فلتنحني لقلبي تذللا [ تتمة ]

‎‏‎‏‎‏‎ ‏‎‏‎‏‎‏‎‏‎‏‎‏𝑷𝑨𝑹𝑻★256

❥ ／فَلْتَــــنْــــحَـــنِي لِقَــلْـــبِــي تَــــذَلُلاَ／❥. 

الـــفــصــل الـثالـث و الاخــير : ^ أنـتِ بـدايـة روحـي ، و أنـتَ الـخـتـام ^.

بقلم ✎𝐖𝐢𝐣𝐨𝐮

<< أبـَليتَـني بِـالعِـشـق ثُـم تَـركتَـني و اَذقْـتَـني حُـلـوَ الـهَـوىٰ فَـقتَلتـني وهَـبْتـني قَـلبـاً يَـفِيـضُ تَـعاطُـفاً  ، يَـا خَـائِـنـاً بِـالـحُـبِ كَـيـف كَـسرْتَـني بِـرحيلِـك ، فَـهل مّـن عَـودةٍ ؟ فَـالـرُوح عَـلى مَـشـارِف اِخْـتتَامِـك >>

رخى ملامحه وهو كيتقدم تحت انظار الجميع لجهة الجوندارم لي كان كيتقدمهم سرجان شاف ديالهم ولي كان نفسه لي وقف معاه عند اختفاء هدى اول نهار ..

آدم حرك راسو باحترام ناطق ببرود :" كاين ما نقديو هنا ؟!".

السرجان حرك له راسه بنفس الطريقة قبل ما ينطق :" ولد الصديقي ، سمح لينا نوضناك من النعاسس".

آدم :" نتمنى تكون شي حاجة كبيرة ، حيث راك خرجتني من وسط ولادي ".

السرجان  بتسم له قبل ما يجرو ناحية ديك البنت :" غير نتأكدو ونهدرو شوية ونخليوك ترجع بين ولادك ".

زادو بجوج لعند ديك البنت لي كانت مشتبتة بااحد من رجال الدرك والخوف بادي عليها ، الشاف ديالهم شير لها تقرب لعندو وهو كينطق موجهة هدرتو لادم ..

السرجان :" هاد البنت ، كانت وحدة من وليدات لي تبعو هدية عرسكم ، وهي راجعة تعرض ليها شي حد وحاول يتعدى عليها ، ولكن شي واحد اخر عتقها منه ورجعها  لدارهم ..وحنا كنحاولو نعرفوه شكون عليها كندور على كاع ديور باش نلقاوه ."

آدم همهم بتفهم قبل ما ينطق باستغراب :" ماشي خاصكم تقلبو على قلتي حاول يتعدا عليها بلاصة ما تقلبو على لي عتقها ؟ ".

السرجان  تلفت ليه كيشوف فيه شحال قبل ما ينطق بشك  :" شكون قال ليك مقلبناش عليه ".

آدم :" باين ، كون لقيتوه ، لاش غادي تقلبو على شخص دار غير الخير ..".

السرجان جر البنت موقفة حداه قبل ينطق بهدوء:" كنقلبو عليه لانه هو الخيط وحيد لي بقا نفهمو منه ما وقع ، اما معتدي تلقى هاد الصباح مقتو ل".

آدم حرك راسو بتفهم :" مزيان  ، دابا شنو مطلوب مني ..محتاجين شي مساعدة ".

السرجان :" طلب من كاع رجال عائلتك يوقفو معاك باش تقدر بنيتة تشوف واش تعرف شي حد منكم ".

آدم بتسم ليه وهو ملفت كيشير لياسين ومجد وعبيد يلتاحقو بيه وهو كينطق ببرود:" يكما شاك بلي علامن كتقلب عندي هنا ".

نهى كلامو ملفت ليه مخلي سرجان مبتسم بهدوء وهو كيرد على كلامو :" نتا قول ليا ، خاصني نشك فيكم ".