිදන් යද්දි අන්තිමට හිටපු නිධාරා ධනුර්වට නිල්පාට මල් තියන අලු පාටින් රැප් කරපු මල් bouquet එකක් අතට දුන්නා...ධනුර්ව මැද්දට යන්න තියන අඩියක් ගානේ හෙමින් හෙමින් ලයිට් පත්තු වෙන්න ගත්තා. ධනුර්ව මැද්දට ලං වෙද්දි ඔක්කොම ලයිට් පත්තු වෙලා වටේම මල් වලින් ඩෙකරේට් කරපු ස්ටේජ් එකක් වගේ එකක් මැද ලයිට් දාලා ලස්සන කරපු විල් යූ මැරි මී සයින් එකට ඉස්සරහ හිටපු තෙධාෂව දැකලා ධනුර්වගේ අත නිකන්ම කට ළඟට ගියේ පුදුමයටමයි...