آلَعٌشُقُ وٌرطِةّ

اقتباس

في منزل نازلي الفخم كانت ترتدي ارقي فستان لديها و كانت تضع بعض مستحضرات التجميل حتي تجعلها اصغر و ترتدي حذاء ذو كعب عالي مع شعرها المصفف بعناية و كانت تتفقد طاولة الطعام و تطمئن ان كل شئ علي ما يرام لأن اليوم بالنسبة لها هو اهم
يوم في حياتها

بعد قليل وصل علي و في يده منه التي تتأبط زراعه و ترتدي فستان جميل و انيق جدا .... دخلت منه مع علي

منه بإبتسامه صفراء : مبروك يا نازلي هانم

نازلي بدون ان تنظر اليها : الله يبارك فيكي ... اتفضلو علي السفرة لان كمان شوية العشا هيبدأ

نظرت منه الي علي بغضب : انت هتسكتلها و هي بتعاملني بالطريقة دي .. انا هبقي مراتك يا علي يعني لازم تحافظ علي كرامتي

علي و هو يقبل يدها : متخافيش يا قلبي هي هتتجوز ز هتنشغل بجوزها و تبعد عننا

منه و هي تسحب يدها منه بغضب : اما نشوف اخرتها معاك انت و عمتك

ثم تركته و هرعت بغضب الي الطاولة فذهب علي ورائها

كان كل ذلك تحت انظار اسماء التي كانت تهبط من اعلي الدرج بشعرها الاحمر الناري و فستانها التي يكاد يغطي ركبتيها و مساحيق التجميل التي تغطي وجهها ... فكانت نسخة مصغرة من نازلي

نظرت لهم اسماء بإستهانه و عدم اهتمام و اتجهت الي نازلي

اسماء : مبروك ... بجد فرحتلك من قلبي

نازلي و هي تنظر اليها من اعلي الي اسفل ابتسمت بسخرية و لكن سرعان ما اخفت ابتسامتها و ضمتها اليها

نازلي : الله يبارك فيكي يا سمسم ... بس ايه الشياكة و الجمال ده

اشارت اسماء برأسها الي علي و منه و كانت ملامح الغل و الشر و الحقد بادية علي وجهها بشدة

ابتسمت لها نازلي بثقة : متخافيش يا قلبي ... طول ما انتي معايا هتكسبي خليكي واثقة فيا

اسماء : طبعا واثقة فيكي

نازلي : طب ادخلي انتي بقي اقعدي معاهم جوه و خليكي مبتسمه و اوعي تبيني انك متدايقة

اسماء : هحاول

اتجهت اسماء و جلست في الكرسي امام علي مباشرة و كانت تبتسم له بإستهانه و كأنه لا يعني لها اي شئ و هذا ازعجه كثيرا فجذب يد منه و شدد عليها

كانت منه تنظر الي ما وصلت اليه اسماء بحزن شديد و هي تعلم ان سبب كل هذا هي نازلي فهذه ملامح اسماء و لكن علي جسد شيطانه

منه : وحشاني يا اسماء ... شكلك بالحجاب كان احلي كتير

اسماء بسخرية : و هو انتي بقي الشيخة منه و انا معرفش ثم قالت بحزم و غضب .. انتي واحدة خطافة رجالة

علي بغضب : اسماء ... اياكي تتكلمي معاها بالاسلوب ده تاني علي الاقل هي لابسة فستان محترم مش زيك لابسة زي الرقاصين

اسماء و هي ترجع بظهرها الي الوراء يأريحية و برود : عاجبني و خليك في حالك طالما انا مبقتش اهمك زي ما قلت قبل كده

علي بتهكم : معاكي حق هي مدة مؤقته و هطلقك بس حبيت اكسب فيكي ثواب قبل ما اسيبك

اسماء بتهكم : لا و انت طيب اوي

دخلت اليهم نازلي بسرعة تخبرهم ان خطيبها قد وصل

فنظر علي الي ملابس اسماء بغيرة شديدة و وقف احترام ينتظر خطيب عمته

بعد قليل وجدوا من يدخل عليهم و هو في كامل اناقته و هيبته و نازلي تتأبط زراعه بفخر

نظر علي بصدمة و عدم تصديق و كذلك منه التي فتحت عينيها بذهول ايضا

نازلي : اعرفكم .... زين مجدي خطبيبي و هو اللي هيمسك ادارة كل شركاتي

ضغط علي علي اسنانه بغضب و كور قبضته و لكن منه امسكت يده بسرعة و شددت عليها

زين : مساء الخير .... طبعا انا اعرف علي كويس و اظن هو كمان يعرفني و اعرف مدام اسماء كمان ثم نظر الي منه بسب حابب اتعرف بالانسة

نازلي : منه خطيبة علي

كانت اسماء تتابع ما يحدث امامها بإستمتاع شديد و تود ان ترفع القبعة لنازلي من اجل تفكيرها ثم انتقلت ببصرها الي منه المصدومة و ابتسمت بسخرية

نازلي : ايه مش هتسلم علي زين يا علي

علي بسخرية : لا طبعا مبروك يا زين

كان زين ينظر الي منه بتحدي و ثقة و ابتسامه خفيفة تزين ثغره بينما كانت منه تود ان تنشق الارض و تبتلعها الان حتي تخرج من هذا الموقف

منه و زين

علي و اسماء

نجججججوم و رأيكم و ادعولي لان امتحاني يوم 16 و انا دلوقتي في اللي بيسموها زنقة الكلاب 😂😂 و اي وقت الاقي نفسي كده فاضية هنزل بارت كامل ان شاء الله و بعد الامتحانات هننتظم تاني