آلَعٌشُقُ وٌرطِةّ

البارت الرابع و الثلاثون

في صباح يوم جديد كان أحمد يجلس بحزن في الحديقة و تائه في افكاره و لكن افاق علي صوت عالي عقد أحمد حاجبيه بإستغراب من اين يأتي هذا الصوت قام بتعب و اتجه الي خارج الغرفة وجد الصوت يأتي من غرفة نادين اقترب من الغرفة ورأي ام نادين و اسماء يحاولون اقناعها بالذهاب معهم الي المصحة

جميلة بشر لامها :والله لو ما خرجتي من هنا يا ولية يا مجنونه انتي هدفنك مكانك انتي و البت الغبية اللي معاكي ديه

الام بدموع :دي اخرتها يا نادين طب دانا قلبي كان بيقطع عليكي و انتي مخطوفة كده يا بنتي

جميلة بتكبر :والله محدش طلب منك تخافي عليا و اتفضلي من غير مطرود انتي و البت دي

وهنا دخل أحمد الي الغرفة

أحمد :معلش يا طنط استني تحت

اخذت الام اسماء و اتجهت الي الاسفل اتفت احمد لجميلة و قال لها :احنا مش اتفقنا انك هتتعالجي

جميلة :اتفقت مع نادين مش معايا

أحمد :وانتي و نادين واحد يعني انتي غصب عنك هتروحي تتعالجي

جميلة :انت اوافق اني الغي شخصيتي اموت نفسي

أحمد :انتي اصلا مكنتيش موجودة عشان تموتي

اقتربت منه جميلة :و هو كان مين السبب في وجودي يا أحمد باشا

أحمد بندم :مكنش قصدي يا جميلة صدقيني انا لما بتعصب مش بشوف قصادي و في اليوم ده نادين نرفزتني جدا

جميلة بدموع :تقوم تعمل كده.... انت كنت هتدبحها كنت هتخليها تكره نفسها ......هي اه ممكن تكون عنيدة و مش بتسيب حقها ..ثم نظرت الي رأسه و ابتسمت بوجع ثم اكملت ....بس مكنتش هتعرف تاخد حقها منك لانك ممكن تفعصها..... بس انا مش هسمحلك..... علي فكرة انا مش بكره نادين انا بخاف عليها...... و عارف نادين بتصعب عليا لانها شافت كتير قوي ...وانت جاي تكمل عليها لانها وقفت في طريقك لانها قالتلك لأ... الكلمة اللي انت مش متعود تسمعها ...ثم اقترب من اذنه و قالت بفحيح كالافعي.. بس انا بقي مش هسمحلك تمحي وجودي يا أحمد لان قريب قوي نادين اللي هتختفي و انا اللي هبقي موجودة.... وهيا كفايا عليها اللي شافتوا لازم اشيل عنها شوية

أحمد :الكلام ده مالوش لزوم يا جميلة لانك قريب قوي مش هتبقي موجودة و علي فكرة يا جميلة مش نادين بس اللي اتعذبت انا كمان اتعذبت يا جميلة... انا كنت بكره حياتي بيتي شغلي فلوسي انا طول عمري وحيد عايش مع الخدم هما اللي كانوا بيهتموا بيا اغلي ناس عندي سابوني لوحدي.. علي الاقل نادين كان عندها والدتها انما انا مكنش عندي اي حد.. حتي علي كان لسا صغير و كانت خالتو تيجي يومين في الاسبوع تقعد معايا هيا و علي و مع الوقت بطلت تيجي خالص لان جوزها عايزها تفضل جمبوا و تهتم بأبنها و البيت دا غير ان كان في عداوة بينوا و بين بابا فكانت بتبعتلي علي مع الدادة بتاعتوا نلعب مع بعض شوية و بعدين يمشي... ثم اكمل بإبتسامة و جع و دموع.. عارفة يعني ايه تكوني سخنة و محدش جمبك بالليل ياخد بالوا منك عارفة يعني ايه تكوني خايفة بالليل لانك نايمة لوحدك و مفيش حضن تستخبي فيه عارفة يعني ايه تكوني وحيدة و الكل يتعامل معاكي علي انك حجر مبتحسيش يا جميلة... انتي بالذات متتكلميش عن الوجع لان شكلك مجربتهوش يا جميلة