✔️KATUPITAPATHA| කටුපිටපත

95

"නෙත්සර්ජ..."

ඒ කටහඬ තාමත් ඒ විදිහමයි...ඒ කටහඬේ ගැඹුර තවමත් එහෙමයි...ඒ ආදරේ තවමත් එහෙමයි...පරතෙරක් නැති තරම් ගැඹුරුයි...ධනුර්ව  හැඟීම් එක ඕසෙට ගලාගෙන එන අලු පාට ඇස් වලින් තෙධාෂ දිහා කීපසැරයක්ම බැලුවා. අනික් හැමෝම ධනුර්වගෙන් මීට වඩා රියැක්ෂන් එකක් බලාපොරොත්තු වෙන්නත් ඇති  වුණත් තෙධාෂ දන්නවා මේ දැනටත් ධනුර්ව ඕනවටත් වඩා රියැක්ට් කරනවා කියලා...ධනුර්වගේ මෙච්චර කාලයක් හිස් වෙලා තිබුණ ඇස් ආයෙම හැඟීම් වලින් පිරිලා යන හැටි තෙධාෂ බලන් හිටියා. ධනුර්වගේ ඇස් හැඟීම් වලින් පිරෙන අතරේ තෙධාෂ ඇවිත් ධනුර්ව ව බදාගත්තේ ධනුර්වත් ආපස්සට තෙධාෂව බදා ගත්දි..ඒ උණුහුම....අවුරුදු හතරකට වඩා කාලයක් කොහොම මේ උණුහුම නැතුව දෙන්නා ජීවත් වුණාද!!! ධනුර්ව තෙධාෂගේ ෂර්ට් එකේ කොනක් තමන්ගේ අත් වලට ගුලි කරගෙන තෙධාෂගේ උරහිස අස්සේ මූණ හංගෙන තමන්ගේ කටින් පනින්න ඔන්න මෙන්න ඉකිය නවත්තගන්න ලොකු උත්සහයක් දැරුවා...ජීවිතය අරන් දීපු ආදරේ ආය තමන් ගාවට  ඇවිත්...ධනුර්වට ඇත්තටම තමන් මෙච්චර කාලයක් තිස්සේ තෙධාෂව ආයෙම මූණ ගැහෙනකොට දැනෙන්න ඕනයි කියලා හිතපු ඒ හැඟීම ඒ විදිහට ම දැනුනා...

ඒ වුණාට රොමැන්ටික් මෝමන්ට් එක වැඩි වෙලා තියන්න වුණේ නෑ රැස්ව සිටි බේසිකයො රැල හූ තියන්න පටන් ගත්තා. මේ පගයො ජීවිතේට හැදෙන්නෑ!! අක්කගේ සාස් පානක් උස්සන් ඇවිත් හැන්දෙන් තඩි බාන ගමන් මහ හයියෙන් බෙරිහන් දෙනවා. මොනවා නැතත් සනූෂට හොඳට වැදිලා තියන බව නං පේනවා. නිධාරා සනූෂගේ කට තද කරලා අල්ලගෙන කෑ ගහන්න එපා කියලා කිව්වම සනූෂ ඔන්න සද්දේ අඩු කරගත්තා. ඉක්කේයියා ගෑනිට බයයි ඉතින්...

අන්තිමේ පරවෙන්න ඉස්සරින් ආයෙම ආවා එහෙනම්...මහ වැස්ස වගේ ඉඩෝරය ඉවර කරන්න අයියා ඇවිත්....සීමාව පනින අන්තිම තත්පරයේ...මාව කඩන් වැටෙන්න හදන තත්පරේ අන්තිමේදි කොහොමහරි ඔයා ආවා....ධනුර්වගේ ඇස් වලට පිරුණු කඳුලු සීරුවට කම්මුල් දිගේ පහලට රූටලා තෙධාෂගේ උරහිසට වැටුණා...

ධනුර්ව තෙධාෂගෙන් පොඩ්ඩක් එහාට වුණා මොකද කොයි වෙලාවේ නහයෙන් බ්ලීඩ් වෙන්න හරි ගැස්ට්‍රයිටිස් වැඩි වෙලා වමනේ යන්න හරි ආවොත් මේ අයට නොපෙනි ඉක්මනට වොෂ් රූම් එකට පැනගන්න ඕන නිසා. තවමත් මේ සීමාව පැන ගෙන යන මොහොතෙත් ධනුර්ව බැලුවේ සේරම තනියම විසඳගන්න. ඒත් ඇමති කියන්නේ කවුද  කියන එක ධනුර්වට සාම්පූර්ණයෙන් අමතක වුණා. අප්පච්චිට විරුද්ධව උසිගන්වන්න ඕන නම් ඒකට ගැලපෙන ම කෙනා එයාගෙම පුතා නෙවෙයිද කියන කාරනය ධනුර්වට එක මොහොතකට අමතක වුණා. ඒත් ඊළඟ අතට කල්පනා කලොත් ඒකම නෙවයිද හරි නං විය යුතු??? ධනුර්ව කියන්නේ තවම නීතියෙන් බණ්ඩාර පවුලේ නම දරන කෙනෙක් නෙවෙයි...