✔️KATUPITAPATHA| කටුපිටපත

88

"හීනයක් නොවනා තැනක නුඹ ආදරේ සඟවා..
හේතුවක් නොවන දිනක මා හාද ඉකි බිඳලා...
ගෙවුනු අතීතෙක නුඹේ කතා ඇසේනවා මෙදා..
නොහෙලූ වදන් ඔහේ..පාවෙලා ගියා...

නම නැති භාවයක ආයාචනා
නුඹේ නුවන් දිහා...
මා වරනා රැයක හීනෙන් පවා
නුඹෙන් නෑ ආරාධනා
නම රැඳනා ඉමක කොවුල් රැයක
මගේ සවන් නොයා
මා යනවා නුඹට අරුතක් මවා
නොඑන්න මතක සොයා..."

තෙධාෂ නැතුව පාලුවට ගිය කාමරේ ඇඳට වෙලා ධනුර්ව තෙධාෂගේ සුවඳ දැනෙන බෙඩ් ෂීට් එක අස්සට වෙලා ඔහේ ඇරලා දාපු ජනේලයෙන් එලිය බලන් හිටියා..මාසයක් ගිහින් තිබුණත් ඒ කාමරේ තවමත් තෙධාෂගේ සුවඳින් පිරිලා.... ඒ මාසයට ධනුර්ව එක පාරක්වත් තෙධාෂට කතා කරන්න උත්සහ නොකලේ තෙධාෂගේ ෆෝන් එක අප්පච්චි ගත්තා කියලා දන්න නිසාම නෙවෙයි...ඒ කටහඬ මේ වෙලාවේ හිතට වේදනාවක් ගෙනත් දේවි කියන බයට...තෙධාෂගේ කටහඬ කවදාවත් තමන්ට වේදනාවක් නොවිය යුතුයි තැනයි ධනුර්ව හිටියේ. තෙධාෂ ඔන්ලයින් එයාගේ රිවිෂන් ක්ලාස් එක කරගෙන ගියා වගේම අලුතින් ළමයි බඳවගත්තේ නෑ ක්ලාස් එකට..අප්පච්චි එයාව මේ ලමයිගේ එක්සෑම් එකෙන් පස්සේ රට යුනිවර්සිටි එකකට යවන්න සේරම ලෑස්ති කරලා තිබුණේ..ඉතින් ධනුර්ව කොහොමටවත් ආපහු ඒ කටහඬ වේදනාවක් නැතුව අහන්න පුලුවන් දවස වෙනකල් ධනුර්ව තෙධාෂගේ හඬ නො අහ ඉන්න තීරණය කලා...කටහඬ ඇහුණ ගමන් හිත නිවෙන තෙධාෂගේ කටහඬ තමන්ට කොයි කොහොමවත් වේදනාවක් ගෙන දෙන්න ධනුර්ව ඉඩ තියන්නෑ...

මේ හැම කල්පනාවක්ම බිඳ දාලා ඇහුනේ ධනුර්වගේ ෆෝන් එක රින්ග් වෙන සද්දේ. සතීර්ශට මාසය පුරා එක දිගට ගන්න උත්සහ කරපු නිසා ධනුර්ව බලාපොරොත්තු වුණේ සතීර්ශගේ නම ස්ක්‍රීන් එකේ දකින්න වුණත් ඒ වෙනුවට තිබුණේ අදිර්ශගේ කන්ටෑක් එක.

"ඔව් අයියේ කියන්න"

"මල්ලි සතී කෝල් කරාද??"

"නෑ අයියේ මාත් ට්‍රයි කලා හුඟක්...ඇයි අයියේ මේ කලබල වෙලා?? මොකක්ද වුණේ?"

"මල්ලි සතී මගේ මේසේ උඩ සූසයිඩ් නෝට් එකක් තියලා ගිහින්...ගෙදරත් නෑ..මම මේ අපේ පරණ බිල්ඩින් එකක් තියනවා ඔයාලගේ ගෙවල් හරියේ එතනට යන ගමන්..අනේ චුට්ටක් බලනවද?? මට බයයි මල්ලි මට ඉන්නේ ඌ විතරයි පවුලකට කියලා!! මගේ පණ ටික ඒ.....මට එයා නැතුව තත්පරයක් වත් ඉන්න බෑ..." ධනුර්වට ඇහුනා අදිර්ශගේ කටහඬ බිඳෙනවා...ධනුර්ව එක පිම්මට කාමරෙන් දුවලා ගිහින් ඇඳන් හිටපු ඇඳුම පිටින් ම අතට අහුවුන සෙරෙප්පු දෙකක් දාගෙන සතීර්ශගේ පවුලට අයිති පරණ බිල්ඩින් එකට දුවලා ගියා. සතීර්ශ වැරැද්ද භාර ගැනීමත් එක්ක ක්‍රිකට් ටීම් එකෙන් එයාව ඉන්ටඩික්ට් කරලා තිබුණා. එයාගේ ජීවිතේ තිබුණ ලොකුම හීනේ...ඒ විදිහට නැති වෙලා ගියේ..මුලු ජීවිත කාලෙන් මේ වෙනකල්ම සතීර්ශ දෙයක් ආසාවෙන් කලා නම් ඒ ක්‍රිකට් විතරයි. ඉතින් ඒ හීනෙම මේ විදිහට නැති වෙලා ගියාම...