ကြင်ယာတော်မင်းသမီးကံဆိုးပြန်ပြီ

Chapter 71

အခန်း:၇၁ (စာကြည့်တိုက်)

စင်စစ်မှာမူ၊ နန်းမြို့တော်ရှိကျော်ကြားသော ကျောင်းတော်များတွင် ထူးခြားသည့် နောက်ခံများ ရှိတတ်သည်။

သို့သော်လည်း ဖေဝမ်ယွဲ့က မလိုလားသဖြင့် သူမမျက်နှာပေါ်တွင် အပြုံးတစ်ပွင့်ပန်ရန်ပျက်ယွင်းကာ အေးစက်နေဟန်ရှိနေသည်။

ရှဲ့ချောင်ကမူ ကွဲပြားသည်။

သူမ၏အတွေးထဲတွင် တော်ဝင်ကျောင်းတော်သည် ကောင်းမွန်သောအရာများနှင့်သာ ပြည့်နှက်နေပြီး သူမအတွက် အကျိုးပြုသည့် ယန် စွမ်းအင်လည်း အပြည့်ရှိနေသည်။

“သခင်မလေး... အစေခံတွေကို ကျောင်းတော်ကို ခေါ်သွားလို့မရဘူး။ သခင်မလေးကျန်းမာရေးနဲ့ ခံနိုင်ရည်ရှိပါ့မလား" ချွင်းအာက အတော်လေး စိတ်ပူနေသည်။

တစ်နေ့လျှင် ခြောက်နာရီမှ ရှစ်နာရီအထိ နေရမည့် ကျောင်းတော်မှာ ရှုပ်ထွေးနေပေလိမ့်မည်။

“ငါ လုပ်နိုင်ပါတယ်။” ရှဲ့ချောင်သည် နေမင်းကြီးကဲ့သို့ ဂုဏ်ယူနေပုံရသည်။ သူမ၏လေသံတွင် နွေးထွေးမှုလေးပင် ရှိလာသည် ။

ကျောင်းတက်ရတာ ကောင်းသည်။ နောက်ဆုံးတော့ သူမဟာ စိတ်အားထက်သန်မှုကို ခံစားနေရသည်။

တကယ်တော့ သူမရဲ့ ကျန်းမာရေးဟာ အသက် ၁၅ နှစ်အရွယ်ကတည်းက သိသိသာသာ ကောင်းမွန်လာခဲ့ပြီဖြစ်သည်။သို့သော်ယခင်ကမူ…

ပြောရလျှင်ဇာတ်ကြောင်းရှည်ကြီးတစ်ပုဒ်ဖြစ်လိမ့်မည်။

မွေးဖွားပြီး သိပ်မကြာခင်မှာပင် သူမ၏ ခန္ဓာကိုယ် အားနည်းသွားခဲ့သည်။ သူမအသက်ရှုရခက်နေပြီး မကောင်းဆိုးဝါးဝိဉာဉ်များကို အချိန်ပြည့် ကြောက်လန့်နေခဲ့ရသည်။ လမ်းလျှောက်တတ်စကတည်းက အမြဲလိုလို မေ့လဲကျလေ့ရှိသည်။

သူမခန္ဓာကိုယ်က ရေခဲလှိုဏ်ဂူထဲမှာ ရှိနေသလိုခံစားရတတ်ပြီး ညသန်းခေါင်၌လည်းရုတ်တရက် ချမ်းစိမ့်မှုကို ခံစားရလေ့ရှိသည်။

ယင်စွမ်းအင်၏လွှမ်းမိုးမှုကြောင့် နေ့တိုင်းဆိုသလို အိပ်မက်ဆိုးများ မက်နေတတ်သည်။