The Initiation

Chapter 11 - Dave and DJ Who?

Chapter 11

-Dave and DJ Who?-

***MIKO'S POV***

Napatigil ako sa paglalakad dahil pinagmamasdan ko sina Debbie saka yung lalaking kasama niya.

Siya kaya yung Dave? Matangkad yung lalaki at mukha ding maangas tulad ni Kurt. Para ngang ka-edad ni Kurt eh.....

Wait, hindi kaya yun yung Kuya ni Debbie?

"Oo, siya yun."

Narinig kong may lalaking nagsalita doon sa malapit. Napatingin tuloy ako.

Si Sean.

May kausap na babae.

Sandali, kilala ko yung babaeng yun ah. Ano ngang pangalan nun? S...Sk...Ska...Skye! Oo, Skye nga.

Nakita kong tinuro ni Sean si Debbie kay Skye. Oo nga pala, hinahanap niya nga pala si Debbie. Siguro may pinapagawa lang yung NSTP prof namin kay Debbie kaya niya hinahanap.

Pansin ko lang ah, ganun din ang facial expression ni Skye kay Sean. Hindi din nangiti. Laki siguro ng problema ng babaeng yun sa buhay.

Sinundan ko naman ng tingin si Skye na tumatakbo papunta kay Debbie pagkatapos siyang ituro ni Sean. Kinalabit niya si Debbie at kinausap. Nagulat ako nang ngumiti si Skye. Bakit gano'n?! Napakamisteryosong babae. Hay.

"Uy, pards. Kanina pa kita hinihintay dito sa RH Lobby eh. Alam mo namang wala akong load para itext ka eh." Bati sa akin ni Sean.

"Hinahanap nga kita eh. Medyo kakatapos ko lang kasi makipag-usap kay Kurt."

"Ah. Oh? Ano? Binugbog ka na ba? Haha. Patingin nga ng mukha mo, pards." Sabay-hawak niya sa baba ko para kilatisin yung gwapong mukha ko kung may galos o pasa.

"Potek! Bitawan mo nga mukha ko! Nakakadiri ka. Talagang dito mo pa sa lobby ginagawa 'yan ah." Sabay-hawi ko naman sa kamay niya.

"Ito naman! Nilalambing ka lang eh! Haha. Ano nga pala yung importanteng chuchu na sinasabi mo dyan?" Tanong niya.

"Anong chuchu? Bading talaga 'to! Hay nako. Anyway, sino yung lalaking kasama ni Debbie?" Panimula ko.

"Ah ayun? Brod namin sa PsiChi. Si DJ." Sabi niya habang pareho kaming nakatingin sa kanila ni Debbie.

Kausap pa rin kasi ni Skye si Debbie, samantalang yung DJ naman, naghihintay lang dun sa likod ni Debbie.

"Kaano-ano ni Debbie yun?" Tanong ko.

"Karibal mo." Simpleng sagot ni Sean sa akin.

Napatigil ako at tumingin sa kanya.

"Ha?! Anong karibal?" Gulat na tanong ko.

"Tanga, eh 'di ang mga hahadlang sa plano mo! Haha." Inasar pa 'ko.

Natahimik na ako nang tuluyan. Patuloy kong kinulit si Sean pero yun lang sinabi niya. Yung DJ daw na yun ang magiging hadlang sa mga plano ko. Eh bakit?! Sino ba siya?! Sino ba talaga yung Dave at DJ na yun sa buhay ni Debbie?!

Umuwi na ako. Lumakas na kasi yung ulan eh. Buti nalang may sasakyan talaga ako. Nakisabay pa nga si Sean sa akin pauwi. Pinilit ko pa rin siyang sabihin pero ayaw niya talaga.

Paanong hadlang ba ang tinutukoy niya?

---

"Sten, may kilala kang Dave at DJ?"