My ShiFu Kiss Me!!!( Completed )

5(U+Z)

ယောကျာ်းလေးတွေကို စိတ်ဝင်စားလား?

တစ်ကိုယ်လုံး အဖြူရောင်ချည်း ဝတ်စုံသက်သက်နှင့် မည်သည့် ပကာသနမျှ ဆင်ယဥ်ထားခြင်း အလျှင်းမရှိသည့် လူငယ်တစ်ယောက်။သူ၏ခါးလေးကို ကိုင်းချလိုက်ကာ သူ့ထံသို့ ငုံ့မိုးကြည့်လာခဲ့ခြင်း ဖြစ်ပါသည်။

ဤသူမှာ ခန့်ညားသည်ဆိုသည့် အသုံးအနှုန်းမျိုးနှင့် မလိုက်ဖတ်။နူးညံ့သည်။သိမ်မွေ့သည်။လှပလွန်းရုံသာ ဖြစ်ပါသည်။အနှီလူမှာ ယောကျာ်းလေးတစ်ဦးပင် ဖြစ်နေခဲ့သည်မို့လည်း သွမ့်ရုံချင်းခမျာ ပို၍ မှင်သက် မိန်းမောနေခဲ့မိခြင်း ဖြစ်နိုင်သည်။

သူ၏ ပုံစံမှာ တိမ်စိုင်ဖြူလေးများပေါ် ခုန်ဆွခုန်ဆွ ဆော့ကစားနေခဲ့သည့် ယုန်ဖြူလေးတစ်ကောင်နှင့် ဆင်တူသည်။မျက်တောင်ရှည်များက အင်မတန် သိမ်မွေ့ပြီး သူ၏ပါးပြင်ထက်မှာ ဖြာစင်းနေခဲ့ကာ နူးညံ့ဟန် ပေါ်စေတော့သည်။

သူ့ထံသို့ ငုံ့မိုးကြည့်နေခဲ့ပုံလေးမှာပင် အဖိုးတန် ပန်းချီကားတစ်ချပ်ထဲမှ အသက်ဝင်ကာ ခုန်ထွက်လာခဲ့သည့် နတ်မိမယ်လေးတစ်ဦးပမာ။အမျိုးသားတစ်ဦးအပေါ် ဤမျှလောက် စာဖွဲ့သင့်ပါရဲ့လား‌။အနှီမေးခွန်းကို ထိုအခိုက်အတန့်မှာတော့ သူမစဉ်းစားနိုင်ခဲ့တာ သေချာပါသည်။

သွမ့်ရုံချင်းခမျာ လှုပ်ရှား၍ မရနိုင်သော ခန္ဓာကိုယ်ကြီးနှင့်အတူ မျက်စိရှေ့မှ သူစိမ်းဖြစ်သူ၏ လှပကျော့ရှင်းနိုင်မှုကြောင့်ပင်လား။သူ၏လည်ဇလုတ်နေရာကို နိမ့်ချည်မြင့်ချည်နှင့် အကြောင်းမဲ့စွာ အလုပ်ပေးနေမိတော့သည်။တစ်ဖန် အမည်မဖော်နိုင်သည့် ပူလောင်မှုတစ်ခုကြောင့်ဘဲ သူ၏လည်ပင်းနှင့် ပါးပြင်၊ နားရွက်ဖျားများပါ မကျန် တစ်ဟုန်ထိုး လှိုက်လှိုက်ရဲစပ်ကုန်ရသည်။

တစ်ခနတာအတွင်းမှာတင် အနှီလူ၏ ပုံရိပ်ဖြူလွှလွှက သွမ့်ရုံချင်းကို လမုန့်ပွဲတော်ညက မပျော်မြူးလိုက်ရသည့် တစ်ညတာအား ပြန်လည်မြင်ယောင်၍ တောင့်တမိစေခဲ့သည်။သူစိမ်းမှာ သူ၏ခါးကို ပို၍ကိုင်းချလာခဲ့ပြီး သွမ့်ရုံချင်း၏ လည်ပင်းသွေးကြောနေရာကို လက်နှစ်ချောင်းဖြင့် လာထောက်စမ်းကြည့်လာခဲ့၏။