آلَعٌشُقُ وٌرطِةّ

البارت الخامس و الخمسون

تأبطت منه ذراع علي و دخلوا الي المطعم و قام علي بسحب الكرسي لمنه فشكرته وجلست و جلس هو الاخر

علي :ايه رأيك في المكان

ابتسمت له منه دليل علي اعجابها بالمكان و قامت بإخراج الورقه و بدأت بالكتابة

منه :المكان حلو اوي و كمان انت شيك جدا

علي بإبتسامة :انتي اللي زي القمر يا منه وفستانك جميل

منه :بس انا ملاحظة ان شكلك مرهق ودماغك متعورة...انا اسفه لو احرجتك و خليتك تخرج و انت تعبان

علي :لا ابدا انا مش تعبان و بعدين طالما انتي عايزة حاجة لازم اعملهالك... انا عندي كمام منه

ابتسمت منه بفرحة ثم نظرت في الارض بخجل

علي :ترقصي ؟

نظرت له منه بتردد فقام علي بجذب يدها الي ساحة الرقص و كانت منه تشعر بشئ غريب.. هي طلبت منه الخروج حتي تعطيه فرصة و لا تظلمه و لكنها شعرت معه براحة كبيرة و امان افتقدتهم

كان علي قريب منها و يشتم رائحة عبيرها المسكر كم هي رقيقة جميلة بسيطة غير معقدة مثل اسماء... اسماء!!!! ماذا الذي يفعله هنا و كيف يفكر بهذه الطريقة.. منه مجرد بنت تحتاج لمساعدة ليس اكثر

علي وهو ينظر بعيد عن عينيها :كفاية كده تعالي نقعد عشان نتعشي

عادوا مرة اخري الي الطاولة و علي يحاول بقدر الامكان عدم النظر اليها  ....طلبوا العشاء فستأذنت منه للذهاب الي الحمام و قامت

في هذا الرقت رن هاتف علي و كانت اسماء

علي :الو يا اسماء

اسماء :انت لسا زعلان مني يا علي... والله مكنتش اقصد انا بس اتكسفت

ابتسم علي :طب ما تقولي مكسوفة... بدل الكلام البايخ اللي قولتيه انتي حسستيني اني بفرض نفسي عليكي

اسماء بنبرة اشبه بالبكاء :خلاص يا علي مكنتش اقصد... وانا مغلطتش يا علي ميصحش اللي حصل

علي بعصبية خفيفة :هو ايه اللي ميصحش ...انتي مراتي يعني لو خدتك بيتي حقي يا اسماء ..و يا ريت متتكلميش في الموضوع دا تاني خلصنا

اسماء :طب خلاص انا اسفة و الله.... متزعلش بقي

ابتسم علي بحب :انا مقدرش ازعل منك ابدا يا منه

عقدت اسماء حاجبيها :منه!!!

علي و هو يلعن غبائه :ايوة انتي ربنا من عليا بيكي

اسماء :انت اللي هدية من ربنا علشاني يا علي... صحيح انا و خالتوا روحنا من المستشفي حبيت اعرفك

علي :تمام.. كويس انك عرفتيني.... سلام بقي

ابتسم اسماء ثم ودعته و اغلقت