*သွမ့်ရုံချင်း ပျောက်ဆုံး!*
လမုန့်ပွဲတော်ည သွမ့်မျိုးနွယ်ဝင်များ အစုံအလင် တက်ရောက်ခစားရသည့် ပွဲတော်အခမ်းအနားမျိုးတွင်ပင် ရှိမနေခဲ့သည့် သွမ့်ရုံချင်းတစ်ယောက်ကြောင့်လည်း တာလီနန်းတော်ကြီးတစ်ခုလုံးမှာဖြင့် ယခုတော့ ရုတ်ရုတ်သဲသဲ။
လောကသိ ထီးနန်းဆက်ခံ မင်းသားတစ်ပါး ဖြစ်နေခဲ့ပါလျှက် ဤကဲ့သို့ ပွဲအခမ်းအနားမျိုးကိုပင် မတက်ရောက်လာနိုင်ခဲ့ပါ။အလေလိုက်ကာ အချိန်ဖြုန်းနေခဲ့သည့် တာလီ၏အိမ်ရှေ့စံကို ကဲ့ရဲ့ရှုတ်ချနေခဲ့ကြသူများမှာ မိဖုရားများလည်း အပါအဝင်ပင် ဖြစ်သည်။
ပုံမှန်အလိုလိုက်ခံ မင်းသားတစ်ပါးပင် ဖြစ်ပါစေ ထိုကဲ့သို့သော ပွဲအခမ်းအနားမျိုးကိုတော့ လေးစားသမှုကို ပြသခြင်းအနေဖြင့်လည်း တက်ရောက်ရသည်။
နောက်တစ်နေ့ မနက်ခင်း သွမ့်ဦးရီးတော်၏ ဆူပူအပစ်ရှာခြင်းကို အလူးလဲ ခံယူကြရသူများမှာတော့ သွမ့်ရုံချင်း၏ ဆရာများသာ မဟုတ်ပါလား။သွမ့်ရုံချင်းသာ နန်းတော်သို့ ပြန်လည် ရောက်ရှိလာခဲ့ပါက အနှီတစ်ကြိမ်တွင်လည်း သေချာပေါက်ပင် ဆရာငါးဦးထံမှ အပစ်ကြွေးများ ခံယူရဦးမည်မှာ မြေကြီးလက်ခတ်ပင် လွဲလိမ့်မည် မထင်ပါ။
သွမ့်ရုံချင်း၏ အလေလိုက်ချိန်များက ပုံမှန်အတိုင်းသာဆိုလျှင် တစ်ရက်၊ နှစ်ရက်ခန့်ထက် ပို၍ပင် မကြာမြင့်တက်ခဲ့။သို့ပေသည့် ၃ရက်ဆိုသည့် အချိန်အတိုင်းအတာ တစ်ခုကို စောင့်ဆိုင်းလိုက်ရသည့် နောက်မှာတော့ တာလီနန်းတော်ကြီးတစ်ခုလုံးမှာဖြင့် ပုရွက်ဆိတ်အုံပေါ်သို့ မီးကျီးခဲ ပစ်ကျလိုက်သည့်အတိုင်း သုတ်သုတ်သုတ်ပျာပျာများ ဖြစ်ကုန်ကြလေပြီ။
အိမ်ရှေ့စံမင်းသား ပျောက်ဆုံးသွားခဲ့သည့် ထိုသတင်းမှာ နောက်ဆုံးတော့ တာလီဘုရင် သွမ့်ယွိ၏ နာဝထံသို့ပင် ရောက်ရှိသွားခဲ့ခြင်းကြောင့် ဖြစ်သည်။''တူတော်ကို မတွေ့မချင်း ပြန်မလာနှင့်။ပြန်မတွေ့ရင် သေဒဏ်!'' ဆိုသည့် ရာဇသံကို သွမ့်ရုံချင်း၏ ဆရာများကဘဲ ပေးအပ်ခံလိုက်ရလျှက်။
YOU ARE READING
My ShiFu Kiss Me!!!( Completed )
Historical FictionCompleted! Both Unicode And Zawgyi ငါ့ဆရာမှာ လျို့ဝှက်ချက်တွေ အများကြီး ရှိတယ်။အဲ့ဒီလျို့ဝှက်ချက်တွေကို သိရဖို့ ငါ... ငါ့ဆရာလေး ရေချိုးနေတုန်းမှာ ချောင်းကြည့်မိလိုက်တယ်။ ငါ့ဆရာမွာ လ်ိဳ႕ဝွက္ခ်က္ေတြ အမ်ားႀကီး ရွိတယ္။အဲ့ဒီလ်ိဳ႕ဝွက္ခ်က္ေတြကို သိရဖို႔ ငါ...
