معا حتى النهاية (المراهقة الفاتنة 3)

البارت 5

بقاو كايشوفو فبعضياتهم وأمير باقي حاط يديه وصبعو كايتحسس حنكها وعينيه على شفايفها، بدا تايقرب منها بشويا وهي ماتاتحركش تا حط شفايفو على ديالها وحسات بيهم عاد وعات على راسها وقبل ماتبعد منو جات ضربة لباب اللوطو قفزاتهم بجوج ودارو كايشوفو من الزاجة وعينيهم خارجين، كان أمين واقف عليهم وعينيه كحلين ظلام، ليليان برد ليها الما فالركابي وقلبها حساتو سكت فديك اللحظة وماعرفات شنو دير وأمير ماعرفوش شكون ولاخور تايغوت ويضرب فالباب باش يحلو ..
أمير : شكون هاد المريض 😡
حل الباب وقبل مايخرج تفاجأ بقبضة شنقات عليه وخرجاتو بجهد لاحتو فالأرض، وجسم طاح فوقو وبدا تايكيل ليه فاللكمات، كلشي داز فلمح البصر ماخلاش ليه الوقت فين يستوعب اش كاين طاح عليه مرة وحدة وأمير تايحاول يدافع على راسو بلا فائدة حيط ونزل عليه، الجوقة بدات تجمع خاصة الناس لي خرجو من الجامع وليليان ماعرفات باش تبلات، دموعها شلال وكولها تاترعد، نزلات بشويا ماقاداش توقف على رجليها، دارت على اللوطو وقربات منهم والرجال دخلو وسطهم تايفرقو فيهم وأمين جاهل مابقاش تايشوف قدامو من غير منظر هادا لي فيديه كايتباوس مع بنت عمو وحبيبة قلبو، بزز باش فكوهم وهزوه من فوقو وهو تايتجبد بغا ينزل يكمل عليه ثاني نسا راسو وخدمتو وكلشي مافكر فتاحاجة، بعدوه عليه وركنوه جنب الجامع تايهدنو فيه وأمير عاونوه تاناض بزز والدم معمر ليه وجهو وحالتو وتايعرج وراسو تايضور ماشادش التوازن ديالو، قربات منو ليليان تاتقلب فيه وهي تاتبكي ..
ليليان : أمير هئعئ نتا لاباس 😢
ماقدرش يجاوبها واكتفى يطمنها بتربيتة من يديه دازت قدام عينين أمين اللي جهل ثاني وانتافض واقف متاجه ليهم والرجال شادينو وواحد الولد تدخل وسند أمير ..
الولد : خويا تقدر تصوگ ولا نوصلك لداركم؟ خاصك تخوي القنت دابا لايصدق قاتلك
أمير (جبد تيليفونو) : غانتاصل بالبوليس
ليليان غير سمعات البوليس وتسقط فيها اللون وعرفات هادي اللخرة ليها وغاتجرجر معاهم فالكوميساريات وتكمل البهية ..
ليليان : لا لا البوليس لا ا أمير عافاك 😢 هاداك راه ولد عمي وفاش شافنا بجوج تعصب، عافاك البوليس لا
بدات تبكي عليه الشي لي ماستحملوش هو وطمنها بلي ماغايتاصلش بيهم وطلب من الولد لاخور يعاونو تا يركب فاللوطو ديالو وداكشي لي كان ركب وسد عليه الباب وحط راسو على الفولون تايشد فراسو مزيان وليليان حاضياه تارتاح شويا وديمارا فحالو عاد الرجال طلقو أمين وواحد منهم خوا القنت وفرتك الجوقة وزادو فحالهم خلاوه غير هو وياها، عرفات القضية حماضت وخافت على راسها وقررات تهرب بجلدها واخا مأكدة واخا طير للسما غايشدها المهم عندها ماتزيدش تشوه فالزنقة وهادشي علاش دورات عينيها فجنابها وطلقات رجليها للريح وهو تابعها من اللور تايسب، وصلات للدار ودفعات الباب داخلة تاتجري وقبل ماتوصل لبيت النعاس كان لحق عليها وشدها من طاگيتها وشعرها مخشي فيها زيرو فيديه وجرها عندو بجهد تاغوتات ..
أمين : اجي لمك الكلبة، يحسااااابك غاتهربي هااااا
ليليان (كاتعلق فيه باش يرخف شعرها) : هئهئ ااااااه طلق طلق مني 😢 طلااااق
أمين : والله يامك لاطلقتك هاد النهار صاااافي خرجتي ليها نيييشاااان هااااا وليتي تخرجي لعند الز***** يديرو فيك لي بااااو دويي الموووسخة
ليليان : بزاااااف عليييك ماتوصلنيييش اااااه 😢 نتا هو الموسخ الشماتة طلق طلق وعطيني بتيسااااع ماشي شغلك ندير لي بيت 😢 نتا مالك اش مشا ليك
أمين : وعندك الوجه لي تجاوبي معايا من الفوووووق
هز يديه ونزل عليها وزادها الثانية والثالثة وهي تاتغوت وحاكمها من شعرها مزيان باش ماتنزلش للارض، إيمان كانت ناعسة تا تفزعات بالغوات وناضت طايرا تشوف اش كاين، خرجات من البيت وصدمها المنظر لي قدامها خوها شاد ليليان من راسها وكايضرب فيها ولوخرى تاتبكي وتغوت وهو تايعطيها ويسب من الصمطة للتحت مافهمات والو ولكن خلات عقلها تا لمن بعد ويحلل ودابا خاصها دخل تفك وداكشي لي دارت قربات منهم ومدات يديها جيهتهم ..
إيمان : خووياااا اش تاااادير طلق منهااااا اوييييلي طلق من البنت
أمين (دفعها) : سييييري ق*** نتي فحاااالك مادخليش فهادشي ونوبتك جايا غي تسناي علياااا وهاااد الق** اليوم نصفيها لجد مها الكلب
طيحها للأرض وهبط عليها وإيمان تاتجرو من تريكوه وهو تايدفع فيها تا جهلاتو وعطاها باللور ديال يديه دوخها، شدات حنكها بيديها مصدومة منو أول مرة يحط عليها يديه هنا عرفات بلي صعر والعقل باح طاار وماغاتقدر دير ليه والو من غير حاجة وحدة ويلا دركاتهم، دخلات للبيت وهزات فونها ودوزات الرقم وهي كاتفتف ..
إيمان : ألووو ماماااا عتقيي عافااك اهئهئهئ أمين صافي حماااق ا ماما وشاد ليليان دابا تايضرب فيها را غايقتلها اماما غايقتلها وأنا ماقدرتش نفكها من يديه 😢 اجي اماما دغيا را الروح اطييييح اهئهئهئ
قطعات مع ماماها وخرجات ثاني عندهم تاتحاول معاه تابانت ليها ليليان غيبات ..