The Initiation

Chapter 32 - Leave Him Alone

Chapter 32

-Leave Him Alone-

***MIKO'S POV***

Hinanap ko kahapon si Kurt, pero hindi ko siya nahagilap kahit saang sulok ng school. Miski sina Zeke ay hindi alam kung nasaan nagsususuot yun si Kurt.

"Oh, dali, sukat mo na, baby!" Sabi ni Mommy. Sabado na kasi ngayon at nandito na yung suit na pinagawa nila para sa akin.

"Mom, naisukat ko na 'yan bago pa ipadala dito."

"Ah, ganun ba? E 'di itago mo nalang muna para bukas. Ingatan mo 'yan ah! Ilang libo rin ang ginastos ko dyan!" Bilin niya, bago lumabas ng kwarto ko.

"Tss. Para namang ginusto ko pang magpatahi." Bulong ko, pagkaalis ni Mommy.

Maya-maya, pumunta ako dun sa garden at doon ako gumawa ng powerpoint presentation ko. May report kasi ako sa Tuesday, at alam kong hindi ko ito magagawa bukas dahil aattend nga ako nung Psi Chi Phi Grand Ball.

"Bakit nandyan ka?" Biglang may nagtanong sa akin galing dun sa sliding door ng sala namin.

Si Sean pala.

"Gumagawa ng report. Mas magandang gumawa dito. Ayoko namang magkulong nalang sa kwarto maghapon 'no."

"Ahhh. Boring sa bahay eh, dito muna ako ha?" Sagot niya nang maupo na siya dun sa harap ko.

Bigla namang pumasok sa isip ko yung sinabi sa akin ni DJ kahapon.

"Kung si Sean, kaya mong utuin, ako hindi."

"Uhmmm...Sean."

"Oh?"

"Sinabi mo ba kay DJ yung initiation task ko? Umamin na ako sa'yo na yung virginity ni Debbie ang habol ko, 'di ba?"

"Bakit ba laging ako ang pinagbibintangan mo? Last time, 'yan din tanong mo sa'kin." Sagot niya.

"Eh kasi sinabi ko na sa'yo yung totoo. Malay mo, sa sobrang galit mo pala, sinabi mo kay DJ para maprotektahan si Debbie."

"Pards, ayoko din ng gulo 'no. Saka sinabi mo sa'kin, 'di ba? Na wala ka nang balak ituloy yun, at wala ka rin balak ipaalam pa kay Debbie?"

Tumango naman ako.

"Pero, pards, pa'no nalaman ni DJ?" Tanong ko.

"Alam mo, nung una, napaisip din ako dyan eh. Nagulat rin ako nung marinig ko silang nag-uusap ni Carlo tungkol dyan--"

"ALAM NI CARLO?!" Halos umalingawngaw sa buong bahay yung boses ko.

"Oo, pards. Silang dalawa ni DJ. Narinig ko sila. Pero alam mo, alam ni DJ na hindi mo itutuloy 'yan. Kumpiyansa siya. Naniniwala siya sa'yo. Hindi ka niya ganun kakilala, pero yun daw ang nararamdaman niya. Pero si Carlo, walang tiwala yun sa'yo. Alam mo kung bakit? Kasi alam niyang makukuha mo si Debbie sa kanya. May gusto yun kay Debbie, Miko." Kwento niya.

"Kung ganun, bakit lagi silang magkasama ni Kirsten?" Tanong ko.

"Ewan. Diversion? O baka naman pareho niyang gusto yung magpinsan? Di ko rin alam eh."

Tinapos ko nalang yung powerpoint presentation ko habang nilalaro ni Sean yung iPad ko.

---

"Mikooooo! Ano na?! Aren't you finished yet?!" Sigaw ni Mom dun sa labas ng kwarto ko.