فلتنحني لقلبي تذللا [ تتمة ]

‎‏‎‏‎‏‎‏‎‏‎‏‎‏‎ ‏‎‏‎‏‎‏‎‏‎‏‎‏𝑷𝑨𝑹𝑻★275

❥ ／فَلْتَــــنْــــحَـــنِي لِقَــلْـــبِــي تَــــذَلُلاَ／❥. 

الـــفــصــل الـثالـث و الاخــير : ^ أنـتِ بـدايـة روحـي ، و أنـتَ الـخـتـام ^.

بقلم ✎𝐖𝐢𝐣𝐨𝐮
‏
<< أبـَليتَـني بِـالعِـشـق ثُـم تَـركتَـني و اَذقْـتَـني حُـلـوَ الـهَـوىٰ فَـقتَلتـني وهَـبْتـني قَـلبـاً يَـفِيـضُ تَـعاطُـفاً  ، يَـا خَـائِـنـاً بِـالـحُـبِ كَـيـف كَـسرْتَـني بِـرحيلِـك ، فَـهل مّـن عَـودةٍ ؟ فَـالـرُوح عَـلى مَـشـارِف اِخْـتتَامِـك >>

هزت راسها فيه بخوف وهي كتحاول تفك يدها من قبضتها ناطقة برجو ..

فيروز:" عفاك اجلال خليني نمشي نشوفها ".

شاف فيها حال قبل ما يرخى يدو عليها ناطق ببرود:" ما تعطليش غنتسناك التحت ".

قال كلامو وخرج  مخليها كتشوف فيه قبل تخرج غادة لبيت سلمى كتحاول تدخل ولكن كتلقاه مسورت ، بدات كتدق وهي كتنادي عليها من ورا الباب ..

فيروز:" سلمى ، هذي غير انا ..حلي نهدر معاك عفاك ..شوفي متخافيش راه جلال يمكن ما سمع والو ".

بعدت على الباب ملي سمعت ساروت كيدور مبين انها كتحل لها ، تنهدت بحزن ملي بانت مورا الباب ودموع لي على خدودها ما عرفت ما تدير من غير انها تعنقها داخلة هي وياه كتحاول تهدنها ..

جلال كان هابط بالدروج تا كيتلقى مع حسان طالع وهو كيصفر شافو فبعضياتهم تا نطق حسان ..:" صافي غادي تمشي ، كون سعفتيني كعما تدي معاك فيروز ونتا غادي توصل داكشي الا طرات شي حاجة".

جلال شاف فيه ببرود قبل ما يتخطاه هابط وهو كينطق برود :" يطرا لي يطرا مغاديش يكون بحال لي طاري لك نتا الكانبو ".

حسان وقف عاقد حواجبو كيشوف فيه بعدم فهم ناطق باستغراب :" تا اش درت ثاني ".

ما لقاش جواب من عند جلال لي زاد خارج من تما بدون ما يعيرو انتباه مخليه غير كيشوف واسئلة بزاف فراسو الشي لي خلاه يتبعو محاول يفهم منه اش قصد بكلامه ..

عند فيروز ..كانت كتشوف فسلمى كيفاش كتبكي وتنخسس بحرقة بعد ما عودت لها شنو سببها وشنو لي وصلها لهدشي ، حطت يديها على كتفها كتطبطب عليها ..

فيروز:" براكا عليك من البكا ، انا متأكدة ان حسان غادي يتقبلك كيف نتي هو راه كيموت عليك عاد ممحتاجش الولاد راه عندو محمد ، تقدرو تديروه ولدكم وتربيو ، ما كاين لاش تديري هاكا ".

سلمى حركت راسها :" تا واحد ما غاديش يتقبل هدشيي ،مشفتيش شوفات راجلك ..غيقول ليا خبيتي عليا وخوه غيوصل له كلشي وغنبان انا لي خايبة كنت خايفة من هدشي وهاهو لي وقع ."

فيروز تنهدت بضيق :" هنتي الا على جلال انا غنهدر معاه غنطلبو ما يقول والو ونتي حاول تصارحيه ، علميه نتي وانا متأكدة غادي يتقبل ".