In the midst of whispers

Ako at ang mundong ginagalawan ko

Hindi ko aakalain aabutin ko 'to

Ilang sakuna na rin ang pinagdaanan ko

Umiyak, tumawa, napuno ng emosyon pero kinaya ko

Nahanap ko ulit yung nawawalang Ako

Matagal tagal rin na kinulong ang sarili

Sa apat na kanto ng kwarto at walang katabi

Walang ibang ginawa kundi ang humikbi

Sana nga puso ay may labi upang nararamdaman ay maisabi

Ilang buwang di nakatulog ng maayos

Gabi gabi sumisigaw ng walang boses kaya napaos

Hindi ko kailangan ng awa dahil ako rin ay makakaraos

Makakaraos din sa kinahaharap na unos

Hindi naman talaga masakit ang sakit sadyang iniisip mo lang na masakit kaya masakit

Isipin mo na lang yung magagandang bagay kaysa mapapait

Yung lamig na nararamdaman mo ay muling iinit

Padaluyin mo muli ang pagmamahal hindi inggit at hinanakit

Maraming tao ang dumating pero lilisanin ka din

Mga alaalang iniwan nila ay kay hirap limutin

Pero ako 'to kaya syempre kakayanin, dapat kayanin

At hindi na isang yagit na iyakin

Magulo ang mundo, walang sigurado lahat ay magbabago

Huwag na huwag kang matatakot sa iyong multo

Lakasan mo ang loob mo wag kang magpapaapekto

Kasi kung mahina ka ikaw lang naman yung magiging talo