Possessive Nights (Completed)

CH.69 The End

~•The tragedy of life is not that it ends so soon, but that we wait so long to begin it.•~

-Anonymous

*THIRD PERSON POV*

Mahigpit ang pagkakahawak at hindi bumibitaw si Bryle sa kaliwang kamay ni Angela mula nang isakay ito sa ambulansya hanggang sa makarating sila sa ospital. Walang ibang bukam-bibig si Angela kundi ang iligtas ang bata.

Halos maging pula na ang damit ni Bryle pati narin ang kanyang mga braso dahil sa bahid ng dugo mula kay Angela pero hindi niya na ito pinansin pa dahil sa labis na pag-aalala niya kay Angela.

Takot.

Takot ang kanyang nararamdaman sa mga oras na 'to, takot na mawala sakanya ang taong mahal niya.

Doble-doble ang sakit na nararamdaman ngayon ni Angela, ang mga tama ng baril at ang napipintong paglabas ng kanyang anak ang sabay na nagpapahirap sakanya pero sa kabila ng lahat ng ito'y pinipilit niyang maging matatag at pilit na tinitiis ang sakit hanggang sa mailabas niya ang anak nila ni Bryle. Iyon lang ang gusto niya mangyari sa mga oras na ito. Matagal niya nang pinaghandaan ang lahat ng ito. Tanggap niya na ilang oras nalang ang itatagal niya pero bago 'yon ay gagampanan niya muna ang tungkulin niya, ang tungkulin ng lahat ng ina na magsilang ng isang supling. Ito lang ang tanging maiiwan niya bago siya tuluyang mamaalam.

"Sir. Hanggang dito nalang po kayo." sabi ng doktor kay Bryle pero hindi nito binibitawan ang kamay ni Angela, ni hindi niya pinansin ang doktor at mga nurse na sumalubong sa kanila kaya sila Brent at Xavier nalang ang pilit na naglayo sakanya mula rito.

"Ipaubaya na natin siya sa mga doctor, Bryle. Hindi nila pababayaan si Angela." mahinahon na sabi ni Xavier.

Linapitan ni Isabel si Angela at hinalikan ito sa noo. "Sabi mo sa'min kakayanin mo. Pinangako mo 'yan. Kayanin mo anak, hah. Nandito lang si nanay."

"Kailangan na po namin siyang tignan. Masyado nang maraming dugo ang nawala sakanya." sabi ng doktor.

Hinawakan ni Isabel ang braso ni Bryle, tinignan naman siya nito. "Sige na, anak. Magdasal nalang tayo na sana'y walang mangyaring masama sakanya at sa bata."

"Bitawan mo na siya, Bryle. Si Angela, matibay 'yan. Hindi siya basta-basta bumibigay." mangiyak-ngiyak na sabi ni Brent. Hinaplos nito ang likod ng kanyang kapatid upang patahanin ito samantalang si Xavier ay hinawakan ang kamay ni Bryle upang tanggalin ang pagkakapit nito kay Angela.

"Nandito lang ako, Angela. Hindi kita iiwan. Ipangako mo sa'kin na mabubuhay ka at hindi mo na 'ko iiwan ulit." hinalikan niya si Angela sa labi. "Marami pa tayong plano. Ngayon palang ulit tayo muling magkakasama kaya please, 'wag ka umalis, 'wag mo muna ako iwan. Hindi pa 'ko handa e." tumatangis na wika nito kay Angela bago niya ito tuluyang binitawan.

Hinabol pa siya ng kamay ni Angela habang dinadala siya ng mga nurse sa emergency room. "I.........I love you, Bryle." ito ang huling salita na binitiwan ni Angela kay Bryle.

Napaupo si Bryle sa sahig samantalang si Xavier ay napasandal sa pader na hindi narin nakayanan ang mga nangyayari kay Angela. Napasapo si Brent sa noo niya at pilit na itinago ang kanyang munting pagtangis.

Yinakap naman ni Alice si Isabel upang aluin ito. Pareho silang ina kung kayat alam niya ang dinadala nitong sakit sa mga oras na 'to.

Dumating narin sila Shan, Blaze, Wayne at Blood.