معا حتى النهاية (المراهقة الفاتنة 3)

البارت 6

هبطات وجهها عندها وبدات تدوي معاها ..
دنيا : ليلي حبيبة ديالي كاتسمعيني ياك
ليليان : اننننن
دنيا : فففف ياربي واش غاندير فهاد الوحلة
إيمان : را دهنت ليها شي جروح بواحد البوماض عندي باش مايخليوش أثر ا ماما ولكن كانظن خاصها طبيب ضروري خفتها تكون مقصة بزاف من شي جهة ولا شي حاجة
دنيا : بنتي ليلي تعاونينا نديوك للطبيب تقدري ابنتي؟
ليليان : اننننن ل ا لا م مابيتش خ خلليوني عليكم (فتحات العين السليمة) خليوني 😢 هو تكرفس ع عليا اخالتي الهيماجي لاخور
إيمان : ششش سكتي الصگهة لايجي يكمل عليك ويخلطني تانا فففف اش بيني وبين شي فكان أنا گاع شوفي تانا شنو دار فيا وبقات ليا غير 3 أيام ونمشي لافاك يخخخخ
دنيا (حمرات فيها) : قطعي حسك نتي
إيمان ضربات الطم وبقات غير تاتشوف بعينيها ودنيا حاطة يديها على راس ليليان وتاتفكر شنو دير تا عيات وناضت خرجات من البيت مالقاتش أمين فين خلاتو ولكن من ريحة تكييفة عرفاتو فالبيت لاخور مشات دخلات عليه نيشان كان متكي ففراشو ويد ورا راسو ساهي فالسقف والدخان خارج ليه من نيفو وفمو ..
دنيا : كح كح كح ففف اش هاد الحالة داير فهاد البيت، واش مازال مابيتي تعطي التيساع لداك الويل هاا؟ بيتي تمرض راسك وتمرضنا تاحنا معاك
أمين (لا رد)
دنيا : را تاندوي معاك زعما ولا وليت نستاهل منك النخال
تگعد جلس ويديه نزلهم للأرض، طفا الگارو فالطفاية قدامو وحط يديه على ركابيه وهز عينيه فيها ..
أمين : الواليدا عافاك مافياش لي يدوي حق الرب
دنيا : وأنا جيت عندك باش ندويو، ودابا غاتشرح ليا شنو هادشي درتي وعلاش؟
أمين : درت ومانادمش وماكرهتش نعاود نوض نكمل لي بديت، شاد راسي بزز
دنيا : اهاااه بيتي تولي مجرم هاا؟ باغي تخرج على راسك وتفرتك لينا الشمل كاملين
حدر راسو ومشات هي جلسات حداه ودارت مقابلة معاه ..
دنيا : علاش؟
أمين (زفر بغضب) : تستاهل الواليدا، نتي ماشتيش الوضع لي لگيتها فيه
دنيا : فهمني
أمين (مسح على راسو) : لگيتها مع واحد ال (كان بغا يخسر الهضرا وتدارك نفسو وسكت شويا عاد كمل) الحمار فالطموبيل كاي فففف كملي من راسك
دنيا (بصدمة) : ويلي
أمين : هه تصدمتي؟ هادشي غير عاودت ليك أما كون شتيها نيت مانعرف اش يوقع ليك
دنيا : واش متأكد ا أمين!
أمين (بعصبية) : واش بنت ليك كانتفلى الواليدا ولا شنو؟ غير غانجي ونهز عليها يدي
سكتات شحال تاتشوفيه ..
دنيا : واخا هاكاك ماكانش عليك ضربها، باشمن حق تكرفس عليها هاكاك
أمين : واش عرفتي باش حسيت فاش شفتها هاكاك ولا لا؟ كنت خارج من الجامع مابيا ماعليا تاجات عيني عليهم وهي واخذة راحتها وعاجبها الحال ومادارت حساب لتا حد جالسة فالزنقة مع الفجر تاتمعشق .. حنا شمايت دابا هاا
دنيا : عندها ولي أمرها لي يحاسبها
أمين : ولي أمرها دايها فيها بعدا، داك الفشوش ديالو لي خرجو عليها ومابقات دايرا اعتبار لحد وأنا نيت ماتاتحتارمنيش وغير ندوي معاها طير فيا .. ففف ينعل دي*** هاد الگلب عندي ذليت راسي بلا قياس
دنيا :ماذليتيش راسك والو وهي باقا صغيرة
أمين : هادا هو العذر لي دايرين ليها، فينما تزبلها تگولو باقا صغيرة را گدها هي مي والدة خوتي بجوج 😡 اشمن باقا صغيرة وزايدون تعامت معاها على أساس ولد عمها وداكشي لي شفت ماعجبنييييش وفاش ماقتلتهاش تحمد الله وتشكرو
دنيا : عرفتي يلا ساق عمك الخبار
أمين : يسيييق 😡 وأنا نيت لي غانگولها ليه ونشوفو شكون لي غايحشم قدام لاخور أنا ولا هو
دنيا (بزعفة) : أميييييين
أمين (وقف) : شنوووو؟ گلت شي عيب الواليدا؟ ولا نتي عجبك شنو دارت وفعوض ماتمشي تحاسبيها هي وتنقي ليها وذنيها جايا عندي أنا تگولي ليا عمك ولا الويل .. ماسوقي فحد وماتانخاف من حد هي ألف ولي فجهدها ديرو ويلا بقيتي معايا هاكا غانسى كلشي ونمشي ليها نيشان ثاني واجي فكيها مني ديك الساع، عيييت صااابر، فينما نجي لهاد الحومة دزبل نسمع الهضرا عليها ونكذبها ونگول بنت عمي ماديرهاش ونضت تانخلي ضاربو الشعب فسبتها هي يحسابلي ظاليمينها ساعا كان عندهم الحق السيدا حبلها مطلوق ومانعرف فين تاتمشي كل ليلة وواش مع هاداك نيت ولا كاينين غيرو وغير تصادفت معاه هو بالضبط .. وختي نيت مانعرف اش تادير تاهي ومدرگين على بعضياتعم اععععععععع 😡 غانقتلهووووووووووووووم
شافتو صعر ثاني وبدا يغوت ويبرد غدايدو فالطبلة لي قدامو هزها ضربها مع الحيط، فضلات تصقل وتخليه يفش غليلو اللهم فالجماد ولا يمشي للبنات يهلكهم، تسناتو تا رصا ثاني ووقفات عليه ..
دنيا : هز حوايجك وسير للدوار تا نتبعك ويلا بقيتي بعيد على باك يكون حسن را خليتو تاهو نيابو خارجين عليك ولا عرفتي سير عند عمتك خديجة تسناني عندها تا نشوف اش ندير مع هادو ونعرف اش واقع فالقضية
أمين : مامحركش من هنا ورجلي على رجلهم، غايزيدو گدامي وتما غانتفاهمو كاملين وتا باها يعرف بنتو المصونة والشريفة العفيفة لي ثايق فيها اش تادير
دنيا : أمييين
أمين : لي عندي گلتوو 😡 ..