၈၇။ (ပြဿနာလား ကောင်းချီးလား)
ဆရာမအား ကြည့်နေသည့် သူမတို့မျက်လုံးများမှာ ဆန္ဒများဖြင့်ပြည့်လို့နေခဲ့သည်။
" ဆရာမ၊ ဘယ်မင်းသားအကြောင်းကိုများ …… ပြောတာလဲ။ စတုတ္ထမင်းသားများဖြစ်နေမလား"
တစ်ယောက်က မေးလိုက်၏။
ဆရာက မျက်မှောင်ကြုံ့လိုက်၏။
" အဲ့ဒါကအိမ်ရှေ့စံမင်းသားပဲ"
ဆရာ ထိုသို့ပြောလိုက်တာနဲ့ မိန်းမပျိုလေးများ၏ သက်ပြင်းချသံယဲ့ယဲ့ကို ရှဲ့ချောင်ကြားလိုက်ရသည်။သူတို့ စိတ်ပျက်သွားကြတာလား။
အိမ်ရှေ့စံမင်းသားက စတုတ္ထမင်းသားလောက် သဘောကျမခံရဘူးလား။
ရှဲ့ချောင်က ဒါကို စိတ်ဝင်စားဖို့ကောင်းတယ်လို့ တွေးမိသော်လည်း ဒီလို အတင်းဖျင်းပြောတာကိုတော့ အထင်မြင်သေးမိ၍ ဘာကိုမှ မမေးခဲ့ပေ။
လူအုပ်ထဲမှ မိန်းကလေးတစ်ဉီးက " အို ဒါဆို အရှင့်သား အိမ်ရှေ့စံ လာမှာပေါ့။ ဒါဆို ငါတို့ ဓားရေးအက ကိုပြီးပြည့်စုံအောင်သာ သရုပ်ဖော်နိုင်ခဲ့မယ်ဆိုရင် ဘာဖြစ်မှာလဲ။အိမ်ရှေ့စံက ငါတို့ကို သဘောကျနှစ်သက်လာဖို့မျှော်လင့်ရမှာလား။အရှင့်သား သာ တကယ်သဘောကျခဲ့မယ်ဆိုရင် ဒါက ကောင်းချီးတစ်ခုမဟုတ်ဘဲ ပြဿနာပဲကို။ ဘာများပျော်စရာရှိလို့လဲ။"
" ရှူး၊ ဒါ အိမ်ရှေ့စံမင်းသားပဲ။ဒီအကြောင်းသာ ပျံ့သွားရင် နင့်ရဲ့ ခေါင်းကို စိတ်မပူဘူးလား။ အိမ်ရှေ့မင်းသားသာ တကယ်ကြားသွားခဲ့ရင် နင့်မိသားစုတစ်ခုလုံး ကံဆိုးမိုးမှောင်ကျသွားလိမ့်မယ်" သူမဘေးတွင် ရှိနေသူက သူမကို ညင်ညင်သာသာနှင့် သတိပေးလိုက်သည်။
ထိုသခင်မလေးက သတိပေးစကားကိုကြားရပြီးနောက် သူမရဲ့ခေါင်းကို ငုံ့လိုက်၏။။ သူမက ခြေထောက်တွေကို အချင်းချင်းပွတ်နေပြီး ထိတ်လန့်နေခဲ့သည်။
" နင်က အိမ်ရှေ့မင်းသားကို သဘောမကျပေမဲ့ သူ့ကိုသဘောကျတဲ့လူတွေရှိတယ်လေ။ ငါတို့ကိုတကယ်ကြည့်ဖို့လာတာလည်းမဟုတ်ဘူး"
YOU ARE READING
ကြင်ယာတော်မင်းသမီးကံဆိုးပြန်ပြီ
RomanceAlternative names:太子妃她命中带煞 Author: Celestial River God Genre: Historical, Psychological, Romance Status: Completed
