آلَعٌشُقُ وٌرطِةّ

البارت التاسع والاربعون

عند أحمد قام منزعج علي صوت الباب... قام واتجه ليفتحه و عندما فتحه رأي اخر شخص يتوقعه

أحمد بصدمة :بابا

الاب :كويس انك لسا فاكر انك عندك اب ...ايه هنفضل واقفين كده

ازاح أحمد نفسه عن الباب ليدخل والده

الاب :ممكن اعرف انت سايب بيتك ليه و جاي هنا

أحمد :دا شئ يخصني

الاب :لأ ميخصكش لوحدك ... لما الموضوع يتعلق بإسم العيلة يبقي هيمس الكل... حضرتك سايب شغلك وجاي قاعد هنا عشان البنت اللي انت بتجري وراها

أحمد بسخرية :انا قولت كده برضوا... انت بقالك سنين غايب و حتي مش بتكلف نفسك تسأل عليا بالتلفون

الاب:هو انت صغير....هتوه حضرتك... البنت دي تنساها خالص و تقوم معايا هنرجع القصر و هتتجوز فريدة

أحمد بعصبية :انت فاكرني عيل صغير هسمع كلامك و اقول حاضر.. تبقي بتحلم و البنت دي مراتي انا اتجوزتها وانت ملكش الحق انك تتدخل في حياتي انت عمرك ما سألت عليا و علي حياتي و لا عايش ولاميت انت انسان اناني مش بيهمك غير نفسك و بس ودلوقتي جاي تفرض سيطرتك عليا و لأ وكمان عايز تجوزني فريدة الخاينه اللي مش بيهمها غير الفلوس و مصلحتها و بس

الاب :فريدة حامل

أحمد بصدمة :ايه

الاب :فريدة كلمتني و قالتلي انها حامل منك و انت مش سائل فيها لانك بتجري ورا واحدة عايزة فلوسك و بتستغلك

أحمد بعصبية :كدابة انا مش فاكر حاجة و اكيد هيا بتقول كده بس عشان تبعدني عن نادين و اكيد هي مش حامل ولو حامل يبقي مش ابني

الاب بغضب :انا عمري ما هسمح ان حفيد عيلة الاسيوطي يتربي بعيد عني و عن حضني انت فاهم
والبنت دي تبعد عنها خالص دي مش من مستواك

أحمد :الحب مفيهوش مستوي يا بابا وانت اكتر واحد عارف الكلام ده.. لانك جربته

الاب :والنتيجة كانت ايه تنهد الاب بحزن يابني انا مش عايزك تبقي زي.. انا في يوم من الايام وقفت قصاد ابويا زيك كده و في الاخر خانتني

أحمد بعصبية شديدة :متنطقش كلمة واحدة في حق امي انت فاهم... انا كنت موجود و شفت كل حاجة.. امي اشرف ست في الدنيا

الاب :انت كنت صغير يا احمد و اكيد مكنتش واخد بالك بس.. انا اللي اكتشفته ان ابن عمها كان بيجي كتير في غيابي و الخدم مش موجودين و يجيب بنته عشان انت تلعب معاها عشان تنشغل عنهم دا غير الفلوس اللي كانت بتختفي

أحمد :لو جبت سيرة امي بكلمة واحدة هنسي انك ابويا

الاب :أحمد انا عايز مصلحتك... ياله لم هدومك و تعالي معايا القصر