هاجر بصدمة :ايه ده ... مستحيييييل و في تلك اللحظة كان هاتفها يدق برقم تامر
كانت هاجر تنظر الي الصورة امامها و في تلك اللحظة خرجت نادين من باب المرحاض فنظرت لها هاجر بصدمة
نادين : مالك يا بنتي بتبصي عليا ليه كده ... انا نسيت اخد معايا لبس ... اخذت نادين ملابسها من الخزانه و نظرت الي هاجر بإستغراب ... مالك يا هاجر ... ما تردي علي الموبايل المزعج ده ليكون في حاجة مهمة
هاجر و هي تغلق الهاتف بإرتباك : لا لا ابدا ... انا لازم امشي حالا
نادين بصدمة : تمشي تروحي فين احنا مقعدناش مع بعض ... و عندما انهت نادين جملتها كانت هاجر قد خرجت من باب الغرفة
نادين بذهول : مالها دي ... انا هدخل اكمل الشاور بتاعي و بعدين ابقي اطمن عليها لما تروح ..
كانت هاجر تخرج من باب المنزل بسرعة و كأنها تسابق الريح و اعينها متسعة بشدة و عدم تصديق فهي كانت تظن ان هذه الاشياء تحدث في الأفلام فقط ... وجدت هاجر هاتفها يدق برقم تامر مرة اخري و كلما اغلقته يدق مرة اخري
اجابت هاجر بغضب بسبب توترها : في ايه يا تامر عمال تتصل و انا بقفل عليك ... يبقي مش عايزة اتكلم معاك دلوقتي
انزل تامر الهاتف عن اذنه ليتأكد انه اتصل بها
تامر بغضب هو الاخر : اتعدلي معايا احسن اقسم بالله اطبقلك وشك يا هاجر مش عشان انا بحبك يبقي هتساهل معاكي و اسمحلك تتكلمي معايا بالطريقة دي
حاولت هاجر الحفاظ علي هدؤها : حاضر يا تامر انا اسفة ...انا بس متوترة شوية فعشان كده اتكلمت بالطريقة دي
تامر : مالك ؟!!! لو دايقك قولي مين و انا امسح بيه الارض
هاجر : لا محدش دايقني ... انا بس عايزة اعرف انت عامل ايه دلوقتي
تامر بحزن : هكون عامل ايه يعني زي ما انا ... انا مش عارف اعمل ايه يا هاجر انا متقل علي امير اوي و بصراحة هو مستحملني بس انا لازم الاقي شقة و شغل في اسرع وقت
كانت هاجر مازالت لم تبتعد كثيرا عن منزل نادين ..و كانت تنظر الي ڤيلا والدها الفخمة و تستمع الي تامر بعيون مدمعة
هاجر و هي علي وشك البكاء : لو سمحت يا تامر اقفل دلوقتي
تامر بقلق: مالك يا هاجر ؟!!
هاجر بقهر شديد : لو سمحت يا تامر اقفل ... ارجوك
اغلقت هاجر الهاتف في وجه تامر و هي ظلت تسير في الشارع و هي لا تصدق ما حدث الان ...
هاجر و هي تحاول اقناع نفسها : اكيد جوزها شبه تامر ... تامر ابن الحاج عبدالله و كان مسافر بيشتغل برا و هو الحاج عبدالله اللي قال كده بنفسه .. اكيد مش هيكذب ... هو مجرد شبه مش اكتر .. بس نادين قالتلي انه ميت من اكتر من 5 شهور و ده الوقت اللي تامر رجع فيه ....
أنت تقرأ
آلَعٌشُقُ وٌرطِةّ
Romanceهّيَ عٌنِيَدٍهّ حًنِوٌنِهّ لَآ تٌتٌرکْ آحًدٍ يَحًتٌآجّ لَمًسِآعٌدٍتٌهّآ هّوٌ قُآسِيَ لَآ يَهّتٌمً بًأحًدٍ مًغُروٌر لَيَسِ لَدٍيَهّ آصّدٍقُآء بًسِبًبً طِبًآعٌهّ آلَمًسِتٌفُزٍهّ وٌلَکْنِ آلَحًيَآهّ سِتٌجّمًعٌهّمً رغُمًآ عٌنِهّمً
