في صباح يوم جديد كانت نادين تفتح عيونها و عندما نظرت في هاتفها لتري كم الساعة انتفضت من مكانها و هي تنظر حولها تبحث عن ملابسها بسرعة و لكنها سرعان ما جلست مرة اخري حسب تنبيهات الطبيب علي ان لا تفعل اي مجهود و ان تكون حراكتها محسوبة حتي لا يسؤ وضعها
نادين : اسمااااء بت يا اسماااااااء
هرعت اسماء اليها : مالك انتي تعبانة او حاجة اجبلك الدكتور
نادين : لا ... ساعديني البس و النبي يا اسماء لان يحيي هيعدي عليا كمان شوية
اسماء : هو لازم المشوار بتاع كل اسبوع ده يا نادين ...انتي تعبانة و الدكتور قال لازم تفضلي مرتاحة عشان قلبك يا نادين
نادين : متقلقيش انا واخدة الدوا و بعدين انا طول الاسبوع نايمة هو يوم واحد بس
ساعدتها اسماء في ارتداء ملابسها و قامت بإمساك يدها حتي خرجت من الغرفة الي الصالة فوجدت امها جالسة مع سمير يتحدثوا في مواضيع مختلفة
نادين بإبتسامة : صباح الخير يا انكل
سمير : صباح النور علي احلي نادين في الدنيا مش هتصبحي علي ماما
نادين : صباح الخير يا ماما
ادارت الام وجهها و لم تجيب عليها فنظرت نادين اليها بحزن و هبطت الي الاسفل مع اسماء عندما دق عليها يحيي اخبرها انه بالاسفل ينتظرها ... صعدت معه نادين الي السيارة
يحيي : حبيب خالو عامل ايه النهارده ؟
نادين : كويس و بيسلم عليك و بيقولك انه عايز جردل نوتيلا
يحيي : لا و الله ... يعني هو حدد جردل نوتيلا ... علي العموم حاضر و احنا مروحين هشتريلك واحد
نادين : قصدك تشتري ليه هو مش ليا انا
يحيي : انتي لسا معرفتيش ولد و لا بنت
نادين : و مش عايزة اعرف دلوقتي انا اساسا بروح لدكتور القلب بس و اخر مرة رحت فيها لدكتور النسا كان من 3 شهور و لسا ماشية علي العلاج بتاعه لدلوقتي
يحيي :طب و هو ده ينفع يا نادين ... لازم يا بنتي تهتمي شوية
بعد قليل وصل يحيي و نادين : اما هستناكي هنا و حاولي متتاخريش عليا
نادين : حاضر ...وهبطت نادين من السيارة و تقدمت الي الداخل حتي و اصبحت امام مقبرة أحمد
نادين بإبتسامة : ازيك يا أحمد انت وحشتني قد الدنيا كلها .... قولي بقي انت اخبارك ايه ... طبعا انت مبسوط عشان ارتحت مني بس علي مين انا كل اسبوع لازم اجي و اغلس عليك .. ثم وضعت يدها علي بطنها ... عارف ابنك او بنتك شكلهم مش متربين ... طول الليل رايح جاي في بطني كأن وراه مشوار .. شكله هيطلع نشيط اوي مع اني كسلانة و اعشق النوم انت اللي كنت بتحب الشغل و الصحيان بدري .. اووووف هتبقي مشكلة كبيرة لو طلع زيك مش عارفة هتعامل معاه ازاي بس اللي انا متأكدة منه اني هشبشله كل يوم بسبب و من غير سبب ... ثم اخذت نفس عميق و ابتسمت بألم و اغرورقت عينيها بالدموع ... اكتر حاجة مفرحاني اني هيبقي عندي جزء منك كل ما ابصله هشوفك ... انا كل يوم بفضل ابص لصورتك بالساعات عشان يطلع شبهك يا أحمد ... كل يوم بتخيل لو انت معايا كان زمانا دلوقتي بنحس بيه سوا .. كان نفسي امسك ايدك و احطها علي بطني عشان تحس بيه و هو بيتحرك ثم مسحت دموعها و ضحكت .. انت عارف .. انا بطني كبيرة اوي كأني في التامن و دايما باكل كتير اوي ... شكله هيطلع طخين و بكرش هههههههه ... انا لازم امشي بقي لان يحيي مستني بره و هجيلك الاسبوع الجاي اوعي تروح في حته استنامي سلام يا عمري
أنت تقرأ
آلَعٌشُقُ وٌرطِةّ
Romanceهّيَ عٌنِيَدٍهّ حًنِوٌنِهّ لَآ تٌتٌرکْ آحًدٍ يَحًتٌآجّ لَمًسِآعٌدٍتٌهّآ هّوٌ قُآسِيَ لَآ يَهّتٌمً بًأحًدٍ مًغُروٌر لَيَسِ لَدٍيَهّ آصّدٍقُآء بًسِبًبً طِبًآعٌهّ آلَمًسِتٌفُزٍهّ وٌلَکْنِ آلَحًيَآهّ سِتٌجّمًعٌهّمً رغُمًآ عٌنِهّمً
