✔️KATUPITAPATHA| කටුපිටපත

100

කාලය කියන දේ ගෙවිලා ගියත් සමහර දේවල් තියනවා ජීවිත වලින් අමතක වෙලා යන්නේ නැති...සමහර තුවාල තියනවා හොඳ වෙන්නේ නැති...ඒ තුවාල එක්කම සමහර වෙලාවට අපිට ඉස්ස්රහට යන්න වෙනවා ඒකයි ඇත්ත...

"නෙත්සර්ජ...ආ ඔයාගේ බබල් මයිලෝ එක"

"තෑන්ක් යූ අස්නිලු අයියේ~" ධනුර්ව ඇස් දෙකත් ටීක් බෝල වගේ කරගෙන කටත් හදලා කියලා තෙධාෂගේ අතේ තිබ්බ බබල් මයිලො එක අතට ගත්තේ තෙධාෂ එයාගේ නිල් පාට මොක්ටේල් එකත් එක්ක ධනුර්වට එහායින් මුහුදු වෙරලේ බිම වාඩි වෙද්දි...

"උඹලා තුන්දෙනාට මයිලෝ වලින් තොර ලෝකයක් නැද්ද  බං ඇත්තට?" සනූෂ අයියා හෙන වැදගත් ප්‍රශ්නයක් අහන ගමන් ධනුර්වගෙයි තෙධාෂගෙයි මැද්දට පැනලා ඒ දෙන්නව දෙපැත්තට කරලා බිමින් වාඩි වුණා. නිධාරා සනූෂගේ පස්සට පාරක් ගහලා එතනින් ඇදලා එහාට කලා...ආවා මෙතන මැද්දෙන් ඉඳගන්න!

"මයිලෝ තමා අපේ ජීවිතේ නේද පැටියෝ" ධනුර්වට එහායින් ඉඳගෙන රවිධාර අයියාගෙත්  බබල් මයිලෝ එකට වැඩේ දිදී හිටපු මෙව්ලික ඇවිත් මයිලෝ එක බොන ගමන්ම ධනුර්වගේ බෙල්ලේ එතුනා. සතීර්ශත් මුහුදු වතුර නාගෙන දුවගෙන දුවගෙන ධනුර්වලා හිටපු තැනට ආවා...

"අඩෝ මේ මුහුදේ කිඳුරොත් ඉන්නවා අර බලපන්!! ඉක්කේ නෑ දිය බරියෙක්ද කොහෙද!!" සනූෂ අයියා වක්කඩ කට ඇරගත්තා. නිධාරාගෙන් ආයෙම පාරක් සනූෂට හම්බවුණා වක්කඩ කට විවර කරගැනීමට තෑග්ගක් විදිහට...

සතීර්ශ දුවගෙන ඇවිත් මෙව්ලිකගේ ඔඩොක්කුවට පැන්නා...විසි අටක් වුණාට මේකා තාම පොඩි එකෙක් වගේ වෙලාවකට..

"අඩෝ මාවත් තෙමෙනවා අහකට පලයන් වුබර්!! චුප් චුප්!!" මෙව්ලික බොරුවට සතීර්ශව එලවගත්තම සතීර්ශ මූණ හදාගෙන ධනුර්ව ගාවින් ඔලුව තියාගත්තා කකුල් දෙක මෙව්ලිකගේ ඇඟට දාලා.

"ආ මල්ලේ මයිලෝ එකේ ambassador කෙනෙක්ලු නේ ආ?? අන්තිමේ හිච්චි ඇච්චගේ ආසාව ඉෂ්ට වුණා" කාගෙද ඉතින් මේ වක්කඩ කට?? වෙන කාගෙද ආයෙම සනූෂ අයියාගෙම තමා. අක්කයි අයියයි දෙන්නා පාඩුවේ වාඩි වෙලා ලව් කරනවා...එයාලගේ හිත් වල කලින් වුණ සිදුවීම් තවමත් නොමැකී තියනවා...ඒත් ඒවා එක්කම එයාල ඉස්සරහට යනවා..අම්මා කෙනෙක්ට තමන්ගේ ළමයගේ මූණවත් බලන්න ලැබුණේ නැති එක මොනතරම් අවාසනාවන්ත සිද්ධියක් ද?? අක්කා ඒ ගානෙන් දරා ගත්තා කියන එකත් ලොකු දෙයක්..ඒත් අක්කාටත් depression හැදුනා ඒ දරාගත්ත ප්‍රමාණයට....ධනුර්ව බෙහෙත් ගත්තා කියන දේ එලි වුණේ ඇමතිතුමා ධනුර්වව පැහැරගත්තු දවසේ...ඒ නොවුනා නම් සමහරවිට ඒ කාරණයත් ධනුර්ව තනියම දරාගන්න ඉඩ තිබුණා...තෙධාෂ එක්ක ඉන්න හැම තත්පරයේම සතුටින් ඉන්න ඕන කියන හැඟීම නිසායි ධනුර්ව ඒ දේ හැංගුවේ...ඒත් තෙධාෂ ධනුර්ව එක්ක ඉන්න හැම වෙලාවකම ධනුර්වට ආදරේ දුන්නේ මානසික සුවයත් ඒත් එක්කම ධනුර්වට අරන් දීලා...