فلتنحني لقلبي تذللا [ تتمة ]

‏‎‏‎‏‎‏‎‏‎‏‎ ‏‎‏‎‏‎‏‎‏‎‏‎‏𝑷𝑨𝑹𝑻★268

❥ ／فَلْتَــــنْــــحَـــنِي لِقَــلْـــبِــي تَــــذَلُلاَ／❥. 

الـــفــصــل الـثالـث و الاخــير : ^ أنـتِ بـدايـة روحـي ، و أنـتَ الـخـتـام ^.

بقلم ✎𝐖𝐢𝐣𝐨𝐮
‏
<< أبـَليتَـني بِـالعِـشـق ثُـم تَـركتَـني و اَذقْـتَـني حُـلـوَ الـهَـوىٰ فَـقتَلتـني وهَـبْتـني قَـلبـاً يَـفِيـضُ تَـعاطُـفاً  ، يَـا خَـائِـنـاً بِـالـحُـبِ كَـيـف كَـسرْتَـني بِـرحيلِـك ، فَـهل مّـن عَـودةٍ ؟ فَـالـرُوح عَـلى مَـشـارِف اِخْـتتَامِـك >>

عــنــد خـــولــة ..

كنت مركزة بنضرها على الطريق من الشرجم هاربة من كهربة الجو لي كان بينها و بين ياسين لي تغير بلحضة لي شاف فيها ريم وسكينة الشي لي خلاها تلتزم الصمت في حضرة داك التشنج لي بادي على ملامحه ..

تسلل لمسامعه صوت انفاسه الغاضبة الشي لي خلاها تلفت له كتشوف فيه كيفاش كيكمي بولعة ، تردد للحظة من انها تدير شي حركة تخفف عليه ولكن مع ذالك تقدمت مادة يديها ليدو مطبطب عليها وهي كتنطق بهدوء..

خولة :" ما تديرش فبالك ، واخا يحاولو يآذيوك ربي غادي يكون من جهتك ".

ياسين تلف كيشوف شحال قبل ما يبتسم بمرار:" نتي ما فاهمة والو ، باقة صغيرة وما عارفاش شنو انا ".

هزت كتافها بحيرة:" يقدر نكون ما عارفاش ما فهماش ، ولكن انا كنحس ..وقلبي كيقول ليا بلي نتا انسان مزيان وربي غيوقف معاك وتأنا غنوقف معاك ".

شاف فيها بجمود قبل ما يفراني واقف بطونبيل ملفت لعندها وهو ناطق بسخط شادها من يديها كارز عليها ..

ياسين :" احساسك غلط كلشي فيك ديلمو غلاظ ، نتي مكتعرفنيششش ، ما عرفاش لو تلقيتك فواحد الوقت شنو كنت غندير فيك ، غناكل قلبك ونسلخ جلدك على لحمك ، كتفهمييي ."

نهى كلامو بصراخ فوجهها وهو كارز على معصمها كأنه راغب بكسره، زفر النفس باضطراب وهو كيشوف فيها كيفاش كتذرف الدموع والالم مستوطن ملامحها ، كانت كترجف بشدة كأنها طير جريح ..

ولكن هدشي ما منعاهش تعبر على رأيها ، حركت راسها برفض ناطقة ببكاء:" يقدر ، ولكن حنا متلقيناش فداك الوقت ، وانا دابا معاك مضرتينش ومأذيتنيش وهدشي كافي يخليك انسان مزيان فعيني  ، انا راه عمري نكرهك، وتنتا بلاما تكره راسك ".

غوبش فيها بسخط قبل ما ينطق بغضب :" غير كتخوري ، تخايلي كون كانت عندك عائلة وانا جيت قتـ لتهم ليك ، وحملت مني وقتـ لت ليك ولادك فكرشك ، وشديتك غتصـ بتك تا دمك سال من كاع الجوايه وخسرت لك وجههك وفوق هدشي رجعتي حملتي مني ، مغاديش  تكرهيني ؟."

بلعت ريقها من كلامه وهي كتحاول تخايل دوك الاشياء لي نطق بهم ، حركت عينيها بتوتر قبل ما متحرك راسها برفض ناطقة بنبرة مهزوزة..