Unicode
သုံးရက်ရှိပြီ။ သူ့မီးစိမ်းလေးကို စောင့်ကြည့်နေခဲ့တာ။ သူလည်း စာမလုပ်ဘဲ လိုင်းပေါ်မှာပဲနဲ့ တူပါတယ်။ ကျောင်းသင်္ကြန်ပြီးတော့ တစ်ရက်ကျောင်းသွားရသေးတယ်။ သူ့ကိုတော့မတွေ့ဘူး။ သူရော အဲ့နေ့က ဘယ်လိုကျန်ခဲ့လဲမသိဘူး။ Messenger မှာ စကားသွားပြောဖို့လည်း မရဲဘူး။ ဘာမှမပြောဘဲ ဒီတိုင်းထွက်ပြေးခဲ့တာ အားနာလိုက်တာ။ သူငယ်ချင်းတွေကို ပြောပြတော့ နင့်ကိုစိတ်ပျက်သွားလောက်တယ်တဲ့။ တကယ်ဆိုရင်တော့ ဒုက္ခပါပဲ။ ခေါင်းညိတ်ခေါင်းခါလေးတော့လုပ်ခဲ့ရမှာ။ ဘယ်သူ့ကိုမှမချစ်မိလောက်ဘူးလို့ ထင်ထားခဲ့တာ သူနဲ့တွေ့မှ သူကမကြိုက်တော့လည်းပူ သူကကြိုက်တယ်ဆိုတော့လည်းပူ။ အာ့ကြောင့် အချစ်က ပူတယ်လို့ပြောကြတာဖြစ်မယ်။
တစ်နေကုန်ဖုန်းကိုထိုင်ကြည့်နေတုန်းက ဘာစာမှရောက်မလာဘူး။ အခုညစာစားပြီး အခန်းထဲပြန်လာတော့မှ A new message တဲ့။ ကြည့်လိုက်တော့ သူ့ဆီက။ "သင်္ကြန်နေ့က စိတ်ဆိုးသွားတာလား" တဲ့။ အမေရေ ကယ်ပါ။ စိတ်ဆိုးတယ်ပြောလို့လည်းမဖြစ်ဘူး။ မဆိုးပါဘူးဆိုရင်လည်း ကြည်ဖြူတယ်ထင်သွားဦးမယ်။ ဘယ်လောက်ကြိုက်ကြိုက်နည်းနည်းတော့မူချင်သေးတာ။စကားတော့ကောင်းကောင်း ပြန်ပြောမှနဲ့တူပါတယ်။
"စိတ်တော့မဆိုးပါဘူး ရုတ်တရက်မို့ လန့်သွားလို့ပါ"
"လန့်သွားရင် sorry ပါ ဗြုန်းစားကြီးဆိုတော့ လန့်သွားမှာပေါ့"
"ဟုတ်"
အင်း... သူ့ဘက်ကတော့ စာရိုက်နေတယ်။ ပြောစရာလည်းမရှိတော့သလိုပဲကို။ နေရခက်လိုက်တာ။ အဖြေပြန်တောင်းနေရင် ဘယ်လိုလုပ်ရပါ့။
"စားပြီးပြီလား"
ဒါပဲမေးစရာရှိလားဟ။ ဘာပဲပြောပြော အဖြေတောင်းတာထက်တော့ တော်ပါသေးတယ်။
"ဟုတ်"
"စာမေးပွဲနီးပြီနော် စာတွေရပြီလား"
"ဟုတ်ကဲ့ အစ်ကိုရော?"
"မရသေးပါဘူး one subject one night ပဲ"
သွားဖြီးနေတဲ့emojiလေးနဲ့တောင် ပို့လိုက်သေး။
"အာ့မကောင်းဘူး"
VOCÊ ESTÁ LENDO
My Crush is in LOVE with ME!
Romanceကိုယ့်အတွက် အချစ်ဆိုတဲ့အရာကို အလင်းပြပေးခဲ့တဲ့ ဒီအမျိုးသားနှင့်အတူ သေတပန်သက်တဆုံး ရိုးမြေကျပေါင်းသင်းနိုင်ဖို့ ဆုတောင်းမိပါရဲ့။ စစ်မှန်သည့်မေတ္တာ၊ ဆိုမြဲသောသစ္စာတို့ဖြင့် ထုံမွှမ်းအပ်သော ဆုတောင်းတို့သည်ကား ပြည့်မြဲဟု ယုံကြည်ဆဲပါလေ...။ ကိုယ့္အတြက္ အခ...
