Nakaupo si Francis at Sofie sa sofa sa bahay na ibinigay noon ng binata sa kanya. Nakasandal ang mga likod nila sa sofa at nakatingala ang kanilang mga ulo sa kisame. Dalawang araw na ang nakararaan noong nalaman ni Francis na nakakaalala na siya.
Kanina pa sila doon na nagkwekwentuhan at nagbabalik tanaw sa una nilang pagtatagpo.
"Sofie.. I like you. "
Biglang sabi ni Francis noong matapos sila sa kanilang kwentuhan.
Napamulagat naman si Sofie at tumingin sa kanya.
"Kahit noong nasa poder pa kita, noong wala ka pang iniisip kundi ang mga pagkain.. "
Bigla naman siyang hinampas ng unan ni Sofie. Nahiya kasi siya sa sinabi nito. Napatawa bahagya si Francis.
"..noong hindi pa nakamagnitude ten ang kadaldalan mo. Noong laging sunog ang piniprito mo.. "
Namula naman si Sofie kasi napapahiya talaga siya.. Pero hindi din maikakaila ang saya sa puso niya.
"Noong 'mama prantis' palang ang tawag mo sa akin.. Noong hindi ka pa marunong tumayo para sa sarili mo.. "
"Francis.. "
Yon lang naman ang nasabi ng dalaga.
"At kahit hanggang sa tawagin mo akong 'Mr. Hunk', kahit sobrang straight to the point ka magsalita, at kahit naging si Kassandra o Kassi ka pa.. "
Grabe, sasabog na ata ang puso ni Sofie sa sobrang saya ng naidudulot ng sinasabi ni Francis.
"Ikaw parin ang 'Sofie' na proprotektahan, aalagaan at mamamahalin ko. "
Ani ng binata at tumingin sa kanya na kanina pa nakatitig sa binata.
"Pwede ba kitang ligawan? "
Bigla tuloy napaayos ng upo si Sofie. They both know na mayroon silang mutual feeling pero imbes na sabihin ng binata na 'can you be my girlfriend' ay yon pa ang sinabi nito. Hindi naman siya nadissappoint doon dahil nakita niya
ang pagiging totoo ng binata sa nararamdaman nito sa kanya at pagkakaroon ng respeto nito sa kanya.
Umaayos din ng upo si Francis.
"Pero kong hindi ka pa handa, maghihintay ako. "
Napatingin si Sofie sa binata na nakangiti na sa kanya.
"Francis... "
Yon lang naman ang nasabi nito.
****
"S-sir? Bakit po? Pinapatawag niyo daw po ako sabi nong guard. "
Maang tanong ni Abby kay Seb na nakasandal sa sasakyan nito. Nasa harap sila ng God's Love Foundation.
Ngumiti naman ang binata at binuksan ang pintuan ng sasakyan niya.
"Get in. "
Mahina ngunit seryosong wika ni Seb.
"P-po? May trabaho po ako sir. Aalis po ba tayo? --"
"Please, sumama ka nalang. "
Buong pagsusumamong wika ni Seb. Hindi naman makatanggi si Abby. Kasi ngayon lang naman ito nakiusap ng maayos sa kanya.
Dali siyang pumasok sa sasakyan ng binata. Sumakay nadin si Seb at naglakbay na sila.
Dinala naman siya ni Seb sa burol kung saan siya nito dinala noong magkaaway si Seb at si Francis.
Naglakad nang nauna si Abby at umupo sa damuhan. Tanaw nila ang malawak na palayan at mangilan-ngilang bahay sa baba.
"Thanks for coming with me. "
BINABASA MO ANG
My Name Is Sofie (Completed)
SpiritualPaano ba masasabing true love mo na ang isang tao? Dahil gusto mo siya at nasa kanya na lahat ng katangian na gusto mo kaya nasabi mong 'siya na ang true love ko'. ? Kaya minsan inuunahan na natin ang Diyos na pumuli o ibigay ang para sa atin.?
