My Name Is Sofie (Completed)

C9 #Panaginip

Tumigil ang sasakyan ni Francis sa garahe ng bahay nila. Naunang lumabas si Sofie mula dito na bitbit-bitbit sa magkabilang kamay ang mga pinamili nila. Sumunod din ang binata na may bitbit-bitbit din sa magkabilang kamay nito.

Dumiretso sila sa sala at inilapag sa sofa ang mga bitbit nila at sabay pa silang napaupo at isinandal ang katawan sa sofa.

"Haayy... Nakakapagod.... Pero salamat ha Francis. "

"No problem... Consider it as a gift from God. "

"Hmmm"

Tango ng dalaga.

"Rest ka muna, I'll call you after thirty minutes. May gagawin tayo"

Pagkasabi nito ni Francis ay umakyat na ito papuntang kwarto niya at sumunod na din ang dalaga.

*****

Inalis ni Sofie ang kanyang sapatos at saka nahiga ito sa kanyang kama.. Hawak-hawak ang kanyang paa at minamasahe ito ng marahan. Mukhang ngayon nga lang siya napagod ng ganon. Kasi noon kahit lakad siya ng lakad sa kalye ay parang wala lang sa kanya.

At di niya namalayang nakatulog na pala ito.

*****

"I can't!! I can't!!! "

Pagmamatigas nito.

"You leave me no choice baby! I love you but I need to do this.!"

Anang matandang babae sa tabi niya. At itinulak ang dalaga sa labas ng pinto ng umaandar na sasakyan, nang hindi inaasahang nahagip ng pintuan ng sasakyan ang ulo ng dalaga.

"Soofffiiie!!!!!! "

***

Napabalingkwas si Sofie sa pagkakahiga nito. Naliligo na ito sa pawis at malalakas ang bawat paghinga nito.

Nang hindi niya namalayang tumulo sa mga mata niya ang mga luhang kanina lang ay nagbabantang bumuhos.

Mabilis itong bumaba sa kama niya at tumakbo palabas ng kwarto niya. Papunta siya sa tapat ng pintuan ng kwarto ng binata.

Kumatok ito. Mga katok na halos magiba na ang pinto sa lakas. Nakarinig siya ng yabag mula sa loob na papalapit sa pintuan. Bumukas ito at iniluwa nito ang binatang kinukoskos pa ang mga mata niya. Mukhang kagigising lamang ito.

"Francis... "

At bigla nalang itong yumakap sa binata at humagulgol.

Habang puzzled at nag-aalala naman ang binata dahil sa postora ng dalaga. Hinawakan niya ang magkabilang braso nito at saka marahang itinulak, pero sobrang higpit ng pagkakayakap ng dalaga. Kaya wala na siyang nagawa kundi yakapin nalang din ito at marahang hinahaplos ang likod niya. Na para bang nagsasabing nandoon lang siya.

"Ssshh.. What happened?... "

Maalumanay na tanong nito sa kanya. At bahagya niya itong hilahin paatras sa kwarto niya at uupo sana sila sa couch doon pero biglang magsalita ang dalaga.

"Please, let's stay like this... Please.. Francis"

"Okay,. ." Anito kahit nagulat siya sa biglaang pagpapakita ni Sofie ng emotion niya. Ibang-iba sa sofie na nakilala niya kailan lang. Habang patuloy parin sa paghagulgol ang dalaga.