آلَعٌشُقُ وٌرطِةّ

البارت الثامن و الثلاثون

في صباح يوم جديد استيقظت مليكة من نومها و ارتدت ثيابها و اتجهت الي الصالة حيث تجلس والدتها و ابن اختها

مليكة بتكشيرة علي غير عادتها :صباح الخير يا ماما

الام :صباح النور.... مالك يا بنتي من يوم ما اتخطبتي ليحيي و انتي علي طول مهمومة كده... طب دانتي الضحكة مكنتش يتفارق وشك

مليكة :مفيش حاجة بتفضل علي حالها يا ماما خلاص

الام :شوفي يا مليكة نصيحة من امك لو انتي مش مبسوطة معاه سبيه لانك كده بتظلميه و بتظلمي نفسك

عقدت مليكة حاجبيها :انتي ليه بتقولي كده انتي كنتي مبسوطة بيحيي اوي

الام :مش مهم انا مبسوطة ولا لأ... انتي اللي لازم تكوني مبسوطة مش انا... انتي اللي هتعيشي معاه مش انا... فكري كويس يا حبيبتي

حركت مليكة رأسها و هي مشوشة و لا تعرف ماذا تفعل و لكن يحيي يحبها و يهتم بها و يفعل كل ما يرضيها و هي يجب ان تقدر ذلك اكيد مع الوقت سوف تبادله مشاعره... هي الان مشوشة فقط لانها تعرفه من فترة قريبة

اتجهت مليكة الي عملها و عندما دخلت و جدت ان شريف يجلس في مكتبه يتابع عمله بجدية تقدمت و دقت الباب

مليكة :صباح الخير يا مستر شريف

شريف بجمود وهو ينظر في الاوراق:صباح النور ايه اللي اخرك

مليكة :انا اسفة مكنش فيه تاكسي

شريف بحزم و هو لا ينظر لها :ياريت متتكررش و اتفضلي علي شغلك و هاتلي اوراق الشحنة بتاعت سويسرا بسرعة

مليكة بإستغراب من طريقته معها :حاضر

عندما خرجت رفع شريف نظره عن الاوراق و اخذ نفس عميق و تنهد بتعب

شريف :يا تري انا مالي فيه ايه انا مكنتش كده... دا حتي نادين مكلمتنيش و لا انا كلمتها و مع ذلك مش ملهوف عليها زي الاول... و مليكة انا مالي و مالها ليه بتوتر لما بشوفها فرك شريف وجهه بيدة ...شريف شريف اهدي كده انت بتحب نادين و بس

في هذه الاثناء دخلت عليه مليكة

مليكة بلهفة :حضرتك كويس

شريف و هو ينظر في عيونها الجميلة و يبتلع ريقه :اه كويس

مليكة :طب اتفضل الاوراق

شريف :شكرا اتفضلي علي مكتبك

خرجت مليكة وجلست علي مكتبها و بعد نصف ساعه وجدت يحيي يطرق الباب و هو مبتسم و يدخل عليها

يحيي:صباح الخير يا لوكة ايه القمر ده

مليكة بإبتسامة :صباح النور يا يحيي

يحيي بسعادة :احنا النهارده عايزين نروح نختار عفش البيت سوا ايه رأيك

مليكة وهي تشعر انها ستختار كفنها :حاضر يا يحيي اللي تشوفوا