In the midst of whispers

P A G S I B O L

Abot tanaw kita mula sa dulo ng walang hanggan
Nais kong sagipin ka mula sa kawalan
Ngunit masyado kang nakalubog kahit anino mo'y hindi ko maaninag
Maghihintay na naman muli hanggang ang araw ay suminag

Masyadong kalmado ang iyong karagatan
Subalit kung sisirin ay nagwawala sa may kailaliman
Sinubukan kong languyin ka hanggang sa kaibuturan
May mga lumot at punong puno ng kabatuhan

Sa bawat pagtangka na yakapin ka lagi kang kumakawala
Wala ka man sinasabi ngunit ang puso mo'y nagwawala
Hindi kita iniwan sa paglubog at pagsikat ng araw
Umaasa na isang araw masaya ka ng tunghayan ang buhay

Nagising ako nakipapag-usap ka na ulit sa kalangitan
Kinakantahan ang bituin at buwan
Sa muli kong pagsisid, nagtaka ako
May pulang rosas na tumubo sayong puso

Matinik ngunit sadyang iniingatan mo lang ang sarili mo
Ang ganda ng pagsibol at ang pamumukadkad ng mga talulot nito
Salamat sa pagbabalik
Ako sayo'y nasabik

Ako lang pala makakatagpo sa'yo
Hinanap ko pa sa ibang tao