آلَعٌشُقُ وٌرطِةّ

البارت الرابع و الستون

عند اسماء كانت تحاول الاتصال بعلي لتتحدث معه و تري متي سيأتي ليتابع عمله و لكنها صدمت مما رأت امامها كان علي يدخل الشركة وهو ممسك بيد منه صديقة نادين فقامت اليهم اسماء

فنظرت لها منه ايضا بإستغراب

علي :اعرفكم ببعض اسماء منه منه اسماء

اسماء بضيق :انا عارفها دي صاحبة نادين بنت خالتي

علي :طب تمام اوي ان انتوا طلعتوا تعرفوا بعض.... تعالي يا اسماء عايزك دقيقة جوه...اتفضلي يا منه ارتاحي

دخلت اسماء مع علي الي المكتب

اسماء بضيق :ممكن افهم انت جايبها هنا ليه و ازاي داخل و ماسك ايديها كده

علي :عادي يا اسماء مش معني ان انتي مش بتخليني امسك ايدك تبقي كل الناس دقة قديمة زيك

اسماء:يعني الادب بقي دقة قديمة طالما هو كده بقي انا امسك ايد راجل غريب عادي اصلي عايزة اواكب العصر و ابقي مش قديمة

علي بغضب :بلاش الاسلوب ده معايا يا اسماء

اسماء بغضب :انت مينفعش معاك غير الاسلوب ده حضرتك مفكر نفسك لسا عايش بره...ازاي تدخل علي مراتك و انت ايدك في ايد واحدة تانية طب حتي اعمل حساب لمشاعري و اني هاكون متدايقة

علي :اسماء مفيش حاجة تدايق عادي جدا علي فكرة و متكبريش الموضوع

اسماء :الموضوع كبير اصلا بس انت اللي مش عايز تتكلم فيه يا علي احنا من ساعت ما اتجوزنا وانت بتعاملني معاملة زي الزفت و جاي حالا تكملها بأنك داخل و في في ايدك واحدة و بتتكلم عادي كأنك مش غلطان و لما انا عكست الموقف و حطيتك مكاني انت ادايقت جدا

علي :خلاص يا اسماء انا مش عايز اتخانق دلوقتي

اسماء بحسرة و دموع :نتخااانق...يعني لما احب اتكلم معاك واقولك بلاش تعمل حاجة بتدايقني ابقي بتخانق يا علي علي العموم شكرا و عندما كانت ستهم بالخروج امسكها علي يدها وجذبها اليه

علي :حقك عليا متزعليش.. انا اكيد مش عايز ازعلك يعني... و بالنسبة لمنه فهي مريضة و انا بتعامل معاها كده بس تضامنا معها و عشان ارفع معنويتها

اسماء :مريضة ازاي؟

علي :هي كانت فاقدة النطق لان خطيبها سابها و دلوقتي بتتكلم بصعوبة

اسماء :طب وانت اتعرفت عليها ازاي اصلا؟

علي :عن طريق نادين ما انتي عارفة انهم اصحاب و كانت بتيجي تسأل عليها و تقعد معاها و انا كنت ببقي موجود فأتعرفنا علي بعض..فأنا عرضت عليها تتفرج علي الشركة عشان تفك شوية

اسماء بضيق :ماشي...بس مش هاتشوفها تاني

علي :طبعا هاشوفها تاني ليه اصلا انا النهارده قابلتها بالصدفة...تعالي بقي نفرجها علي الشركة