آلَعٌشُقُ وٌرطِةّ

البارت الثالث

بعد انتهاء التنظيف تنهدت نادين بإرتياح اخيرا انها قد انتهت لانها قد تعبت كثيرا ولكن من الرقص وليس التنظيف اتجهت نادين الي الحمام لتأخذ دش ثم ارتدت ثيابها ثم اتجهت الي الصاله حيث تجلس والدتها

نادين بإبتسامه:انا خارجه يا نونه عايزه حاجه

الام :رايحه فين يا حبيبه ماما

نادين:رايحه اقابل منه لانها عايزه تشتري فستان جديد عشان فرح إبن خالها

الام ماشي يا حبيبتي متتأخريش وسلميلي عليها كتير

نادين : حاضر سلام يا نونه

~~~~~~~~~~

في شركه الاسيوطي كان جالس يفكر في طريقه لازاحه هذه البنت التي تقف عائق في مشروعه الذي سيغير من حياته حينما جاءه اتصال

أحمد :ها جبتلي المعلومات اللي قولتلك عليها

المتصل :جبتهم يا أحمد باشا وجبتلك صورتها كمان وكل تفاصيل حياتها

احمد :تمام ابعتهوملي حالا

المتصل :حالا يا احمد باشا

بعد لحظات ارسل المتصل إليه كل المعلومات

أحمد بإبتسامة شيطانيه : ن ا د ي ن امممممممم حتت الصرصاره ديه تقف في طريق مشروعي بس ماشي انا لازم اوريها حجمها

~~~~~~~~~~~

عند نادين ومنه

نادين:ها يا منه ده كمان مش عاجبك انا والله تعبت

منه :معلش بقي يا نانو ما إنتي عارفه إن مجدي اخويا في الرضاعة يعني انا أخت العريس لازم اكون اشيك واحده في الفرح

نادين بتعب :ماشي يا ستي اما نشوف اخرتها

وأثناء سيرهم من محل لأخر قالت منه

منه:تعالي نقعد في الكافيه ده ونشرب حاجه عشان انا تعبت

نادين:ماشي تعالي يالا

دخلوا الي الكافيه وطلبوا المشروبات واثناء جلوسهم دخل شريف الي الكافيه ومعه سيده كبيره بالسن الي حد ما

شريف بسعاده : ماما البنت اللي حكتلك عنها قاعده هناك ثم اشار بيده علي طاولتهم

الام :انهي واحده

شريف: الي لابسه بنطلون جينز فاتح دي

الام :طب تعالي

شريف :هتعملي إيه؟

الام :هعرفك عليها يا خايب

ثم سحبت شريف واتجهت الي طاوله البنات ثم ابتسمت ببشاشه :ممكن نقعد معاكو
نادين ومنه :طبعا يا طنط

ولكن صدمت نادين عندما وجدت شريف يجلس

الام بإبتسامه مشاكسه :انتي بقي نادين صح