✔️KATUPITAPATHA| කටුපිටපත

61

"ලොකූ..තව මාස තුනකින් ඔයාගෙයි තෙධාස්වර පුතාගෙයි වෙඩින් එක ගන්නවා. මන් හිතනවා දැන් දෙන්න දැන අඳුනගෙන ඉවර ඇති කියලා" තාත්තා සුපුරුදු ඝර්ජනාවෙන් ම රෑ කෑම මේසෙදි කියද්දි අක්කා සන්සුන්ව අහන් හිටියා මිසක් ඒකට විරුද්ධ වුණේ නෑ. කොහොමටත් ඒ ටිකේ තාත්තා එයාලට බැනපු කාරණාවන් එයාලා හැමෝම වගේ හිත යටින් කැමති වෙලා හිටපු දේවල් නිසා ඒවා බලෙන් කරගන්න යනවා කියන අදහස එයාලගේ ඔලුවල තිබුණේ නැහැ. ළඟදී දවසක තෙධාෂව ධනුර්වගේ කාමරේ එභා පැත්තට දාපු එක, ධනුර්වට තාත්තා කොළඹ කැම්පස් යන්න කියපු එක දැන් අක්කගේ වෙඩින් එක. කොහොමත් වෙන්න තිබුණ දේවල් නේ...ඒත් අක්කා විරුද්ධ වුණේ නැතත් එයාට කියන්න යමක් තියනවා කියලා අක්කගේ මූණෙන් හොඳට පේනවා.

"තාත්තේ.. අඳුරගෙන නම් සෑහෙන්න කල් අපි.. ඒත්...තෙධාස්වරව බැන්දම සමහරවිට මගේ ජීවිතේ නැති වෙන්න වුණත් පුලුවන් කිව්වොත්, තාම තාත්තගේ තීරණේ ඒකද?"

මේ මොකක්ද මේ කියන්නේ?? මැරෙන කතාව මොකක්ද?? මන් හිතුවා අක්කලා ප්‍රශ්නේ විසඳගෙන ඇති කියලා...ඒත් වදේ ඔය හොඳට හිටියේ දෙන්නා..මට අමතක වුණත් එක්ක හැබැයි අක්කගේ පැත්තෙන් කතාව අහගන්නත්...

තෙධාෂ ඇතුලු සේරම කටවල් ඇරන් බලන් හිටියේ අක්කා ඒ කියපු කතාව මොකක්ද කියලා තේරුම් ගන්න බැරුව. තාත්තටත් ටිකක් තරහ ගිහින් සහ එයාටත් කතාව තේරුම් ගන්න බැරුව පළවෙනි පාරට අක්කට කතා කරන්න දීලා කටවහගෙන අහගෙන හිටියා.

"මොකක්ද තමුන් කියන එකේ තේරුම දැන්?? මොකක්ද මැරෙන කතාව?"

"මමයි තෙධාස්වරයි අඳුරන්නේ කැම්පස් එකේ ඉඳන්...ඔව් අපි යාලුයි..ඒත් කෙල්ලෙක් මැද්දට ඇවිත් අපි දෙන්නා වෙන් වුණා. තෙධාස්වර අතේ වැරැද්දක් නෑ..ඒ කෙල්ල මැරයෙක්ගේ දුවක්...ආයේ තෙධාස්වරට ලං වුණොත් මාවයි එයාවයි දෙන්නවම මරනවා කිව්වා. අවධානමක් ගන්න විදිහක් මට තිබ්බේ නෑ..මල්ලිටයි නංගිටයි කොටින් ම අම්මටයි ඉන්නෙත් මම විතරයි..මට සමාවෙන්න තාත්තේ..ඒත් ඇත්ත ඒකයි...මේකෙන් මට ගුටි කන්න වුණත්, ඇත්ත ඒකයි.මම පවුල ගැන හිතලා තෙධාස්වර ව අත ඇරියා. ඒ කෙල්ලට චාන්ස් ලැබුණේ නෑ..මට ආයේ දකින්න ලැබුණෙත් නෑ.ඒත් මම දන්නවා මේ ආරංචිය කනට ගිය හැටියේ ඒ අතුරුදහන් වුණ අය ආයෙම එනවා..තාත්තට පුලුවන්ද මගේ ජීවිතේට වගකියන්න??" අක්කා ඒ ප්‍රශ්නය එක එල්ලෙම තාත්තට යොමු කරලා උත්තරයක් බලාපොරොත්තුවෙන් එහෙමත් නැත්නම් වෙනදා වගේම කම්මුල් පාරක් බලාපොරොත්තුවෙන් තාත්තා දිහාම බලන් හිටියා. ඒත් තාත්තගෙන් නෙවෙයි තවමත් ඒ එකම ප්‍රතිචාරයක් වත් ලැබුණේ. නලල රැලි වැටීගෙන පුදුම බර කල්පනාවකට පස්සේ තාත්තා අක්කා දිහාවට හැරුණා.