Sa pagitan ng nakaraan at kasalukuyan nalilito kung ano dapat panigan
Nakaraan na kasama ka, o dito sa kasalukuyan na ako na lang mag-isa
Sa pagitan ng paalam at kumusta ka?
Paalam dahil natapos na ang ating istorya, ngunit nais ko pa ring malaman kung kumusta ka na
Sa pagitan ng Ikaw at ako kanino dapat ako lumingon?
Ikaw na nalulunod pa rin sa sakit ng kahapon, o ako na hinahayaan na lang na lamunin ng mga alaalang binaon sa malalim na balon
Sa pagitan ng pananatili at pag-usad
Papanatilihin ba ang mga pahina o kailangan ko ng punitin ang libro na Ikaw at ako ang nasa kabanata?
Sa pagitan ng kilala kita at nakalimutan ko na
Kilala kita ngunit unti-unti ko ng nakakalimutan ka, ang iyong itsura, mukha o kung paano ka magsalita
Mananatili pa ba ako sa pagitan o kailangan ko ng humakbang at kilalanin ang katapusan?
BINABASA MO ANG
In the midst of whispers
PoetryIn the midst of a whirlwind of emotions, I unearthed my voice. A gentle murmur to my pen, and a poem emerged.
