✔️KATUPITAPATHA| කටුපිටපත

62

නුවර ඉස්කෝලේ ට්‍රිප් එක ගිය දවසේ සෙක්ශන් දෙකක බස් හම්බ වෙද්දි ගිරිය කඩන් කෑ ගහපු පාර, බස් එකේ ජනේලේ ගාව සීට් එකක් අල්ලන් පාඩුවේ මනෝ පාරක් ගහන් ගියපු තෙධාෂ, බීලද නැත්තං ගුලි කාලද එහෙමත් නැත්තන් හැටිද හිතාගන්න බැරුව නයිට් ක්ලබ් එකක නිත්‍ය සාමාජිකයෙක් වගේ නට නට ඉඳපු ධනුර්ව, ඒ මතක හැම එකක්ම ලස්සනට රඳවලා තියන මේ පාරවල් වල ආයෙම යනකොට දැනෙන සීතලට වඩා මතක අවුස්සන හැඟීම ධනුර්වගේ අලු ඇස් ළඟින්ම ඉඳන් මවන්න ලැබෙනවා තරම් සතුටක් තෙධාෂට තවත් තියෙන්න පුලුවන්ද?? අවුරුදු ගාණක් පුරාවට ලං වෙන්න බැරුව වේදනාවෙන් හඬා වැටුණු  තෙධාෂගේ හිතට වැහි පොඳ වැටිලා නිල් පාට ඩේසි මල් පිපිලා පණ ගැහිලා එද්දි තෙධාෂට ද ජීවත් නොවෙනවා කියලා හිතෙන්නේ කොහොමද?? වෙනදටත් වඩා තෙධාෂ ජීවත් වෙනවා. ඒ අලු ඇස් ළඟ කොහොමත් තෙධාෂ ජීවත් වෙනවා. මැරී මැරී දහස් වතාවක් හිත කැඩිලා මිය යන්න ඔන්න මෙන්න තිබුණ හිත පවා පණ ගහලා ගන්න ඒ ධනුර්වගේ ලස්සන හිනාවෙන ඇස් සමත් වුණා. ඉතින් ඒ ඇස් දෙකේ අයිතිකාරයගේ කොන්දේසි විරහිත ලස්සන ආදරේ තෙධාෂව ජිවත් නොකර තියෙන්නේ කොහොමද??

"විල්තෙර ඉන්න ඔයා
සඳ ගාව තියා
පෙම් රස ඕන නිසා
දැන් මන්ද පමා~

තරු කඩා හැලෙන දවසක්
අපි හිනා වුණා වරුවක්
මේ ජීවිතයට නෑනේ බාධා
සඳ ගයා වයා ගීයක්
මට කියා දුන්න රහසක්
මේ දකින හීනෙ ඉන්නයි ආසා
මේ දකින හීනෙ ඉන්නයි ආසා" සනූෂ අයියා ගෙනාපු බොංගො එකට තඩි බාන ගමන් සිංදු හෑමේ මහා තරඟය ඒ විදිහට ආරම්භ කළා. මෙව්ලික ධනුර්ව එක්ක නටනවා හරියට නයිට් ක්ලබ් එක වගේ. තියන ඔක්කොම පද්ද පද්ද නටනව අසරණ අයියලා දෙන්නට තමා මේවා දැකලා නගින්නේ..

"මල් දුන්නෙන් මා වෙත හීයක් එවා~

ඉෂිතා!!!" මෙව්ලික ගිහින් ධනුර්වගේ ඉනෙන් අල්ලලන් නටන්න පටන් ගත්තම රවිධාරගෙයි තෙධාෂගෙයි මූණූ දෙකම අවන් එකට දාපු ප්ලාස්ටික් කෑලි දෙකක් වගේ ඇකිලිලා ගියා.

"ආ මල්ලේ පද්දලා ගමු!!!" සනූෂ බොංගො එකට තඩි බානගමන් ම දෙන්නව අප් කරලා ගත්තා. ඒ අතරේ ඉස්සරහ සීට් එකට ෂේප් එකේ පැනගෙන සතිර්ශ කන් දෙකේ ඉයර් ෆෝන් දෙක ගහගෙන ෂටර් එකෙන් එලිය බලන් ගියා. විහස්න වාහනේ ඩ්‍රයිව් කරගෙන ඉස්සරහ මිරර් එකෙන් පේන නයිට් ක්ලබ් ඩාන්ස් ටික දිහා බලලා ලාවට හිනා වෙලා ආයෙම ඉස්සරහ බලාගෙන ඩ්‍රයිව් කරන ගමන් සයිඩ් ගහන් ඉන්න සතීර්ශගේ පහළට වැටිලා තියන කොණ්ඩේට අත තියලා අවුල් කලහම සතීර්ශ පියවි ලෝකෙට ඇවිත් විහස්න එක්ක හිනා වෙලා ඉයර් ෆෝන් දෙක ගලවලා අයින් කළා.