My Crush is in LOVE with ME!

Thingyan

Unicode

ညစာစားပြီး အခန်းထဲပြန်ရောက်တော့ missed call တစ်ခုဝင်ထားတယ်။ မသိတဲ့နံပါတ်စိမ်းမို့ ပြန်မခေါ်ဘဲ ထားလိုက်တော့ ထပ်ခေါ်လာတယ်။

"Hello"

"Hello မမအမရာလား ညီမကဲကဲပါ"

"ဪ ညီမလေး ပြော"

"သင်္ကြန်ကိုလေ ညီမလေး TMF မလို့"

"အင်း"

"အဲ့ဒါလေ ကိုလေးကမလိုက်ပေးဘူးဆိုလို့"

"အမ်"

"ညီမလေးသူငယ်ချင်းတွေလည်းရှိပေမယ့် ဘာပဲပြောပြောအုပ်ထိန်းသူအစ်ကိုတစ်ယောက်ပါတော့ ကောင်းတာပေါ့နော်"

"ဪ အင်း"

"အဲ့ဒါ ကိုလေးက မမအမရာစိတ်ဆိုးမှာစိုးလို့ မလိုက်ဘူးဆိုလို့ မေးကြည့်ပါဦးဆိုတာ နင့်ဘာသာမေးဆိုလို့"

"ဪ ညီမလေးအစ်ကိုအဲ့နားမှာရှိလား"

"ရှိတယ် ကိုလေး မမကကိုလေးနဲ့ပြောမယ်တဲ့"

"Hello"

"Hello အမရာ အဲ့ကောင်မလေးကဂြိုဟ်မွှေလွန်းတာ မေမေကသွားချင်ရင် အစ်ကိုတို့ကိုခေါ်သွားဆိုလို့ အပူလိုက်ကပ်နေတာ"

"အာ... အဲ့လိုလည်းဘယ်ဟုတ်ပါ့မလဲ ကလေးကသွားချင်တာကို လိုက်ပို့ပေးလိုက်ပါ"

"ရေး......."

အမယ်လေး။ နားတောင်အူသွားတယ်။

"အမရာ လေးရက်‌တောင်နော်"

"အင်း ရပါတယ် အစ်ကိုမဟုတ်တာမလုပ်ဘူးမဟုတ်လား"

"မလုပ်ပါဘူး အစ်ကို့ကို အဲ့ဒါတော့ယုံ"

"စိတ်မပူနဲ့မမ ကဲကဲတစ်ယောက်လုံးပါတယ် မဟုတ်တာလုပ်လို့ကတော့ နေရာမှာတင် နပန်းလုံးပစ်မှာ"

"ဒီမှာစကားပြောနေတယ်လေ နင်ငြိမ်ငြိမ်နေစမ်း"

ဒီမောင်နှမနှစ်ယောက်နဲ့ ရယ်နေရတယ်။

"Hello အမရာ ကြားရလား"

"ဟုတ် ကြားရပါတယ် အဲ့ဒါဆိုယုံလိုက်မယ်နော် အရက်တွေဘီယာတွေမသောက်နဲ့ဦး ချမ်းတယ်ဆိုရင်တောင် မူးတဲ့ထိမသောက်နဲ့ပေါ့ အပူလည်းမလျှပ်စေနဲ့ဦး"