آلَعٌشُقُ وٌرطِةّ

البارت الخامس والعشرون

في صبا يوم جديد

استيقظت منه من النوم وكانت تستعد للذهاب الي الكلية ولكن عندما كانت ستهم بالنزول و جدت هاتفها يرن و ما كان هذا الا زين

منه :الو يا زين ازيك

زين :كويس انتي اخبارك عايز اشوفك

منه :انا تمام و علي فكرة انت كنت لسا في بالي و هتصل بيك

زين :يا سبحان الله بنحس ببعض اوي مش كده

منه بخجل :اقفل انا جيالك

ثم انهت المكالمة و توجهت الي الكافية الذي بجانب الجامعة وعندما دخلت و جدت زين ينتظرها

زين :ازيك يا منه

منه :كويسة ثم جلسوا

زين :بصراحة انا عايزك في موضوع وانا ماليش في الف و الدوران

منه :خير

زين :شوفي يا ستي عارفة شريف

عقدت منه حاحبيها :انهي شريف

زين بغيرة :وانتي تعرفي كام شريف

منه :نعم

زين:ااقصد شريف اللي كان خاطب صحبتك

منه :اه فاكراه مالوا

زين :شوفي هو قبل اي حاجة هو صحبي و لما عرف ان انا اعرفك قالي اكلمك تساعديه ترجعيه لخطيبته

منه :بس مش هينفع

زين :لية بس

منه :لأنها اتجوزت

زين بصدمة:بتقولي ايه اتجوزت مين و امتي دول لسا سايبين بعض

منه :ماهي اتجوزت جواز مش طبيعي

زين :ازاي

قصت عليه منه حكاية نادين مع أحمد

زين :يعني هي سابتو عشان تطلعوا من الحبس

منه :اه وهو ردلها ده بأنو يضحك عليها و يتخلي عنها

زين :هو متخلاش عنها هو بس كان بيرد كرامته مش اكتر لأنها هيا اللي قالت انها مش عايزاه....طب دلوقتي هنعمل إيه

منه:انا رأي احكي لشريف علي كل حاجة عشان ميبقاش واخد عنها فكرة وحشة و في النهاية هي خلاص اتجوزت

~~~~~~~~~~~

عند نادين وأحمد

استيقظت نادين صباحا ثم توجهت الي الحمام و غيرت ملابسها و نزلت لتتناول الفطار وعندما نزلت وجدت أحمد جالس علي السفرة

نادين :صباح الخير

أحمد وقد علم انها نادين من طريقة لبسها :صباح النور

نادين :صحيح يا أحمد ايه اللي في ايدي ده

أحمد :جميلة عورت نفسها امبارح