✔️KATUPITAPATHA| කටුපිටපත

109

"තාත්ති!! අනේ අප්පච්චි එක්ක බෑ අප්පා බනිනවනේ බොරුවට.... මෙහෙ එන්නකො අප්පා!!!"

"අප්පයි පුතයි දෙන්නා මොන අඩව්වක්ද උදේ පාන්දර අල්ලන්නේ ආ?? කෛලාශ්ධ!! අස්නිරු අයියේ!! මොකද ආ??" ධනුර්ව උය උය ඉන්න එක නවත්තලා සාලේ පැත්තෙන් ඇහෙන විසාල සබ්දය බලන්න ගියා.

අප්පච්චියි පුතයි දෙන්නා සෝෆා එකේ වාඩි වෙලා බැන ගන්නවා...කොහෙටවත් අදාල මාතෘකාවකටද?? නෑ...දේශපාලනේ ගැන තමා....අප්පත් එකයි උගේ පුතත් එකයි..ධනුර්ව ඩබලටම හොඳ පොල් ටොකු දෙකක් ඇන්නම..කෛලාශ්ධ මූණ අකුලගෙන ධනුර්ව ගාවට ඇවිත් එයාව බදා ගත්තා.

කෛලාශ්ධ ධනුර්වගෙයි තෙධාෂගෙයි ආදරේ සංකේතය....ඒ දෙන්නටම අද වගේ මතකයි පුංචි කෛලාශ්ධ ව මුලින්ම අතට ගත්තු දවස..ධනුර්වගේ අතේ ඉද්දි තෙධාෂගේ ඇඟිල්ලක් දෝත බදලම අල්ලගෙන හිනා වුණ විදිහ...ඒ හැමදෙයක්ම ධනුර්වටයි තෙධාෂටයි ආදරණීය හීන වගේ...තද දුඹුරු සහ අලු ඇස් දෙකම මිශ්‍ර ඇස් දෙකක් තිබුණ ඒ ඇස් ඕනම කෙනෙක් දෙපාරක් හැරිලා බලන තරමේ ලස්සන... කෛලාශ්ධ හරියටම තෙධාර්ව දෙන්නගේ කපාපු පලුවක්මයි..

"බලන්නකො තාත්ති අප්පච්චි එක්ක බෑනේ අනේ..එයාලගේ කාලේ වගේද අනේ දැන් හහ්..හරි නරකයි...අප්පච්චිත් හරි මෝඩයි අර මෙව්ලික අංකල්ගේ මෝඩ පුතණ්ඩියා අභිනුල් වගේ.." කෛලාශ්ධ තෙධාෂට ඇද කරලා ආයෙම ධනුර්වගේ අතේ එල්ලුනා..අවුරුදු විස්සක් වෙන්න එනවා ඒත් පොඩි එකෙක් ගාණයි තාම...

"පුතා!! ඔහොමද යාලුවන්ට කතා කරන්නේ ආ?? මෙයත් හැදෙනවා දැන් ගාණකට" ධනුර්ව කෛලාශ්ධට පස්සට පාරක් දුන්නම කෛලාශ්ධ මූණ පුම්බගත්තා ඉස්සර ධනුර්ව තරහ ගියාම මූණ පුම්බගන්නවා වගේම...

"එයා මගේ යාලුවෙක් නෙවෙයි...මහ මෝඩම මෝඩ පිසාච හිවලෙක් ඌ!!" කෛලාශ්ධ අන්තිමට කියපු එකට තෙධාෂට බිබී හිටපු තේකත් හිර වුණා..

"ක්හැ ක්හැ!! මෝඩම මෝඩ පිසාච හිවල්ලුන්ට තමා කොහොමත් සමහරුන්ගේ හිත යන්නේ නේද නෙත්?" තෙධාෂ ධනුර්වට ඇහැකුත් ගහලා කිව්වම කෛලාශ්ධ ගස්සගෙන කාමරේට දිව්වා.

ධනුර්ව තෙධාෂ ගාවට ඇවිත් සෝෆා එක උඩින් වාඩි වෙලා තෙධාෂගේ උරහිසට හේත්තු වුණාම තෙධාෂ තේ කෝප්පය පැත්තක තියලා ධනුර්වගේ කර වටට අතක් යවලා තව ටිකක් ධනුර්ව ව ලං කරගත්තා..තෙධාෂව කවදත් මත් කරන ඒ ධනුර්වගේ සුවඳ..කොච්චර විඳ ගත්තත් මදි ඒ සුවඳ...තෙධාෂ ධනුර්වගේ හිස මතින් තොල් තද කලේ ධනුර්ව සනීපෙට තෙධාෂට තුරුලු වෙද්දි... කෛලාශ්ධ කාමරේට වෙලා සද්දෙට ගමටම ඇහෙන්න දාගෙන ඉන්න ධනුර්වගේ සින්දුව තෙධාෂගෙයි ධනුර්වගෙයි අවධානය හොරකම් කරගත්තා...