လမင်းတစ်စင်းရဲ့ ကောင်းကင်💓💓

Nevertheless

Pha-POV

Yoရဲ့စကားတွေမှာ သူ့ရဲ့ ခံစားချက်အမှန် တစိတ်တပိုင်းပါမယ်ထင်ပါတယ်.. အတိတ်က အမှားတစ်ခုဆိုတာ သူလက်ခံတဲ့အလျှောက် ကျွန်တော်နဲ့ ပတ်သတ်ခဲ့သမျှကိုပါ သူရှက်ရွံ့ နေတော့မှာပါ.. ခက်တာက သူ့ရှေ့မှာ ရှိတဲ့အခါ သူ့အပေါ် ပြုမူမိသမျှက ပြောင်းလဲလို့မရဘဲ အရင်တိုင်း ကျန်ရှိနေတဲ့ ကျွန်တော့် အချစ်စိတ်ပါတဲ့ အမူအကျင့်တွေကို ဖျောက်ဖျက်မရခဲ့တော့.. သူ့အတွက် စိတ်ရှုပ်စရာ ဖြစ်နိုင်မှာပဲလေ..

ကျွန်တော်သူ့ကို အပြည့်အဝနားလည်ပါတယ်.. စိတ်လဲ မဆိုးပါဘူး.. သူလက်ခံနိုင်မယ့် ဆက်ဆံရေးမျိုးကိုပဲ ဦးစားပေးဆက်ဆံဖို့ပဲ ကြိုးစားကြည့်ရမယ်..

သူ့Condoကိုစပြောင်းတော့ သူ့စိတ်တွေ ဆန်းကြယ်ပြီး အစိမ်းသက်သက်ဖြစ်စေမှာ စိုးရိမ်မိ ခဲ့တယ်... အိမ်မက်ဆိုးအကြောင်း Dr.Kit ကို ဆွေးနွေးကြည့်တော့ စိတ်နဲ့ဆိုင်တဲ့ ဆိုက်ကို တစ်မျိုးကြောင့် Yoရဲ့စိတ်အနေအထားက အတက်အကျ လွယ်တယ်.. အတိတ်က ဖြစ်ရပ်တွေက သူ့ဦးနှောက်ထဲ ဝင်ရောက် နှောက်ယှက်နေ တာကြောင့် မကြာခဏ စိတ်တို စိတ်ဆတ်လွယ်မယ်လို့လဲပြောထား ဖူးတာကြောင့် Yoစိတ်ကို ခန့်မှန်းဖို့ခက်စွာ သည်းခံဖို့ ကျွန်တော် ပြင်ဆင်ထား ပြီးသားပါ..

လောလောဆယ် အခြားနည်းလမ်း မရှိသေးသရွေ့ကျွန်တော်ကပဲ သူ့အိမ်မက်ဆိုးတွေဆီက ကာကွယ် စောင့်ရှောက်ပေးဖို့ တာဝန်ရှိပါတယ်..

အနားမှာ နှစ်နှစ်ခြိုက်ခြိုက် အိပ်ပျော်သွားတဲ့ သူ့ရဲ့ မျက်နှာလေးကို တစောင်းခိုးကြည့်နေမိ တယ်.. ကျွန်တော့်ဘေးက မလှမ်းမကမ်းမှာ ပက်လက်ကလေးအိပ်နေတဲ့Yoကို ငေးကြည့်နေမိတယ်.. အပြစ်ကင်းပြီး ဖြူစင်တဲ့ ကလေး တစ်ယောက်ကို ဒဏ်ရာတွေ အများကြီး ပေးခဲ့မိလို့ အခုလို ပင်ပန်းမှုဒဏ်တွေကို ခံစားနေရတဲ့Yoကို မြင်နေရရင်း ကိုယ့်ကိုကိုယ် အပြစ်တင်လို့ မဆုံးနိုင်...

တစ်ချက်လူးလွန့်လာတဲ့Yoကြောင့် ကျွန်တော် လန့်သွားတယ်.. ကျွန်တော်ခိုးကြည့်နေတာ မြင်သွားပြီး စိတ်ဆိုးမှာ စိုးတာနဲ့ အမြန် မျက်စိမှိတ်အိပ်ချင်ယောင်ဆောင်လိုက်မိတယ်..