فلتنحني لقلبي تذللا [ تتمة ]

‎‏‎‏‎‏‎‏‎‏‎‏‎‏‎ ‏‎‏‎‏‎‏‎‏‎‏‎‏𝑷𝑨𝑹𝑻★277

❥ ／فَلْتَــــنْــــحَـــنِي لِقَــلْـــبِــي تَــــذَلُلاَ／❥. 

الـــفــصــل الـثالـث و الاخــير : ^ أنـتِ بـدايـة روحـي ، و أنـتَ الـخـتـام ^.

بقلم ✎𝐖𝐢𝐣𝐨𝐮
‏
<< أبـَليتَـني بِـالعِـشـق ثُـم تَـركتَـني و اَذقْـتَـني حُـلـوَ الـهَـوىٰ فَـقتَلتـني وهَـبْتـني قَـلبـاً يَـفِيـضُ تَـعاطُـفاً  ، يَـا خَـائِـنـاً بِـالـحُـبِ كَـيـف كَـسرْتَـني بِـرحيلِـك ، فَـهل مّـن عَـودةٍ ؟ فَـالـرُوح عَـلى مَـشـارِف اِخْـتتَامِـك >>

فيروز عضت على شفايفها بخوف قبل ما تحرك راسها برفض  كانت محرجة تقول ليه علاش رافضة تنوض وهدشي لي زاد الطين بلة ، جلال قرب لعندها جارها من من ذراعها موقفها قسرا ..

فيروز غير وقفت وهي تنتر منه هاربة جهة حافة اليخت رافضة تخليه يشوفها مفزكة حوايجها واندفاعها مخلاهش تركز فين غادة براسها ، شهقت بعنف واختلو خطواتها ملي وصلت للحافة وشافت البحر تحتها وخطوتين وغادي تطيح فيه ..

بدات كتحرك يديها فالهوا باش ترجع ذاتها للخلف ، التقطت انفاسها محاول تبعد من تما تا كتلقى جلال موراها غير تلفتت له وشافت نضراته الغاضبة وهي تستلم ناطقة بخضوع ..

فيروز:" سمح ليا عفاك راه غير ".

سكتت مخرجة عينيها ملي جلال زاد بخطاويه جهتها دافعها بجسده وهو كينطق ببرود..

جلال:" علاش وقفتي، كملي".

بلعت ريقها كتحاول تجمع الكلام ظنا انه طلب منها تكمل كلامها ، شدت فيه بيديها ملي بدات كتحس براسها قربت للحافة ناطقة بترجي  ..

فيروز:" جلال عفاك ، راه غير مكنتش باغا تشوفني فزكت حوايجي وانا ناعسة معرفتش نو وقع ليا مع البرد ما حسيتش ،، جلال غنطيحح وانا مكنعرفش نعوم وكنخاف منو عفاك ".

نهات كلامها بصراخ وهي كتشبت فيه كثر ملي حست راسها بقات واقفة غير على صباع رجليها وخطوة اخرى وغادي ترمى في البحر ..

شاف فيها ببرود قبل ما ينطق:" كملي طريقك لفين كنتي هاربة مني".

مد يدو لعنقها قابض عليه بقبضته بدون ما يزير عليها ، مقرب بوجهه لعندها متأمل خدودها محمرة بفعل تصرفيق لي صرفقت راسها قبل ما ينطق بتهديد..

جلال:" في كل مرة غادي تهربي مني  غادي تلقاي موراك غير البحر والحوت لي ياكل جلدك ، ولا شديتك غنلوحك بيدي فيه ".

بمجرد ما قال كلامو جرها لعندو خابطها فيه كيبوس فيها بجهالة قاضمة شفايفها بسنانه متوغل بلسانه فجوفها مخليها ترخى قبضتها من عليه حاسة بامان ان كلشي انتهى

في حين هو غير يحس بها تاقت فيه وهو يبتسم جنب ضد شفايفها قبل ما يدفعها من عليه بعنف مخليها تطبح بجسدها في البحر .. مطبق ما خرج من فمه لايحها بيدها ..